టీచర్లు సెలవులో.. పిల్లలు డ్యూటీలో

By BK· 12h ago· కొమరంభీం ఆసిఫాబాద్

TG : చింతలమానెపల్లి మండలం కొత్తగూడ గవర్నమెంట్ స్కూల్‌లో ఉన్న ఇద్దరు టీచర్లలో ఒకరు డిప్యుటేషన్‌పై వెళ్తే, ఇంకొకరు సెలవులో వెళ్లారు. టీచర్లు ఎవరూ రాకపోవడంతో.. రోజూ లాగే వచ్చిన పిల్లలే తాళాలు తీసి లోపలికి వెళ్లారు. కొంతసేపు ఉండి, మధ్యాహ్నం మళ్లీ తాళం వేసి ఇళ్లకు వెళ్ళిపోయారు. తమ పిల్లల చదువు పాడవుతోందని తల్లిదండ్రులు మండిపడుతున్నారు. ఈ విషయంపై MEO జయరాజ్ స్పందించి, విచారణ జరిపి చర్యలు తీసుకుంటామని చెప్పారు.

More in TG

TG· 3h ago

స్కూళ్లు, కాలేజీలకు సెలవులు

TG: భారీ వర్షాలు, గణేష్ నిమజ్జనం కారణంగా తెలుగు రాష్ట్రాల్లో పలు చోట్ల విద్యా సంస్థలకు సెలవులు ప్రకటించారు. ఎల్లుండి నిమజ్జనం సందర్భంగా HYD, రంగారెడ్డి, మేడ్చల్ జిల్లాల్లో స్కూళ్లు, కాలేజీలకు సెలవు ఇచ్చారు. దీనికి బదులు నవంబర్ 14న (రెండో శనివారం) పనిదినంగా తెలిపింది. ఇక భారీ వర్షాలతో రేపు ఏపీలోని పోలవరం, TGలోని మహబూబాబాద్, భద్రాద్రి జిల్లాల్లోని స్కూళ్లకు అధికారులు సెలవు ఇచ్చారు.

TG· 4h ago

నాణ్యమైన విద్య కోసం గొంతెత్తాలి: ఆకునూరి

TG: నాణ్యమైన విద్య అందరికీ అందాలంటే ప్రజలు, విద్యార్థులు కలిసి తమ డిమాండ్ల కోసం గొంతెత్తాలని రిటైర్డ్ ఐఏఎస్ అధికారి ఆకునూరి మురళి పిలుపునిచ్చారు. TPF <a href="https://www.theclearcutnews.com/n/dJiQjHH">విద్యా బస్సుయాత్ర</a>లో భాగంగా మహబూబ్‌నగర్‌లో జరిగిన రౌండ్ టేబుల్ సమావేశంలో ఆయన మాట్లాడారు. ఉస్మానియా యూనివర్సిటీకి 1,000 కోట్ల నిధులు ఇస్తామని చెప్పినా ఇప్పటివరకు ఇవ్వలేదన్నారు. తెలంగాణ కోసం ప్రజలు కలిసి ఉద్యమించినట్టే నాణ్యతమైన విద్య కోసం అందరూ కలిసి ముందుకు రావాలని అన్నారు.

TG· 4h ago

12 ఏళ్లైనా ప్రభుత్వ బడుల పరిస్థితి మారలేదు!

TG: మహబూబ్‌నగర్‌ జిల్లా కేంద్రంలో జరిగిన రౌండ్ టేబుల్ సమావేశంలో రిటైర్డ్ IAS అధికారి ఆకునూరి మురళి ప్రభుత్వ విద్యపై మాట్లాడారు. తెలంగాణ వచ్చి 12 ఏళ్లు అవుతున్నా గ్రామాల్లోని ప్రభుత్వ బడులు ఆశించిన స్థాయిలో అభివృద్ధి చెందలేదని అన్నారు. గతంలో KG నుంచి PG వరకు ఉచిత విద్య, ఇప్పుడు ఇంటిగ్రేటెడ్ స్కూళ్ల గురించి మాట్లాడుతున్నా, ఉన్న బడుల పరిస్థితిని మెరుగుపరచాలని అన్నారు. ప్రభుత్వ విద్యను బలోపేతం చేయాలనే డిమాండ్‌తో TPF <a href="https://www.theclearcutnews.com/n/9d9WjjQ">విద్యా బస్సుయాత్ర </a>కొనసాగుతోంది.

క్షణాల్లో మారిన వాతావరణం.. తుఫాన్‌తో బీభత్సం

▶

TG· 4h ago

క్షణాల్లో మారిన వాతావరణం.. తుఫాన్‌తో బీభత్సం

TG: భద్రాద్రి కొత్తగూడెం జిల్లా బూర్గంపాడు మండలం మొరంపల్లి బంజరలో ఆర్నాభ్ తుఫాన్ ప్రభావంతో భారీగా గాలులు వీచాయి. దీంతో చుట్టూ దుమ్ము కమ్ముకుని, ఆకాశం నల్లని మేఘాలతో కప్పుకుపోయింది. బలమైన గాలులకు చెట్లు, రేకులు ఎగిరిపడ్డాయి. గాలి తీవ్రతకు కొందరు వ్యక్తులు కూడా కిందపడినట్లు స్థానికులు తెలిపారు. ఈ ఘటనలో పలువురికి స్వల్ప గాయాలయ్యాయి. తుఫాన్‌ తీవ్రతను చూసి భయాందోళనకు గురైనట్లు బాధితులు తెలిపారు.