బాలాపూర్ గణేష్ బై బై

By E. Chandrashekhar· 2h ago· Bhoiguda, Secunderabad, Hyderabad

హైదరాబాదులో బాలాపూర్ గణేష్ కు ఒక ప్రత్యేకత ఉంటుంది. నిమజ్జనం చివరిరోజున తొలుత కదిలేది బాలాపూర్ గణేషుడే. లడ్డూ వేలంలో కూడా క్రేజీ సృష్టించింది హుస్సేన్ సాగర్లో ఈ గణేషుడి నిమజ్జనం అట్టహాసంగా జరిగింది. 12వ క్రేన్ ద్వారా సాగర్‌లో నిమజ్జనం చేశారు. నిమజ్జనం ప్రశాంతంగా జరగడానికి ట్యాంక్ బండ్‌పై పెద్ద ఎత్తున పోలీసు బలగాలు మోహరించారు. సికింద్రాబాద్ జోన్ డీసీపీ రక్షిత కృష్ణమూర్తి, అదనపు డీసీపీ జై నర్సయ్య పరిస్థితిని సమీక్షిస్తున్నారు. జీహెచ్‌ఎంసీ, విద్యుత్ శాఖ, హైడ్రా, వైద్య శాఖలు సేవలు అందించాయి.

More in Local

Local· 1m ago

పాతూరులో లడ్డూ వేలం.. రూ.24,500!

నిజామాబాద్ జిల్లా నందిపేట మండలం పాతూరులో గణేష్ లడ్డూ వేలం జరిగింది. పాతూరు యూత్ గణేష్ మండలి నిర్వహించింది. భక్తులు, యువకులు పోటీపడ్డారు. రాజుల శంకర్ రూ.24,500కు లడ్డూ దక్కించుకున్నారు. ఆయనను శాలువాతో సత్కరించారు. లడ్డూ ప్రసాదం దక్కడం సంతోషమని శంకర్ అన్నారు. కార్యక్రమంలో మండలి సభ్యులు, భక్తులు పాల్గొన్నారు.

Local· 4m ago

మోడల్ స్కూల్‌లో ఇన్నోవేషన్ కౌన్సిల్!

వరంగల్ జిల్లాలోని చెన్నారావుపేట మండలం అమీనాబాద్‌లోని పీఎం శ్రీ తెలంగాణ మోడల్ స్కూల్‌లో 2026-27కి స్కూల్ ఇన్నోవేషన్ కౌన్సిల్ (SIC) ఏర్పాటైంది. ఇన్నోవేషన్ ఛాలెంజ్‌లు, ఐడియా జనరేషన్, స్కిల్ డెవలప్‌మెంట్ ప్రోగ్రామ్స్ ఉంటాయి. ప్రిన్సిపాల్ చిట్ట జ్యోతి చైర్‌పర్సన్, దుంపేటి రాజు కన్వీనర్. ఇన్నోవేషన్ అంబాసిడర్లుగా పెరుమాండ్ల సదాకర్ రెడ్డి, అడెపు రవికుమార్, CH రాజేంద్ర ప్రసాద్ ఎంపికయ్యారు. బాలాజీ ఇంజినీరింగ్ కాలేజీ Asst.prof G. శ్రీధర్ గైడెన్స్ ఇస్తారు.

Local· 8m ago

శనివారం నాడు విద్యుత్ కోత.. కంభం ఏరియాలో!

శనివారం మార్కాపురం జిల్లాల్లోని కంభం, చిన్నకంభం, తురిమెళ్ల విద్యుత్ సబ్ స్టేషన్ల పరిధిలో విద్యుత్ సరఫరా బంద్. మరమ్మతుల కారణంగా ఉదయం 7 నుంచి మధ్యాహ్నం 1 వరకు కరెంట్ ఉండదు. ఏఈ వెంకట నరసయ్య ఈ వివరాలు తెలిపారు. ప్రజలు సహకరించాలని కోరారు.

Local· 12m ago

వరద నీటిలో ఆందోళన.. గ్రామాలు ముంపులోకి!

పోలవరం జిల్లా చింతూరు మండలం కుయిగూరు, కల్లేరు గ్రామస్తులు శుక్రవారం వరద నీటిలో ఆందోళన చేపట్టారు. ప్రతి ఏడాది వరదలతో తీవ్ర ఇబ్బందులు పడుతున్నామని, ఇళ్లు ఖాళీ చేయాల్సి వస్తోందని ఆవేదన వ్యక్తం చేశారు. 45.7.2 కాంటూర్‌లో ఉన్న తమ గ్రామాలను 41.15 కాంటూర్‌లో చేర్చి పరిహారం ఇవ్వాలని, పునరావాసం కల్పించాలని డిమాండ్ చేశారు. ఐటీడీఏ పీవో శుభం నొక్వాల్ ఫోన్‌లో మాట్లాడి సమస్య పరిష్కరిస్తామని హామీ ఇచ్చారు. దీంతో ఆందోళన విరమించారు.