జపాన్‌లో 9.9 తీవ్రతతో భూకంప హెచ్చరిక.. అంతా ప్రశాంతం

By Vishi· 17h ago· Indiatimes

జపాన్ వాతావరణ సంస్థ (JMA) ఇవాళ మధ్యాహ్నం దేశవ్యాప్తంగా అత్యంత అత్యవసర భూకంప ముందస్తు హెచ్చరికను జారీ చేసింది. చరిత్రలోనే అత్యంత తీవ్రమైన 9.9 రిక్టర్ స్కేలు తీవ్రతతో భూకంపం వచ్చే అవకాశం ఉందని, ప్రజలందరూ వెంటనే సురక్షిత ప్రాంతాలకు వెళ్లాలని ఈ అలర్ట్ ద్వారా హెచ్చరించారు. అయితే, హెచ్చరిక వచ్చినా ఎలాంటి భూప్రకంపనలు నమోదు కాకపోవడంతో ప్రజలు అయోమయానికి, ఆందోళనకు గురయ్యారు. చివరకు సిస్టమ్ అంచనా తప్పని గుర్తించిన అధికారులు ఆ ప్రకటనను వెనక్కి తీసుకున్నారు.

More in International

International· 6h ago

బతికుండగానే చచ్చి.. చచ్చిన వ్యక్తిగా బతికొచ్చాడు

సినిమాను గుర్తుకుతెచ్చే ఒక ఘటన చైనాలో జరిగింది. 2002లో జెజియాంగ్ ప్రావిన్స్‌లో ఒక కిడ్నాప్, దోపిడీ కేసులో నిందితుడు దొరక్కుండా పారిపోయాడు. పోలీసులు ఆ కేసు మూసేశారు. పోలీసుల నుంచి తప్పించుకోవడానికి నిందితుడు ‘చెన్’ మాస్టర్ ప్లాన్ వేశాడు. తను చనిపోయినట్లు నమ్మించి, చనిపోయిన తన కవల సోదరుడి గుర్తింపును తను వాడుకోవడం మొదలుపెట్టాడు. కుటుంబ సభ్యులు కూడా అతనికి సహకరించారు. ఆ కవల సోదరుడి మాజీ ప్రియురాలు నిజం కనిపెట్టడంతో ఇన్నేళ్ల తర్వాత విషయం బయటపడింది.

International· 1d ago

భారత్‌తో అమెరికా దిగొస్తుందా? టారిఫ్స్ తగ్గే ఛాన్స్!

భారత్‌తో ట్రేడ్ రిలేషన్స్ మెరుగుపరుచుకోవాల్సిన అవసరం అమెరికాకు ఉందని ప్రముఖ ఆర్థికవేత్త నౌరియల్ రూబిని అన్నారు. అమెరికాలో ధరలు పెరుగుతున్న కారణంగా భారత్‌పై సుంకాలు మరింత తగ్గే అవకాశం ఉందని చెప్పారు. భారత్ వేగంగా అభివృద్ధి చెందుతోందని, సరైన నిర్ణయాలు తీసుకుంటే ఆర్థిక వృద్ధి 9 శాతానికి చేరవచ్చని తెలిపారు. దీనివల్ల యువతకు ఎక్కువ ఉద్యోగాలు లభిస్తాయని చెప్పారు. చైనాపై ఆందోళనలతో కొన్ని కంపెనీలు భారత్‌కు వచ్చే అవకాశం ఉందని తెలిపారు.

International· 1d ago

అమెరికా స్కూల్‌లో కాల్పులు.. ఐదుగురు మృతి!

అమెరికాలోని ఒరెగాన్ రాష్ట్రంలో స్కూల్‌పై కాల్పులు కలకలం రేపాయి. ఒరెగాన్ రాష్ట్రం బెండ్ నగరంలోని సిల్వర్ రైల్ ఎలిమెంటరీ స్కూల్‌లో 16 ఏళ్ల బాలుడు కాల్పులు చేసినట్లు సమాచారం. ఈ ఘటనలో ముగ్గురు చిన్నారులు, ఓ టీచర్ సహా ఐదుగురు చనిపోగా, మరో ఇద్దరు తీవ్ర గాయాలయ్యాయి. పోలీసులపై కూడా కాల్పులు జరపడంతో ఎదురుకాల్పుల్లో అటాకర్ చనిపోయాడు. స్కూల్‌లో దాదాపు 450 మంది స్టూడెంట్స్ ఉన్నట్లు తెలుస్తోంది. దాడికి గల కారణాలపై అధికారులు ఇన్వెస్టిగేషన్ చేస్తున్నారు.

International· 1d ago

భూమికి అనారోగ్యం!

2026 స్టేట్‌ ఆఫ్‌ ది క్లైమేట్‌ నివేదిక ప్రకారం, భూమి వాతావరణ పరిస్థితులను తెలిపే 16 ముఖ్యమైన సూచికల్లో 7 ప్రమాదకర స్థాయికి చేరాయి. 2025లో శిలాజ ఇంధనాల వినియోగం 0.9 శాతం పెరిగింది. దీంతో కార్బన్‌ ఉద్గారాలు తొలిసారిగా 41 గిగాటన్నులు దాటినట్లు నివేదిక తెలిపింది. కార్బన్‌ డైఆక్సైడ్‌, నైట్రస్‌ ఆక్సైడ్‌ స్థాయులు కూడా పెరిగాయి. భూతాపం పెరుగుతుండటంతో వాతావరణంలో మార్పులు వేగంగా జరుగుతున్నాయి. పునరుత్పాదక ఇంధనాల వినియోగం పెరుగుతున్నా, భూమిని కాపాడేందుకు మరిన్ని చర్యలు అవసరమని నివేదిక హెచ్చరించింది.