కామన్ పాస్ ఛార్జీలపై కంప్లయింట్స్..ప్రభుత్వం కీలక నిర్ణయం

By Sharmila· 6h ago

TG:హైదరాబాద్‌లో ఆర్టీసీ–మెట్రో కామన్ పాస్ రేట్లపై ప్రజల నుంచి వస్తున్న విమర్శల కారణంగా ప్రభుత్వం మరోసారి పరశీలిస్తానని చెప్పింది. రోజువారీ పాస్ ధర ₹400, నెలవారీ పాస్ ధర ₹8,500గా ఉండటంపై ప్రజల నుంచి ఎక్కువగా కంప్లయింట్స్ వస్తున్నాయి. దీంతో రేట్లను ప్రజలకు అందుబాటులో ఉండేలా మార్చే అంశంపై త్వరలో ఉన్నతాధికారులతో సమావేశం నిర్వహించనున్నట్లు మంత్రి పొన్నం ప్రభాకర్ తెలిపారు. ప్రయాణికులపై భారం తగ్గేలా తగిన నిర్ణయం తీసుకుంటామని చెప్పారు.

More in TG

TG· 23m ago

కరెంటు కష్టాలు.. పెరుగుతున్న అవసరాలు!

TG: రోజుకు 315–330 మిలియన్ యూనిట్ల విద్యుత్ అవసరమవుతోంది. అవసరాలు పెరుగుతుండగా, బొగ్గు నిల్వలు తగ్గడం, థర్మల్ విద్యుత్ కేంద్రాల్లో ఉత్పత్తి సమస్యలు ఆందోళన కలిగిస్తున్నాయి. దీంతో బయట నుంచి కరెంటు కొనుగోలు చేయాల్సి వస్తోంది. ఈ సమస్యలను అధిగమించేందుకు సౌర, పవన విద్యుత్‌తో పాటు బ్యాటరీల్లో విద్యుత్ నిల్వ చేసే ఏర్పాట్లపై ప్రభుత్వం దృష్టి పెట్టింది. భవిష్యత్తు అవసరాల కోసం 7,800 మెగావాట్ల అదనపు విద్యుత్ సామర్థ్యాన్ని పెంచాలని ప్రణాళికలు రూపొందిస్తోంది.

▶

TG· 38m ago

చెప్పులతో కొట్టుకుంటూ.. రైతుల నిరసన

TG : ఆదిలాబాద్ జిల్లా ముఖరా కే గ్రామంలో కాంగ్రెస్‌కి ఓటేసి తప్పు చేశామంటూ రైతులు అర్ధనగ్నంగా మోకాళ్లపై నిలబడి, చెప్పులతో కొట్టుకుంటూ వినూత్నంగా నిరసన తెలిపారు. రబీ పంటలు వేయొద్దని, కరెంట్ ఇవ్వలేమని గవర్నమెంట్ చెప్పడంపై ఆగ్రహం వ్యక్తం చేశారు. KCR టైమ్‌లో 24 గంటల కరెంట్, ఫుల్లుగా నీళ్లు ఉండేవని, ఇప్పుడు పంటలు ఎలా వేయాలో అర్థం కావడం లేదని ఆవేదన చెందుతున్నారు.

TG· 55m ago

తగ్గిన వరద.. అడుగంటుతున్న నీటి నిల్వలు!

TG: పలు ప్రాజెక్టుల్లో నీటి నిల్వలు తగ్గుతున్నాయి. ఎగువ ప్రాంతాల నుంచి నీరు తక్కువగా చేరడంతో కొన్ని ప్రాజెక్టుల్లో నిల్వలు గణనీయంగా పడిపోయాయి. సింగూరు ప్రాజెక్టులో 29.91 TMCల పూర్తి సామర్థ్యానికి గాను ప్రస్తుతం 3.79 TMCల నీరు మాత్రమే ఉంది. శ్రీశైలం, శ్రీరాంసాగర్, నిజాంసాగర్, మిడ్ మానేరు సహా ఇతర ప్రాజెక్టుల్లోనూ నీటి నిల్వల పరిస్థితిని అధికారులు పరిశీలిస్తున్నారు. రాబోయే రోజుల్లో వర్షాలు, కొత్తగా వచ్చే నీటిని బట్టి నిల్వల్లో మార్పులు ఉండవచ్చు.

TG· 1h ago

రియాద్ దాడిలో హైదరాబాద్ వాసి మృతి.. స్పందించిన ఒవైసీ

TG: సౌదీ అరేబియాలోని రియాద్ ఎయిర్‌పోర్ట్‌లో నిన్న జరిగిన దాడిలో హైదరాబాద్‌కు చెందిన మహమ్మద్ యూసుఫ్ అలీ ప్రాణాలు కోల్పోయారు. ఆయన భార్య, ఇద్దరు కుమారులు గాయపడ్డారు. మెహదీపట్నానికి చెందిన యూసుఫ్ కుటుంబంతో కలిసి ఉమ్రా యాత్ర కోసం వెళ్తుండగా ఈ ఘటన జరిగింది. దీనిపై MP అసదుద్దీన్ ఒవైసీ స్పందిస్తూ.. ఈ ఘటన గురించి విదేశాంగ మంత్రి ఎస్. జైశంకర్ తెలిపారు. భారత రాయబార కార్యాలయం బాధిత కుటుంబానికి అవసరమైన సహాయం అందిస్తామని తెలిపింది.