అసెంబ్లీ దగ్గర రచ్చ.. బీఆర్ఎస్ కీలక నిర్ణయం
By Krishna· 8h ago
TG: అసెంబ్లీ దగ్గర జరిగిన పరిణామాలను నిరసిస్తూ బీఆర్ఎస్ పార్టీ రాష్ట్రవ్యాప్త నిరసనలకు పిలుపునిచ్చింది. తమను అసెంబ్లీకి రాకుండా ప్రభుత్వం అడ్డుకుందని ఆ పార్టీ నేతలు విమర్శించారు. దీనిపై ప్రతీ జిల్లాలో నిరసనలు తెలపాలని నేతలకు ఆ పార్టీ పిలుపునిచ్చింది. తెలంగాణ అసెంబ్లీ సమావేశాలు నేడు ప్రారంభమయ్యాయి. ఐతే.. నినాదాలు రాసి వున్న నల్ల టీ షర్టులు ధరించారనే కారణంతో బీఆర్ఎస్ ఎమ్మెల్యేలు, ఎమ్మెల్సీలను పోలీసులు అడ్డుకున్నారు. దాంతో హరీశ్రావు, కొందరు ఎమ్మెల్యేలు షర్టులు విప్పి, బనియన్లతో నిరసన తెలిపారు.
