MLC బల్మూర్ వెంకట్‌పై భూకబ్జా ఆరోపణలు.. CPM విమర్శలు

By Mahesh· 1d ago· మేడ్చల్ జిల్లా

TG: మేడ్చల్ జిల్లా బౌరంపేట్‌లో MLC బల్మూర్ వెంకట్‌పై భూకబ్జా ఆరోపణలు వచ్చాయి. గ్రామ పరిధిలోని సర్వే నంబర్ 259/Pలో వృద్ధాశ్రమం నిర్మాణం కోసం పీపుల్స్ ప్రోగ్రెసివ్ ట్రస్ట్ 3.35 ఎకరాల భూమిని కొన్నట్లు తెలుస్తోంది. అయితే, ఆ భూమిని ఫేక్ డాక్యుమెంట్లతో బల్మూర్ వెంకట్ కబ్జా చేశారని CPM ఆరోపించింది. భూమి బాధితులకు మద్దతుగా వచ్చిన CPM నాయకులపై బీర్ సీసాలు, రాళ్లతో దాడి చేయించారని కూడా విమర్శించింది. ఈ ఆరోపణలపై బల్మూర్ వెంకట్ స్పందన తెలియాల్సి ఉంది.

More in TG

TG· 18m ago

సింగరేణి కార్మికులే రియల్ హీరోలు: KTR

TG: సింగరేణి కార్మికులు దేశానికి వెలుగులు అందించే హీరోలని BRS వర్కింగ్ ప్రెసిడెంట్ KTR అన్నారు. గోదావరిఖనిలో నిర్వహించిన ‘సింగరేణి కార్మిక గర్జన’ సభలో ఆయన మాట్లాడారు. ప్రాణాలను సైతం లెక్కచేయకుండా బొగ్గు గనుల్లో పనిచేసే కార్మికుల సేవలు వెలకట్టలేనివని అన్నారు. చెమట, రక్తం ధారపోసి దేశానికి కరెంటు అందిస్తున్న ప్రతి కార్మికుడికి సెల్యూట్ చేస్తున్నానన్నారు. పోరాటాలకు కేరాఫ్ అడ్రస్ రామగుండం అంటూ.. కార్మికులకు ధన్యవాదాలు తెలిపారు.

TG· 1h ago

వర్షం కోసం ఎదురుచూపులు.. ఎండుతున్న పత్తి పంటలు

TG : ముథోల్ నియోజకవర్గంలో వర్షాలు సకాలంలో కురవక పత్తి రైతులు ఆందోళన చెందుతున్నారు. ఎకరానికి 20 వేల నుంచి 25 వేల వరకు ఖర్చు చేస్తున్నామని, ఆశించిన వర్షాలు లేక పంటలు ఎండిపోతున్నాయని రైతులు ఆవేదన చెందుతున్నారు. సాధారణంగా ఎకరానికి 10 నుంచి 12 క్వింటాళ్ల దిగుబడి వస్తుందని ఆశిస్తారు. పంట దెబ్బతింటే అప్పులు తీర్చడం కష్టమవుతుందని అంటున్నారు. అధికారులు గ్రామాల వారీగా పంటలను పరిశీలించి, నష్టాన్ని అంచనా వేయాలని రైతులు కోరుతున్నారు.

TG· 2h ago

KTRకు నోటి దురుసు ఎక్కువ: కాల్వ సుజాత

TG: BRS వర్కింగ్ ప్రెసిడెంట్ KTRపై కాంగ్రెస్ అధికార ప్రతినిధి కాల్వ సుజాత విమర్శలు చేశారు. E-Car రేసు కేసు చిన్నదేనని చెబుతున్న KTR.. కోర్టులో ఎందుకు పోరాడుతున్నారని ప్రశ్నించారు. ఎన్నికల కోడ్ అమల్లో ఉన్న సమయంలో 54 కోట్ల లావాదేవీలు ఎలా జరిగాయని నిలదీశారు. గాంధీభవన్‌లో జరిగిన మీడియా సమావేశంలో ఆమె ఈ వ్యాఖ్యలు చేశారు. ఓట్ల చోరీ ఆరోపణలపై ఎన్నికల సంఘం నిష్పక్షపాతంగా వ్యవహరించాలని, C.E.C. జ్ఞానేశ్ కుమార్ రాజీనామా చేయాలని కూడా డిమాండ్ చేశారు.

TG· 3h ago

మటన్ మండిలో పంటి ముక్క.. Complaint చేసినా నో యాక్షన్?

TG: హైదరాబాద్ మాదాపూర్‌లోని ది జాయింట్ అల్ మండి రెస్టారెంట్‌లో ఫుడ్ క్వాలిటీపై వివాదం నెలకొంది. మటన్ మండి తింటుండగా ఫుడ్‌లో పంటి ముక్క కనిపించిందని ఓ కస్టమర్ ఆరోపించారు. మేనేజ్‌మెంట్‌ను ఇదేంటని ప్రశ్నిస్తే ఏం చేసుకుంటావో చేసుకో, ఎక్కడైనా కంప్లైంట్ చేసుకో అని బెదిరించిందని అన్నారు. ఫుడ్ సేఫ్టీ అధికారులకు ఫిర్యాదు చేసినా చర్యలు తీసుకోలేదని, సెటిల్‌మెంట్ చేసుకోవాలని సూచించారని ఆరోపించారు. ఈ ఘటనపై పై ఆఫీసర్లు ఇన్వెస్టిగేషన్ చేయాలని డిమాండ్ చేశారు.