నోయిడాలో మురికి నీరు.. 350 కుటుంబాల ఇబ్బందులు

By Lokesh· 2h ago· X

నోయిడాలోని సెక్టార్-94లో సూపర్‌టెక్ సూపర్‌నోవా అపార్ట్‌మెంట్‌లో 350కిపైగా కుటుంబాలు మురికినీటితో ఇబ్బందులు పడుతున్నాయి. బిల్డర్ బాకీ కారణంగా రెండేళ్లుగా గంగా నీటి సరఫరా నిలిచిపోయినట్లు అక్కడున్నవాళ్లు చెబుతున్నారు. ట్యాప్‌లు, ఫ్లష్‌ల నుంచి పసుపు, నలుపు రంగులో దుర్వాసన నీరు వస్తోందని వాపోతున్నారు. నీటిలో పురుగులు కనిపిస్తున్నాయని, దీని వల్ల చర్మ సమస్యలు, ఇన్ఫెక్షన్లు వస్తున్నాయని ఆందోళన వ్యక్తం చేస్తున్నారు. మంచి నీటి కోసం ప్యాకేజ్డ్ వాటర్ కొనాల్సి వస్తోందని చెబుతున్నారు.

More in National

National· 6m ago

80 లక్షలు దాటిన HPV ఉచిత టీకాల సంఖ్య

దేశంలో 14 ఏళ్ల బాలికలకు ఇస్తున్న ఉచిత HPV టీకా 80 లక్షల డోసులను దాటింది. ఈ టీకా వల్ల భవిష్యత్తులో గర్భాశయ క్యాన్సర్ వచ్చే ప్రమాదం తగ్గుతుంది. 2026 ఫిబ్రవరి 28న అజ్మీర్‌లో ప్రధాని మోదీ ఈ కార్యక్రమాన్ని ప్రారంభించారు. తల్లిదండ్రుల అనుమతితో బాలికలకు టీకా ఇస్తారు. ఈ టీకా ఉచితమే. టీకా తీసుకోవడం పూర్తిగా వారి ఇష్టమే. గుజరాత్, మధ్యప్రదేశ్, ఉత్తర్‌ప్రదేశ్, మిజోరం రాష్ట్రాలు మొదటి స్థానంలో ఉన్నాయి. ఆంధ్రప్రదేశ్, బీహార్, అస్సాం రాష్ట్రాల్లో 90 శాతానికి పైగా బాలికలు టీకా తీసుకున్నారు.

National· 24m ago

కారుతో మహిళా బైకర్‌పై దాడి

హరియాణా రాష్ట్రం గురుగ్రామ్‌లో బైక్ నడుపుతున్న ఒక యువతిని వెనుక నుండి వేగంగా వచ్చిన కారు ఢీకొట్టి వెళ్లిపోయింది. కారులో ఉన్నవారు మద్యం మత్తులో తనను వెంబడిస్తూ వేధించారని, పక్కకు వెళ్లమని చెప్పినా వినకుండా కావాలనే కారుతో గుద్దేశారని బాధితురాలు తెలిపింది. ఈ ఘటనలో ఆమె రోడ్డుపై పడి తీవ్రంగా గాయపడింది. ఘటన మొత్తం ఆమె కెమెరాలో రికార్డు కావడంతో వీడియో వైరల్ అయింది. పోలీసులు కేసు నమోదు చేసి కారు డ్రైవర్ కోసం వెతుకుతున్నారు.

▶

National· 49m ago

మలేషియా PM నోట హిందీ పాట

మలేషియా ప్రధాని అన్వర్ ఇబ్రహీం బాలీవుడ్ పాట పాడి అందరినీ ఆకట్టుకున్నారు. ఢిల్లీలో జరిగిన BRICS గాలా డిన్నర్‌లో ఆయన గాయకుడు కిషోర్ కుమార్ పాటను పాడారు. "ఖ్వాబ్ హో తుమ్ యా కోయీ హకీకత్” అంటూ ఆయన పాడిన పాట SMలో వైరల్ అయింది . ఈ పాట 1965లో విడుదలైన ‘Teen Devian’ సినిమాలోనిది. భారతీయ సినిమాలు, సంగీతంపై తనకున్న అభిమానాన్ని అన్వర్ ఇబ్రహీం మరోసారి చాటుకున్నారు.

National· 1h ago

బ్యాంకుల్లో AI వినియోగం..విస్తరణలో మాత్రం వెనకడుగు

భారత బ్యాంకింగ్‌ రంగంలో AI వాడకం రోజువారీ కార్యకలాపాల్లోకి వచ్చింది. జీటా 2026 సర్వే ప్రకారం 10 మంది చీఫ్‌ డేటా ఆఫీసర్లలో ఏడుగురు తమ బ్యాంకుల్లో AIని చురుగ్గా ఉపయోగిస్తున్నారు. 30 శాతం బ్యాంకులు దీన్ని విస్తృత స్థాయిలో అమలు చేశాయి. అయితే కస్టమర్‌ సపోర్ట్‌, మోసాల గుర్తింపు, డాక్యుమెంట్‌ నిర్వహణ, సాఫ్ట్‌వేర్‌ నాణ్యత తనిఖీల లాంటి తక్కువ రిస్క్‌ పనులకే AI వినియోగం ఎక్కువగా పరిమితమైంది. కీలక నిర్ణయాలు, పూర్తిస్థాయి కార్యకలాపాల్లో AI వినియోగం తక్కువగా ఉంది.