పెద్దపల్లిలో రైతు సదస్సు.. 18న!

By Sagar· 1h ago· Ramagundam, Ramagundam, Peddapalli

పెద్దపల్లి జిల్లాలో 18న రైతు సదస్సు జరగబోతోంది.. రైతు సమస్యల సాధన సమితి అధ్యక్షుడు ముడిమడుగుల మల్లన్న, వర్కింగ్ ప్రెసిడెంట్ డాక్టర్ మార్షల్ దుర్గం నగేష్ నిర్వహిస్తున్నారు. కేంద్ర, రాష్ట్ర ప్రభుత్వాలు రైతులను నిర్లక్ష్యం చేస్తున్నాయని విమర్శించారు. గిట్టుబాటు ధరలు, సబ్సిడీ విత్తనాలు, ఎరువులు, రుణమాఫీ, గిడ్డంగులు, కళ్లాల సౌకర్యాలు కల్పించాలని డిమాండ్ చేశారు. రైతు ఆత్మహత్యలకు శాశ్వత పరిష్కారం చూపాలన్నారు. పార్టీలకతీతంగా రైతులు, కార్మికులు, యువకులు, మహిళలు హాజరుకావాలని పిలుపునిచ్చారు.

More in Local

Local· 5m ago

NSUI బలోపేతానికి కృషి..!

జయశంకర్ భూపాలపల్లి జిల్లా ఎన్ఎస్యూఐ అధ్యక్షుడిగా పురుషోత్తం అనూప్ నియమితులయ్యారు. బుధవారం హైదరాబాద్ అసెంబ్లీ భవన్లో మంత్రి దుద్దిళ్ల శ్రీధర్ బాబును కలిశారు. తనను నియమించినందుకు కృతజ్ఞతలు తెలిపారు. ఆయన మార్గదర్శకత్వంలో పనిచేస్తూ ఎన్ఎస్యూఐని బలోపేతం చేస్తానన్నారు. విద్యార్థుల హక్కుల సాధనకు కృషి చేస్తానని స్పష్టం చేశారు.

▶

Local· 14m ago

ఉత్తరాంధ్ర అభివృద్ధే లక్ష్యం : MLA

విజయనగరం జిల్లా రాజాంలో మాజీ జడ్పీ చైర్మన్ మజ్జి శ్రీను (చిన్న శ్రీను) చీపురుపల్లి ఎమ్మెల్యే కళా వెంకట్రావును కలిశారు. అనంతరం మీడియా సమావేశంలో ఎమ్మెల్యే మాట్లాడారు. భోగాపురం ఎయిర్పోర్ట్ రాకతో ఉత్తరాంధ్ర వెనుకబాటు తొలగిపోతుందని ఆయన అన్నారు. యువ నాయకుడు చిన్న శ్రీను TDPలో చేరడంతో పార్టీకి బలం పెరిగిందని తెలిపారు. చిన్న శ్రీను మాట్లాడుతూ.. రానున్న స్థానిక ఎన్నికల్లో కూటమి ప్రభుత్వానికి తన వంతు కృషి చేస్తానన్నారు. ఉత్తరాంధ్ర అభివృద్ధి కోసం సీనియర్ నాయకులతో కలిసి పనిచేస్తామని చెప్పారు.

Local· 20m ago

కాళేశ్వరం నీళ్లు రాలే.. పంట ఎండింది

వరంగల్ జిల్లా దుగ్గొండి మండలం వెంకటాపురంలో మహిళా రైతు లక్ష్మి నిరసన తెలిపారు. కాళేశ్వరం నీళ్లు రాక తన పంట ఎండిపోయిందని ఆమె ఆవేదన వ్యక్తం చేశారు. పొలంలో ఫ్లెక్సీ ఏర్పాటు చేసి తన నిరసనను చాటుకున్నారు. కాలువలో నీళ్లు అందితే పంట దక్కేదని ఆమె అన్నారు. ప్రస్తుతం అప్పులు తీర్చలేని పరిస్థితి ఏర్పడిందని తెలిపారు. ఇలాంటి పరిస్థితి ఇంకా ఎంత కాలమని, తక్షణమే ప్రభుత్వం, అధికారులు స్పందించాలని ఆమె డిమాండ్ చేస్తున్నారు.

Local· 24m ago

ఆళ్ల నాని మృతికి ఎంపీ పుట్టా నివాళి..!

ఏలూరు జిల్లాలో మాజీ మంత్రి, మాజీ ఎమ్మెల్యే ఆళ్ల నాని మృతి చెందారు. ఆయన భౌతికకాయానికి ఏలూరులోని నివాసంలో ఎంపీ పుట్టా మహేశ్ కుమార్ పూలమాల వేసి ఘన నివాళులర్పించారు. ఆళ్ల నాని మృతి ఏలూరు జిల్లాకు తీరని లోటని ఎంపీ పేర్కొన్నారు. కుటుంబ సభ్యులకు ప్రగాఢ సానుభూతి తెలియజేశారు. ఆత్మకు శాంతి చేకూరాలని ప్రార్థించారు.