AI సేఫ్టీపై అమెరికా–చైనా తొలిసారి చర్చలు!

By Nani Garikina· 1d ago

AI ఎంత వేగంగా అభివృద్ధి చెందుతుందో, దాని వల్ల వచ్చే రిస్క్‌లపై అమెరికా, చైనా కూడా కలిసి మాట్లాడాల్సిన పరిస్థితి వచ్చింది. సెప్టెంబర్ మధ్యలో రెండు దేశాలు ప్రత్యేక AI Safety Talks నిర్వహించేందుకు సిద్ధమవుతున్నాయి. ఇవి రెండు దేశాల తొలి ప్రత్యేక AI భద్రతా చర్చలు. AIతో జరిగే సైబర్ దాడులను ఎలా గుర్తించాలి, వాటిపై సమాచారం ఎలా పంచుకోవాలి, భవిష్యత్ ప్రమాదాలను ఎలా తగ్గించాలి అన్నదే ప్రధాన చర్చ. పోటీ పడుతున్న రెండు దేశాలు, AI భద్రత కోసం కలిసి పనిచేస్తాయా అన్నదే ఇప్పుడు ఆసక్తికరంగా మారింది.

More in International

International· 26m ago

అగ్నిపర్వతం బద్దలు..301 విమానాలకు బ్రేక్

ఇండోనేషియాలోని ఆనక్ క్రకటౌ అగ్నిపర్వతం ఆదివారం ఉదయం 3.53 గంటలకు బద్దలైంది. దాదాపు 30 సెకన్ల పాటు బ్లాస్ట్ అయ్యింది. జకార్తా సహా ఆరు ఎయిర్‌పోర్టులు మూసేశారు. 58 ఇంటర్నేషనల్ సర్వీసెస్ కలిపి 301 విమానాల రాకపోకలకు అంతరాయం ఏర్పడింది. అగ్నిపర్వతం నుంచి వచ్చిన బూడిద పలు ప్రాంతాల్లో కనిపించింది. అగ్నిపర్వతానికి 3 కిలోమీటర్ల పరిధిలోకి ఎవరూ వెళ్లొద్దని అధికారులు హెచ్చరించారు.

International· 2h ago

ఏజింగ్ వరల్డ్.. పెద్ద సవాలే!

ప్రపంచ చరిత్రలో మొదటిసారి 65 ఏళ్లు దాటిన ముసలివారి సంఖ్య 5 ఏళ్లు లోపు పిల్లల సంఖ్యను దాటేసింది. అమెరికా సెన్సస్ బ్యూరో విడుదల చేసిన An Aging World: 2025 రిపోర్టు ప్రకారం, 2025 నాటికి ముసలివారి సంఖ్య 85.2 కోట్లు ఉంది. ఇది ప్రపంచ జనాభాలో 10.5 శాతం. 2060 నాటికి ఇది 200 కోట్లకు పెరుగుతుంది. జననాల రేటు తగ్గడం, ఆయుర్దాయం పెరగడం వల్ల ఈ మార్పు వేగంగా జరుగుతోంది. జపాన్, దక్షిణ కొరియా, చైనా, భారత్ వంటి దేశాలు ఇప్పటికే ఈ పరిస్థితిని ఎదుర్కొంటున్నాయి. ఆరోగ్యం, పెన్షన్, సామాజిక వ్యవస్థలకు ఇది పెద్ద సవాలు.

International· 3h ago

భుజం తాకితే పురుషాంగం మాయం!

మూఢ నమ్మకాల్లో ఇదో రకం. కొంతమంది తమ భుజంతో తాకితే, ఎవర్ని తాకుతారో ఆ వ్యక్తి పురుషాంగం చిన్నదైపోతుంది లేదా మాయమవుతుంది అనే రూమర్ ఆఫ్రికా ఖండంలో ఉంది. దీని కారణంగా 6 ఆఫ్రికా దేశాల్లో 80 మందిని జనం కొట్టి చంపారు. పురుషాంగాల దొంగలు అంటూ.. ఒక్క మొజాంబిక్ లోనే 6 వారాల్లో 55 మందిని చంపేశారు. పోలీసు అధికారి, డాక్టర్లు, ప్రభుత్వ ఉద్యోగులు సహా అనేక మంది బలయ్యారు. చాలా మంది గాయపడ్డారు. సోషల్ మీడియా ద్వారా ఈ పుకారు పుట్టింది. ఈ రూమర్ నమ్మొద్దని అధికారులు కోరుతున్నారు.

International· 3h ago

న్యాయం జరిగినా ఆ గాయం మానదు!

చిన్నారులపై జరుగుతున్న లైంగిక వేధింపులు కేవలం సామాజిక నేరం మాత్రమే కాదు, తీవ్రమైన ప్రజారోగ్య సమస్య అని UNICEF రిపోర్ట్స్ హెచ్చరిస్తున్నాయి. ప్రపంచవ్యాప్తంగా ప్రతి ఎనిమిది మంది బాలికలలో ఒకరు తమ 18 ఏళ్ల లోపే లైంగిక దాడులకు గురవుతున్నారు. నేరస్తుడికి పడే శిక్ష కంటే బాధితులైన చిన్నారుల శారీరక, మానసిక ఆరోగ్యానికి ప్రాధాన్యత ఇవ్వడం అత్యంత ముఖ్యం. న్యాయపోరాటం ఎంత ఆలస్యమైనా, శారీరక గాయాలు, ఇన్ఫెక్షన్లు మరియు మానసిక గాయాల నుంచి కోలుకోవడానికి తక్షణ వైద్యం అందాలని ఎక్స్పర్ట్ సూచిస్తున్నారు.