బాధిత కుటుంబానికి ఆర్థిక సహాయం అందజేత

నాగర్‌కర్నూల్ జిల్లా కల్వకుర్తి పట్టణానికి చెందిన జంపుల అరవింద్ కొద్ది రోజుల క్రితం విద్యుత్ షాక్‌కు గురై మృతి చెందాడు. ఈ విషయం తెలుసుకున్న పట్టణంలోని వినాయక మండపాల నిర్వాహకులు, ఉత్సవ సమితి సభ్యులు స్పందించారు. బాధిత కుటుంబానికి అండగా నిలవాలని నిర్ణయించి 81,516 రూపాయలు విరాళంగా సేకరించారు. ఈ సందర్భంగా నిర్వాహకులు మాట్లాడుతూ.. ఆపదలో ఉన్న కుటుంబానికి తమ వంతు సహాయం అందించడం బాధ్యతగా భావించామని తెలిపారు.