ECని కలవనివ్వరు.. ఇదేం ప్రజాస్వామ్యం?

By Lokesh· 1h ago· X

దాదాపు 300 మంది లోక్‌సభ, రాజ్యసభ MP లు CEC జ్ఞానేష్ కుమార్, ఇతర ఎన్నికల కమిషనర్లను కలిసేందుకు వచ్చారని రాహుల్ గాంధీ తెలిపారు. అయితే పోలీసులు వారిని EC ఆఫీస్‌కు 50 గజాల దూరంలోనే ఆపేశారని చెప్పారు. ప్రజా ప్రతినిధులకే ECని కలిసే అవకాశం లేకపోతే ప్రజాస్వామ్యానికి అర్థమేంటని ప్రశ్నించారు. మోదీ, అమిత్ షా,  జ్ఞానేష్ కుమార్ కలిసి దేశ ప్రజాస్వామ్యాన్ని, ఓట్లను హైజాక్ చేశారని రాహుల్ మీడియాతో అన్నారు.

More in National

▶

National· 1m ago

ఫేర్‌వెల్‌కు రెడీ అవ్వండి.. మోదీజి

ప్రధాని మోదీపై ఆమ్ ఆద్మీ పార్టీ (AAP) సోషల్ మీడియాలో ఘాటు వ్యాఖ్యలు చేసింది. మోదీ మాటలకు, చేతలకు అస్సులు సంబంధం లేదని విమర్శించింది. దేశంలోని Gen Z కూడా మోదీ అసలు రూపాన్ని గుర్తించిందని త్వరలోనే ఆయనకు ఫేర్‌వెల్ చెప్పే సమయం వస్తుందని అందుకు ఇప్పటి నుంచే కౌంట్‌డౌన్ మొదలుపెట్టాలని ఆమ్ ఆద్మీ పార్టీ <a href="https://x.com/AamAadmiParty/status/2107373188703527254?s=20">X అకౌంట్లో</a> రాసుకొచ్చింది.

National· 3m ago

ట్రక్కును ఢీకొట్టిన కారు.. ఏడుగురు మృతి

గుజరాత్‌లో ఈ రోజు ఉదయం ఘోర రోడ్డు ప్రమాదం జరిగింది. భావ్‌నగర్ జిల్లాలో వేగంగా వెళ్తున్న కారు ట్రక్కును ఢీకొట్టింది. ఈ ప్రమాదంలో కారులో అలాంగ్ షిప్‌యార్డ్‌కు వెళ్తున్న 7 మంది ఉద్యోగులు అక్కడికక్కడే చనిపోయారు. సమాచారం అందుకున్న పోలీసులు వెంటనే ఘటనాస్థలికి చేరుకున్నారు. మృతదేహాలను ఆస్పత్రికి తరలించి, కేసు నమోదు చేశారు. ప్రమాదానికి అసలు కారణం ఏమిటనే దానిపై పోలీసులు దర్యాప్తు చేస్తున్నారు.

▶

National· 18m ago

AIతో CCTV వీడియో సృష్టించారన్న పోలీసులు

ఢిల్లీలో పోలీస్ అధికారి మహిళలతో తప్పుగా ప్రవర్తిస్తున్నట్లు చూపించే ఫేక్ CCTV వీడియోను AI టూల్స్‌తో తయారు చేసి సోషల్ మీడియాలో వైరల్ చేశారని పోలీసులు తెలిపారు. news_aaina ఇన్‌స్టాగ్రామ్ హ్యాండిల్ ద్వారా వీడియో ప్రచారమైనట్లు గుర్తించి, హర్యానాలోని పల్వాల్‌కు చెందిన 24 ఏళ్ల నదీమ్ అహ్మద్‌ను అక్టోబర్ 5న అరెస్ట్ చేసినట్లు చెప్పారు. పోలీసుల ప్రతిష్టను దెబ్బతీయడం, ఆందోళనకారులను రెచ్చగొట్టడమే ఉద్దేశమని విచారణలో తేలినట్లు తెలిపారు.

సేలం చర్చిలో గందరగోళం.. పాస్టర్‌ను నిలదీసిన బాధితులు

▶

National· 24m ago

సేలం చర్చిలో గందరగోళం.. పాస్టర్‌ను నిలదీసిన బాధితులు

తమిళనాడు రాష్ట్రం సేలం జిల్లా అమ్మపేటలోని చర్చిలో గందరగోళంగా నెలకొంది. మదర్ థెరిసా ట్రస్ట్‌కు సంబంధించిన 3,000 కోట్ల రూపాయల ఆర్థిక మోసం బాధితులు, ఆ ట్రస్ట్‌తో సంబంధం ఉందని చెప్పుకునే పాస్టర్ సెంథిల్‌కుమార్‌ను నిలదీశారు. గతంలో పోలీసులు కేసు నమోదు చేసి కొందరిని అరెస్టు చేశారు. పాస్టర్ సెంథిల్‌కుమార్ బెయిల్‌పై రిలీజై చర్చికి రావడంతో బాధితులు నిలదీశారు. దీంతో అతను పారిపోయాడు. 14 రోజుల నుంచి బాధితులు చర్చి వద్దే నిరసన చేస్తున్నారు.