కరెంట్ కోతలపై రైతుల ఫైర్.. రోడ్డుపై నిరసన

By Mahesh· 1d ago· Telanganatoday· మెదక్ జిల్లా

కరెంట్ కోతలతో ఇబ్బందులు పడుతున్న రైతులు రోడ్డెక్కారు. మెదక్ జిల్లా రామాయంపేట మండలం ప్రగతి ధర్మారం గ్రామంలో ఈరోజు ఉదయం రామాయంపేట-గజ్వేల్ రోడ్డుపై రాస్తారోకో చేపట్టారు. పొలాలకు కరెంట్ అందక వరి పంటను కాపాడుకోలేకపోతున్నామని ఆవేదన వ్యక్తం చేశారు. మరో నెలలో పంట కోతకు వస్తుందని, అప్పటివరకు కరెంట్‌ను రోజుకు 12 గంటలు అందించాలని డిమాండ్ చేశారు. వోల్టేజ్ సమస్యలతో బోర్‌వెల్ మోటార్లు కూడా దెబ్బతింటున్నాయని తెలిపారు.

More in TG

TG· 18m ago

సింగరేణి కార్మికులే రియల్ హీరోలు: KTR

TG: సింగరేణి కార్మికులు దేశానికి వెలుగులు అందించే హీరోలని BRS వర్కింగ్ ప్రెసిడెంట్ KTR అన్నారు. గోదావరిఖనిలో నిర్వహించిన ‘సింగరేణి కార్మిక గర్జన’ సభలో ఆయన మాట్లాడారు. ప్రాణాలను సైతం లెక్కచేయకుండా బొగ్గు గనుల్లో పనిచేసే కార్మికుల సేవలు వెలకట్టలేనివని అన్నారు. చెమట, రక్తం ధారపోసి దేశానికి కరెంటు అందిస్తున్న ప్రతి కార్మికుడికి సెల్యూట్ చేస్తున్నానన్నారు. పోరాటాలకు కేరాఫ్ అడ్రస్ రామగుండం అంటూ.. కార్మికులకు ధన్యవాదాలు తెలిపారు.

TG· 1h ago

వర్షం కోసం ఎదురుచూపులు.. ఎండుతున్న పత్తి పంటలు

TG : ముథోల్ నియోజకవర్గంలో వర్షాలు సకాలంలో కురవక పత్తి రైతులు ఆందోళన చెందుతున్నారు. ఎకరానికి 20 వేల నుంచి 25 వేల వరకు ఖర్చు చేస్తున్నామని, ఆశించిన వర్షాలు లేక పంటలు ఎండిపోతున్నాయని రైతులు ఆవేదన చెందుతున్నారు. సాధారణంగా ఎకరానికి 10 నుంచి 12 క్వింటాళ్ల దిగుబడి వస్తుందని ఆశిస్తారు. పంట దెబ్బతింటే అప్పులు తీర్చడం కష్టమవుతుందని అంటున్నారు. అధికారులు గ్రామాల వారీగా పంటలను పరిశీలించి, నష్టాన్ని అంచనా వేయాలని రైతులు కోరుతున్నారు.

TG· 2h ago

KTRకు నోటి దురుసు ఎక్కువ: కాల్వ సుజాత

TG: BRS వర్కింగ్ ప్రెసిడెంట్ KTRపై కాంగ్రెస్ అధికార ప్రతినిధి కాల్వ సుజాత విమర్శలు చేశారు. E-Car రేసు కేసు చిన్నదేనని చెబుతున్న KTR.. కోర్టులో ఎందుకు పోరాడుతున్నారని ప్రశ్నించారు. ఎన్నికల కోడ్ అమల్లో ఉన్న సమయంలో 54 కోట్ల లావాదేవీలు ఎలా జరిగాయని నిలదీశారు. గాంధీభవన్‌లో జరిగిన మీడియా సమావేశంలో ఆమె ఈ వ్యాఖ్యలు చేశారు. ఓట్ల చోరీ ఆరోపణలపై ఎన్నికల సంఘం నిష్పక్షపాతంగా వ్యవహరించాలని, C.E.C. జ్ఞానేశ్ కుమార్ రాజీనామా చేయాలని కూడా డిమాండ్ చేశారు.

TG· 3h ago

మటన్ మండిలో పంటి ముక్క.. Complaint చేసినా నో యాక్షన్?

TG: హైదరాబాద్ మాదాపూర్‌లోని ది జాయింట్ అల్ మండి రెస్టారెంట్‌లో ఫుడ్ క్వాలిటీపై వివాదం నెలకొంది. మటన్ మండి తింటుండగా ఫుడ్‌లో పంటి ముక్క కనిపించిందని ఓ కస్టమర్ ఆరోపించారు. మేనేజ్‌మెంట్‌ను ఇదేంటని ప్రశ్నిస్తే ఏం చేసుకుంటావో చేసుకో, ఎక్కడైనా కంప్లైంట్ చేసుకో అని బెదిరించిందని అన్నారు. ఫుడ్ సేఫ్టీ అధికారులకు ఫిర్యాదు చేసినా చర్యలు తీసుకోలేదని, సెటిల్‌మెంట్ చేసుకోవాలని సూచించారని ఆరోపించారు. ఈ ఘటనపై పై ఆఫీసర్లు ఇన్వెస్టిగేషన్ చేయాలని డిమాండ్ చేశారు.