చిన్ననాటి స్నేహం.. 18 ఏళ్ల తర్వాత కలయిక!

By Srikanth Goud· 2h ago· Jagitial

జగిత్యాల జిల్లా గొల్లపల్లి మండలం వేణుగుమట్ల జడ్పీహెచ్‌ఎస్ పాఠశాలలో 1998–2008 బ్యాచ్‌కు చెందిన 30 మంది పూర్వ విద్యార్థులు 18 ఏళ్ల తర్వాత ఆత్మీయంగా కలుసుకున్నారు. పాఠశాల ప్రాంగణంలో సందడి చేస్తూ చిన్ననాటి జ్ఞాపకాలను గుర్తుచేసుకున్నారు. చదువుకున్న రోజుల్లోని అనుభవాలను పంచుకుంటూ ఆనందంగా గడిపారు. కాలం మారినా తమ మధ్య స్నేహం చెక్కుచెదరలేదని సంతోషం వ్యక్తం చేశారు. ఈ కలయిక పాత మధుర జ్ఞాపకాలను మరోసారి గుర్తుచేసింది.

More in Local

Local· 1h ago

బుసిరెడ్డిపల్లి గ్రామంలో ఘనంగా బతుకమ్మ వేడుకలు

వనపర్తి జిల్లా బుసిరెడ్డిపల్లిలో సర్పంచ్ తలకంటి ప్రభాకర్ రెడ్డి ఆధ్వర్యంలో బతుకమ్మ వేడుకలు ఘనంగా నిర్వహించారు. మహిళలు సంప్రదాయ దుస్తులు ధరించి, రంగురంగుల పూలతో బతుకమ్మలను పేర్చి ఆటపాటలతో సందడి చేశారు. ఈ సందర్భంగా సర్పంచ్ మాట్లాడుతూ.. బతుకమ్మ తెలంగాణ సంస్కృతి, సంప్రదాయాలకు ప్రతీక అని, మహిళల ఐక్యతను చాటుతుందని అన్నారు. గ్రామ అభివృద్ధికి ప్రజలంతా కలిసికట్టుగా సహకరించి బుసిరెడ్డిపల్లిని ఆదర్శ గ్రామంగా తీర్చిదిద్దాలని కోరారు.

Local· 1h ago

గంభీరావుపేట ఎస్సై శ్రీకాంత్ సస్పెన్షన్

రాజన్న సిరిసిల్ల జిల్లా గంభీరావుపేట ఎస్సై చొక్కాల శ్రీకాంత్ సస్పెన్షన్‌కు గురయ్యారు. నిబంధనల ఉల్లంఘన, విధుల్లో నిర్లక్ష్యం, అదుపులో ఉన్న నిందితులపై దాడికి పాల్పడ్డారనే ఆరోపణలతో మల్టీజోన్-1 ఐజీ, జోన్-3 డీఐజీ ఇన్‌చార్జ్ ఎస్. చంద్రశేఖర్ రెడ్డి ఈ మేరకు ఉత్తర్వులు జారీ చేశారు. శ్రీకాంత్‌ను డీఏఆర్ హెడ్‌క్వార్టర్స్‌కు అటాచ్ చేశారు. సస్పెన్షన్ సమయంలో అనుమతి లేకుండా కేంద్రాన్ని విడిచి వెళ్లరాదని ఆదేశించారు.

Local· 1h ago

సాయిపూర్‌లో ఘనంగా బతుకమ్మ సంబరాలు

వికారాబాద్ జిల్లా తాండూరు పట్టణంలోని సాయిపూర్‌లో మున్సిపల్ చైర్‌పర్సన్ పట్లోళ్ల నీరజ బాల్ రెడ్డి ఆధ్వర్యంలో బతుకమ్మ వేడుకలు సందడిగా జరిగాయి. ఎమ్మెల్యే బుయ్యని మనోహర్ రెడ్డి (BMR) మహిళలతో కలిసి వేడుకల్లో పాల్గొన్నారు. మహిళలు వివిధ రకాల పూలతో బతుకమ్మలను అలంకరించి, సంప్రదాయ పాటలతో ఉత్సాహంగా ఆడిపాడారు. తెలంగాణ సంస్కృతి, సంప్రదాయాల వైభవాన్ని చాటేలా వేడుకలు ఘనంగా నిర్వహించారు.

Local· 1h ago

పశువుల లింగయ్యకు నివాళులు అర్పించిన నాయకులు

భద్రాద్రికొత్తగూడెం జిల్లా ఇల్లందులో న్యూ డెమోక్రసీ సీనియర్ నాయకుడు కామ్రేడ్ పశువుల లింగయ్యకు నాయకులు ఘనంగా నివాళులర్పించారు. అనారోగ్యంతో మృతిచెందిన లింగయ్య భౌతికకాయంపై CPI(ML) న్యూ డెమోక్రసీ నాయకులు పూలమాలలు వేసి సంతాపం తెలిపారు. BBR మిల్లులో పనిచేస్తూ IFTUలో చేరిన ఆయన కార్మిక హక్కుల కోసం అనేక పోరాటాలు చేశారు. ఇంద్రానగర్ ప్రాంతంలోని పేదల సమస్యలపై పోరాడటంతో పాటు మలిదశ తెలంగాణ ఉద్యమంలో చురుగ్గా పాల్గొని జైలు జీవితం గడిపారని నాయకులు గుర్తుచేశారు.