రాజస్థాన్‌లో దారుణం.. పోలీస్ స్టేషన్ ముందు హత్య

By Vishnu· 1d ago

రాజస్థాన్‌లోని అల్వార్ జిల్లాలో పోలీస్ స్టేషన్ ముందు 40 ఏళ్ల సైకున్ ఖాన్‌ను ఓ వ్యక్తి రాయితో తలపై కొట్టి హత్య చేశాడు. సెప్టెంబర్ 24న మార్కెట్‌కు వెళ్తున్న సమయంలో ఈ ఘటన జరిగింది. నిందితుడు హర్ష్‌ మూర్తికర్‌ని పోలీసులు అరెస్ట్ చేశారు. సైకున్ ముస్లిం కావడం వల్లే ఈ హత్య జరిగిందని కుటుంబం అనుమానం వ్యక్తం చేస్తోంది. ఈ ఘటనపై రాజస్థాన్‌లోని బీజేపీ ప్రభుత్వాన్ని కాంగ్రెస్ విమర్శించింది.

More in Crime

Crime· 59m ago

నిద్రపోతున్న భర్తను చంపిన భార్య

TG: హైదరాబాద్‌ నగరం అల్వాల్‌లోని గోపాల్‌నగర్‌లో 52 ఏళ్ల శ్రీనివాస్‌ను ఆయన భార్య రమాదేవి చంపేసింది. రాత్రి వాళ్లిద్దరి మధ్య గొడవ జరిగింది. తెల్లవారుజామున భర్త నిద్రపోతుండగా, భార్య అతని మీద గొడ్డలితో దాడి చేసి హత్య చేసింది. వారికి ఇద్దరు పిల్లలు. కుటుంబ విషయాలపై వారి మధ్య తరచూ గొడవలు జరుగుతుండేవని చుట్టుపక్కలవారు చెప్పారు. నిందితురాలు పోలీసులకు లొంగిపోవడంతో కేసు నమోదు చేశారు.

▶

Crime· 2h ago

మహిళపై దాడి..చేతబడి అనుమానంతోనే?

TG: రంగారెడ్డి జిల్లాలో అమానుష ఘటన జరిగింది. మంచాల మండలం నోముల గ్రామంలో పల్లటి వెంకటమ్మ అనే 60 ఏళ్ల మహిళను గ్రామస్తులు చెట్టుకు కట్టేసి కొట్టారు. ఆమె చేతబడి చేస్తోందన్న అనుమానమే ఇందుకు కారణమని తెలుస్తోంది. దాడి చేసిన వారిపై పోలీసులకు ఫిర్యాదు చేయడంతో, 14 మందిపై కేసు నమోదు చేశారు. ఈ కాలంలో కూడా ఇంకా ఇలాంటి విషయాలపై మనుషుల ఒకరిపై మరొకరు దాడి చేయడం అమానుషం కదా? ఇలాంటివి ఆగాలంటే ఏం చేయాలో కామెంట్ చేయండి.

Crime· 1d ago

‘దర్శన్‌కు బెయిల్ ఇవ్వండి’.. రాష్ట్రపతికి ఫ్యాన్స్ లేఖ!

రేణుకాస్వామి మర్డర్ కేసులో జైల్లో ఉన్న కన్నడ నటుడు దర్శన్‌కు ఫ్యాన్స్ సపోర్ట్‌గా నిలిచారు. దర్శన్‌కు త్వరగా బెయిల్ ఇవ్వాలని, హెల్త్ కండిషన్‌ను దృష్టిలో పెట్టుకుని కేసును హ్యూమానిటీతో చూడాలని కోరుతూ రాష్ట్రపతి ద్రౌపది ముర్ముకు కన్నడలో లేఖ రాశారు. పేదలు, ఆదివాసీలు, బాధితుల పక్షాన నిలిచే కరుణామయి తల్లిగా రాష్ట్రపతిని కోరారు. రాజ్యాంగంపై తమకు పూర్తి నమ్మకం ఉందని, దర్శన్‌కు చట్ట ప్రకారం న్యాయం జరిగేలా చూడాలని రిక్వెస్ట్ చేశారు.

Crime· 1d ago

ఇన్‌స్టా ఫ్రెండ్‌ ముసుగులో బాలికపై లైంగికదాడి

ఇన్‌స్టాగ్రామ్‌లో పరిచయం దారుణానికి కారణమైంది. తమిళనాడులో 12వ తరగతి చదువుతున్న 16 ఏళ్ల బాలికకు 19 ఏళ్ల యువకుడు పరిచయమయ్యాడు. కొంతకాలం ఇద్దరూ చాట్‌ చేసుకున్నారు. ఆ తర్వాత బాలికను బైక్‌పై సోమంగళం అటవీ ప్రాంతానికి తీసుకెళ్లి లైంగిక దాడికి పాల్పడ్డాడని పోలీసులు తెలిపారు. బాలిక ఫిర్యాదుతో కేసు రిజిస్టర్ చేసిన పోలీసులు గంటలోనే నిందితుడిని అరెస్ట్‌ చేశారు. పోక్సో చట్టం కింద కేసు రిజిస్టర్ చేసి కోర్టులో హాజరుపరిచారు.