టీచర్ రాక.. చిన్నారులు చేపల వేట

By డీకే· 4 Jul 2026· కొమురంభీమ్ జిల్లా

TG: కొమురంభీం ఆసిఫాబాద్ జిల్లా వాంకిడి మండలంలోని రింగైట్ గిరిజన ప్రాథమిక పాఠశాలలో ఉపాధ్యాయుడు విధులకు హాజరుకాకపోవడంతో బడికి తాళం పడింది. ఉదయాన్నే బడికి వెళ్లి చదువుకోవాల్సిన ఆ గిరిజన విద్యార్థులు స్కూల్‌ క్లోజ్ చేసి ఉండడంతో నిరాశగా వెనుదిరిగారు. పుస్తకాలు చేతబట్టాల్సిన ఆ పసి చేతులు సమీపంలోని వాగుల్లో చేపల వేటకు వెళ్లాల్సిన దుస్థితి నెలకొంది. ఘటనపై స్థానికులు ఆందోళన వ్యక్తం చేస్తున్నారు. పాఠశాల నిర్వహణ, ఉపాధ్యాయుల హాజరుపై సంబంధిత అధికారుల పర్యవేక్షణ లోపించిందనే విమర్శలు వెల్లువెత్తుతున్నాయి.

More in Local

Local· just now

ముంబైలో గంగాపుత్రుల బోనాల పండుగ

ముంబయిలోని అంధేరీ గావ్‌దేవి గంగపుత్ర బెస్త సంఘం బోనాల ఉత్సవం ఘనంగా నిర్వహించింది. అంధేరీ డోంగరి ప్రాంతంలోని ఎల్లమ్మ దేవి గుట్ట చుట్టూ మహిళలు బోనాలతో ముందుకు సాగారు. ఈ ప్రాంతంలో తెలంగాణ నుంచి నల్గొండ, యాదాద్రి, వరంగల్, యాదగిరి జిల్లాల నుంచి వచ్చినవారు ఈ వేడుకలో పాల్గొన్నారు. ఈ బోనాల ఉత్సవం గత 65 ఏళ్ల నుంచి కొనసాగిస్తున్నామని సంఘం అధ్యక్షుడు మంగిలిపెల్లి శ్రీనివాస్ గంగపుత్ర తెలిపారు.

Local· 4m ago

వికలాంగురాలిపై లైంగిక దాడి.. నిందితుడికి 10 ఏళ్ల జైలు

TG: మానసిక వికలాంగురాలిపై లైంగిక దాడికి పాల్పడిన నిందితుడు కోర్టు శిక్ష విధించింది. పెద్దపల్లి జిల్లా ఎలిగేడు మండలానికి చెందిన రామయ్యకు పెద్దపల్లి జిల్లా కోర్టు 10 ఏళ్ల కఠిన కారాగార శిక్షతోపాటు పది వేల రూపాయల జరిమానా విధించింది. బాధితురాలికి నాలుగు లక్షల పరిహారం అందించాలని జిల్లా న్యాయ సేవా సంస్థను ఆదేశించింది. 2023లో నమోదైన ఈ కేసులో కోర్టు ఈ తీర్పు వెలువరించింది.

Local· 7m ago

మంచిర్యాలలో కాకా వెంకటస్వామి విగ్రహావిష్కరణ

మంచిర్యాల రైల్వే స్టేషన్ ప్రాంతంలో ఏర్పాటు చేసిన దివంగత నేత కాకా వెంకటస్వామి విగ్రహాన్ని కాంగ్రెస్ నాయకుడు మంతెన జగన్ మోహన్‌రావు ఆవిష్కరించారు. కార్యక్రమంలో 200 మందికి పైగా కాంగ్రెస్ నాయకులు, కార్యకర్తలు పాల్గొని నివాళులర్పించారు.

Local· 8m ago

రామగుండం సీపీ గ్రీవెన్స్ డే

రామగుండం పోలీస్ కమిషనరేట్ ఆఫీసులో గ్రీవెన్స్ డే కార్యక్రమంలో పోలీస్ కమిషనర్ అంబర్ కిశోర్ ఝా ప్రజల నుంచి కంప్లైంట్స్ తీసుకున్నారు. ఫిర్యాదుదారులతో మాట్లాడి సమస్యలను తెలుసుకుని, వాటిని పరిష్కరించాలని అధికారులను ఆదేశించారు. ప్రజలు ఎలాంటి ఆందోళన లేకుండా పోలీసులను సంప్రదించాలని సూచించారు. కార్యక్రమంలో అడిషనల్ డీసీపీ(పరిపాలన) కె.శ్రీనివాస్ పాల్గొన్నారు.