యూట్యూబ్ చూసి అబార్షన్.. అరెస్ట్!

By Anusha· 2h ago· Ndtv

మహారాష్ట్రలోని నాగ్‌పూర్‌లో షాకింగ్ ఘటన వెలుగులోకి వచ్చింది. 16 ఏళ్ల బాలిక గర్భం దాల్చడంతో, ఆమెను పెళ్లి చేసుకుంటానని చెప్పిన 18 ఏళ్ల యువకుడు యూట్యూబ్ వీడియోలు చూసి అబార్షన్‌కు ప్రయత్నించినట్లు ఆరోపణలు ఉన్నాయి. లిక్విడ్, టాబ్లెట్లు ఇచ్చినట్లు పోలీసులు తెలిపారు. ప్రయత్నం విఫలం కావడంతో బాలిక ఇంట్లోనే బిడ్డకు జన్మనిచ్చింది. ఆరోగ్యం క్షీణించడంతో ఆస్పత్రికి తరలించారు. డాక్టర్ల సమాచారంతో పోలీసులు POCSO చట్టం కింద కేసు నమోదు చేసి అరెస్ట్ చేశారు.

More in National

National· 5m ago

అభిజీత్ దీప్కే ప్లాన్ ఇదే!

కేంద్రానికి వ్యతిరేకంగా అంశాల వారీగా ఉద్యమిస్తున్న CJP ఫౌండర్ అభిజీత్ దీప్కే స్ట్రాటజిక్‌గా అడుగులు వేస్తున్నారు. అక్టోబర్ 2న గాంధీ జయంతి నాడు ముంబైలో ప్రొటెస్టుకి పిలుపు ఇవ్వడం, ఢిల్లీలో జెండాని ఎగరేద్దామని ప్రకటించడం. కేంద్రం తీరును, బ్రిటీష్ పాలనతో పోల్చడం, మోదీని డిక్టేటర్ అనడం ద్వారా స్వాతంత్ర్య సంగ్రామాన్ని గుర్తుచేస్తున్నట్లుంది. దేశాన్ని ఐక్యం చెయ్యాలంటే, దేశభక్తే అసలైన ఆయుధం. దీప్కే అదే చేస్తున్నట్లు కనిపిస్తోంది. మరి ఈ పోరాటం కేంద్రాన్ని కుదిపేస్తుందా అనేది మున్ముందు తెలుస్తుంది.

National· 9m ago

మేము ఇప్పటికే CJPకి మద్దతు ఇచ్చాం: కనిమొళి

పొత్తులు, ఎన్నికల సంబంధిత అంశాలపై పార్టీ స్పష్టమైన నిలకడతో ఉందని DMK ఎంపీ, పార్టీ డిప్యూటీ జనరల్ సెక్రటరీ కనిమొళి స్పష్టం చేశారు. CJP నాయకులు, సభ్యులు తమను సంప్రదించినప్పుడు, తమ పార్టీ ఇప్పటికే వారికి పూర్తి మద్దతు ప్రకటించిందని గుర్తుచేశారు. CJP చేపడుతున్న ప్రజాపోరాటాలు, రాజ్యాంగ పరిరక్షణ ప్రయత్నాలకు DMK మొదటి నుండి మద్దతుగా నిలుస్తోందని కనిమొళి తెలిపారు. రాజ్యాంగబద్ధమైన అన్ని ప్రజాస్వామ్య పోరాటాలలో DMK ఎల్లప్పుడూ ముందుంటుందని వివరించారు.

National· 26m ago

SIRపై తమిళనాడు M.K..స్టాలిన్ స్టాండ్

తమిళనాడు M.K..స్టాలిన్ నేతృత్వంలో జరిగిన DMK MPల మీటింగ్‌లో కీలక తీర్మానాలు చేశారు. ప్రజల ఓటు హక్కును హరించే S.I.R విధానాన్ని పూర్తిగా రద్దు చేయాలని, EVMలకు బదులుగా మళ్లీ పాత బ్యాలెట్ పేపర్ పద్ధతినే తీసుకురావాలని డిమాండ్ చేశారు. అలాగే CEC జ్ఞానేష్ కుమార్‌ను వెంటనే పదవి నుండి తొలగించి విచారణ జరపాలని, ప్రజాస్వామ్యం కోసం పోరాడుతున్న స్టూడెంట్స్ యూనియన్లకు DMK ఫుల్ సపోర్ట్ ఇస్తుందని స్టాలిన్ 'X' వేదికగా స్పష్టం చేశారు.

National· 40m ago

నలుగురు స్టూడెంట్స్‌పై టీచర్ లైంగిక వేధింపులు

స్టూడెంట్స్‌కు రక్షణగా నిలవాల్సిన టీచరే వాళ్ల మీద దారుణానికి పాల్పడ్డాడు. గుజరాత్‌ రాష్ట్రం అమ్రేలి జిల్లాలో ప్రభుత్వ పాఠశాలలో పనిచేస్తున్న టీచర్ 8వ తరగతి చదువుతున్న నలుగురు బాలికలపై లైంగిక వేధింపులకు పాల్పడ్డాడు. అందులో ఒక బాలికపై అత్యాచారానికి ఒడిగట్టినట్లు ఆరోపణలు వచ్చాయి. దీంతో పోలీసులు అతణ్ని అరెస్ట్ చేశారు. నిందితుడిపై పోక్సో చట్టంతోపాటు BNSలోని వివిధ సెక్షన్ల కింద కేసు నమోదు చేశారు.