బాలానగర్‌లో ఘోర ప్రమాదం

By A.Ajay· 2h ago

TG: హైదరాబాద్ నగరం బాలానగర్‌లో ఐరన్‌ పైపుల లోడ్‌తో వెళ్తున్న ఆటో అదుపుతప్పి బోల్తా పడింది. అదే టైంలో పక్కనే వెళ్తున్న స్కూటీదారుడు ప్రమాదానికి గురయ్యాడు. ఈ ఘటనలో స్కూటీ నడుపుతున్న వ్యక్తి అక్కడికక్కడే మృతి చెందాడు. ప్రమాద దృశ్యాలు సమీపంలోని సీసీటీవీ కెమెరాలో రికార్డయ్యాయి. పైపుల లోడ్‌ కారణంగానే ఆటో అదుపు తప్పిందా అనే విషయంపై పోలీసులు విచారణ చేస్తున్నారు.

More in TG

TG· 19m ago

సర్కార్ పనితీరు ఎలా ఉంది?

TG: రేవంత్‌రెడ్డి ప్రభుత్వం పనితీరుపై ప్రజల అభిప్రాయాలను తెలుసుకునేందుకు ఇంటెలిజెన్స్‌ సాయంతో క్షేత్రస్థాయిలో సర్వే జరుగుతోంది. ఇందులో ప్రభుత్వం, CM రేవంత్‌రెడ్డి, ఎమ్మెల్యేల పనితీరుపై ప్రజలను ప్రశ్నిస్తున్నారు. ఏ పథకం నచ్చింది? ఇప్పటికిప్పుడు ఎన్నికలు జరిగితే ఏ పార్టీకి ఓటు వేస్తారు? కాంగ్రెస్‌కు ఓటు వేయకపోతే కారణమేంటి? వంటి ప్రశ్నలు అడుగుతున్నారు. గ్రామ పంచాయతీలు, మున్సిపల్‌ వార్డులు, కార్పొరేషన్‌ డివిజన్లలో నెలరోజుల పాటు ఈ సర్వే నిర్వహించనున్నట్లు సమాచారం.

TG· 2h ago

Girlsని ఎట్రాక్ట్ చేసేందుకు ఫేక్ ప్రొఫెషన్

TG : బేగంపేట్ పరేడ్ గ్రౌండ్‌లోకి ఫ్లైయింగ్ ఆఫీసర్ డ్రెస్‌లో అనుమానాస్పదంగా వచ్చి ఫొటోలు దిగుతున్న నేరెడ్‌మెట్‌కు చెందిన నితీష్ కుమార్ అనే నిందితుడిని మిలిటరీ ఆఫీసర్స్ పట్టుకున్నారు. చెక్ చేయగా అతడు ఫేక్ అని తేలింది. ఇన్‌స్టాగ్రామ్‌లో IAS ఆఫీసర్‌లా ప్రొఫైల్ పెట్టి అమ్మాయిలను ఎట్రాక్ట్ చేసేందుకే ఇలా చేస్తున్నాడని పోలీసులు అనుమానిస్తున్నారు. మిలిటరీ అధికారులు అతడిని బేగంపేట్ పోలీసులకు అప్పగించగా కేసు ఫైల్ చేసి ఎంక్వైరీ చేస్తున్నారు.

TG· 3h ago

చెరువులోకి మురుగు నీరు!

TG: హైదరాబాద్‌లోని పిరం చెరువు మురుగు నీటితో కలుషితమవుతూ ప్రమాదకర స్థితికి చేరుతోంది. చెరువు చుట్టూ భారీ నిర్మాణాలు పెరగడం, సరైన డ్రైనేజీ వ్యవస్థ లేకపోవడంతో మురుగు నీరు చెరువులోకి చేరుతున్నట్టు స్థానికులు చెబుతున్నారు. దీంతో నీరు కలుషితమై దోమలు, దుర్వాసన సమస్యలు పెరుగుతున్నాయని ఆందోళన వ్యక్తం చేస్తున్నారు. చెరువు పరిసరాల్లో ఆక్రమణలు ఉన్నాయా అనే దానిపై అధికారులు పరిశీలించాలని పర్యావరణవేత్తలు కోరుతున్నారు. మురుగు నీరు చెరువులోకి రాకుండా చర్యలు తీసుకుని, పరిరక్షించాలని స్థానికులు కోరుతున్నారు.

TG· 3h ago

మంచిరేవుల ఆలయంపై సర్కార్ బిగ్ ప్లాన్.. రూ.1,108 కోట్లు!

TG: మూసీ నది ఒడ్డున గండిపేట మంచిరేవులలో శ్రీ ఓంకారేశ్వర స్వామి ఆలయ కాంప్లెక్స్ అభివృద్ధికి రాష్ట్ర ప్రభుత్వం 1,108.27 కోట్ల రూపాయలు శాంక్షన్ చేసింది. ఇందులో టెంపుల్ డెవలప్‌మెంట్‌కు 948.65 కోట్లు, 2.5 కిలోమీటర్లతో 100 అడుగుల వెడల్పుతో 6-లేన్ రోడ్డుకు 159.62 కోట్లు అలాట్ చేశారు. ఆలయంలో ప్రధాన ఆలయంతో పాటు 5 ఉపాలయాలు, మహా మండపం, నంది మండపం, రాజగోపురాలు, పుష్కరిణి, యాగశాల, భారీ శివుడి విగ్రహం ఏర్పాటు చేయనున్నారు.