CEC జ్ఞానేష్‌పై మరో ఆరోపణ!

By Lokesh· 2h ago· Thehindu

కేరళ మాజీ చీఫ్ సెక్రటరీ జిజి థామ్సన్ కీలక విషయం చెప్పారు. 2016లో IAS అధికారిగా ఉన్న, ఇప్పటి CEC జ్ఞానేష్ కుమార్.. తనను 2019 లోక్‌సభ ఎన్నికల్లో BJP టికెట్‌పై 'పతనంతిట్ట' నుంచి పోటీ చేయాలని అడిగారని చెప్పారు. గెలిస్తే కేంద్ర మంత్రి అయ్యే ఛాన్స్ కూడా ఉందని చెప్పారని థామ్సన్ తెలిపారు. అయితే తాను అప్పుడు అందుకు ఒప్పుకోలేదని చెప్పారు. ఈ ఆరోపణపై జ్ఞానేష్ కుమార్ నుంచి ఇప్పటివరకు ఎలాంటి స్పందనా రాలేదు. జ్ఞానేష్ BJP కోసం పనిచేస్తున్నారని ప్రతిపక్షాలు చేస్తున్న ఆరోపణలకు థామ్సన్ కామెంట్స్ బలాన్నిస్తున్నాయి.

More in National

National· 38m ago

సంజయ్ రౌత్ సంచలన ఆరోపణలు

మహారాష్ట్ర FDAలో కొందరు అధికారులు.. హోటళ్లు, రెస్టారెంట్లు, క్విక్‌ కామర్స్‌ కంపెనీలను మనీ అడుగుతున్నారని MP సంజయ్ రౌత్ ఆరోపించారు. లైసెన్స్‌ లేని వాటికి నోటీస్‌ ఇవ్వకుండా ఉండేందుకు గతంలో 10 నుంచి 12 వేల రూపాయలు అడిగేవారనీ.. ఇప్పుడు 75 వేల నుంచి 2 లక్షల వరకు అడుగుతున్నారని అన్నారు. థానేలో ఓ కంపెనీకి లైసెన్స్‌ తిరిగి ఇవ్వడానికి 17 నుంచి 18 లక్షలు తీసుకున్నారని విమర్శించారు. దీనిపై విచారణ కోరుతూ FDA కమిషనర్‌ తుకారాం ముంఢేకు లేఖ రాశారు.

National· 43m ago

ఫేక్ పార్టీలు.. బోగస్‌ విరాళాలు

గుజరాత్‌లో కొత్త రకం మోసం బయటపడింది. 3 నకిలీ రాజకీయ పార్టీలు ఏర్పాటై.. ప్రజల నుంచి 1,870 కోట్ల విరాళాలు తీసుకున్నాయి. కొంత కమీషన్ పొంది, తిరిగి ఆ డబ్బును వెనక్కి ఇచ్చేశాయి. ఐతే.. విరాళాలు ఇచ్చిన వారు.. అలా ఇచ్చినట్లు చెప్పుకొని టాక్స్ మినహాయింపులు పొందారు. ఇలా 560 కోట్లకు పైగా టాక్స్ చెల్లించలేదు. పోలీసులు ఆ 3 పార్టీలపై కేసులు నమోదు చేశారు. సంవత్సరం పాటూ దర్యాప్తు తర్వాత ఈ విషయాలు బయటపడ్డాయి.

National· 49m ago

బ్రిజ్‌ భూషణ్‌కు నోటీసులు

లైంగిక వేధింపుల కేసులో రెజ్లింగ్ ఫెడరేషన్ ఆఫ్ ఇండియా మాజీ చీఫ్ బ్రిజ్‌ భూషణ్ శరణ్ సింగ్‌కు ఢిల్లీ హైకోర్టు నోటీసులు జారీ చేసింది. దిగువ కోర్టు ఆయనను నిర్దోషిగా ప్రకటించిన తీర్పును సవాల్ చేస్తూ నలుగురు మహిళా రెజ్లర్లు హైకోర్టుకు వెళ్లారు. ఈ పిటిషన్‌పై ఈ రోజు విచారణ జరిపిన కోర్టు.. బ్రిజ్‌ భూషణ్‌తో పాటు మాజీ WFI కార్యదర్శి వినోద్ తోమర్‌కి నోటీసులు ఇచ్చింది. తర్వాతి విచారణను అక్టోబర్ 9కి వాయిదా వేసింది.

National· 51m ago

బేబీ పుట్టగానే ఫ్రీ గోల్డ్ రింగ్

తమిళనాడు ప్రభుత్వం Govt Hospitalsలో పుట్టే ప్రతి శిశువుకూ 1 గ్రాము BIS హాల్‌మార్క్ బంగారు ఉంగరం అందించే ‘Thaimaman Thanga Mothiram’ పథకాన్ని ప్రారంభించింది. ఈ 2026 జూన్ 22 నుంచి పుట్టిన పిల్లలకు వర్తిస్తుంది. తల్లి తమిళనాడు నివాసి అయి ఉండాలి. Pregnancy and Infant Cohort Monitoring and Evaluationలో రిజిస్టర్‌ అయి, RCH ID కలిగి ఉండాలి. ప్రైవేట్ హాస్పటల్స్‌లో పుట్టిన పిల్లలకు ఇది వర్తించదు. హాస్పటల్‌లోనే వివరాలు వెరిఫై చేసి ఉంగరం ఇస్తారు.