తయారీ రంగానికి రుణభారం తగ్గించాలి

By A.Ajay· 2h ago

దేశంలో ఉద్యోగాలు పెరగాలంటే తయారీ రంగాన్ని బలోపేతం చేయాలని నీతి ఆయోగ్ మాజీ CEO అమితాబ్ కాంత్ అన్నారు. బ్యాంకులు ప్రభుత్వ బాండ్లలో పెట్టాల్సిన డబ్బు పరిమాణాన్ని సూచించే SLR ప్రస్తుతం 18 శాతంగా ఉందని, దాన్ని తగ్గిస్తే పరిశ్రమలకు రుణాలు అందుబాటులోకి రావచ్చని చెప్పారు. భూమి సేకరణను సులభతరం చేయాలని, పరిశ్రమలకు విద్యుత్ ఖర్చు తగ్గించాలని సూచించారు. PLI పథకం తాత్కాలికంగా ఉపయోగపడుతుందని, దీర్ఘకాలంలో మరిన్ని మార్పులు అవసరమని అన్నారు.

More in National

National· 25m ago

బ్యాట్‌మ్యాన్ మాస్క్‌లో రాహుల్

ఢిల్లీలో ఇండియా కూటమి చేపట్టిన ‘చలో ఢిల్లీ – మార్చ్ ఫర్ డెమోక్రసీ’ నిరసనలో బ్యాట్‌మ్యాన్ మాస్కులు స్పెషల్ అట్రాక్షన్‌గా నిలిచాయి. చీఫ్ ఎలక్షన్ కమిషనర్ జ్ఞానేశ్ కుమార్ రాజీనామా చేయాలంటూ సుప్రీంకోర్టు వరకు చేపట్టిన మార్చ్‌లో రాహుల్ గాంధీ కూడా బ్యాట్‌మ్యాన్ మాస్క్‌తో కనిపించారు. కాంగ్రెస్ చీఫ్ మల్లికార్జున ఖర్గేకు కూడా ఆయన మాస్క్ పెట్టడంలో హెల్ప్ చేశారు. ఈ ఫొటోను NSUI సోషల్ మీడియాలో షేర్ చేస్తూ <a href="https://x.com/nsui/status/2109599648008839345">“Batman Mode: ON; Gyaneshh toh giyooo"</a>అని ఫన్నీ క్యాప్షన్ ఇచ్చింది.

National· 32m ago

విపరీతంగా పెరిగిన నిత్యావసరాల ధరలు

దేశంలో సెప్టెంబర్‌లో ధరల పెరుగుదల గత రెండేళ్లలో ఎన్నడూ లేనంత స్థాయికి చేరింది. 'Consumer Price Index' ఆధారంగా లెక్కించిన ధరల పెరుగుదల ఆగస్టులో 4.83 శాతంగా ఉన్న ధరల పెరుగుదల సెప్టెంబర్‌లో 5.54 శాతానికి చేరింది. ఆహార పదార్థాల ధరలు ఏడాది క్రితంతో పోలిస్తే 7.74 శాతం పెరిగాయి. ముఖ్యంగా ఉల్లిపాయల ధరల పెరుగుదల 108.09 శాతం పెరిగాయి. దీంతో సామాన్యుల ఇంటి ఖర్చులపై భారం పెరిగింది.

National· 58m ago

ప్రెస్ ఐడీ ఉన్నా.. జర్నలిస్టులపై పోలీసుల జులుం

ఢిల్లీలో ప్రొటెస్ట్ కవర్ చేస్తున్న ‘The Indian Express’ హిందీ విభాగానికి చెందిన ముగ్గురు జర్నలిస్టులను పోలీసులు అదుపులోకి తీసుకున్నారు. శాశ్వత్, సియా, విజయ్ కుమార్ అనే ఈ జర్నలిస్టులు ప్రెస్ ID కార్డులు చూపించినా పోలీస్ బస్సులో ఎక్కించారని తెలిపారు. నిరసన స్థలానికి సుమారు 12 కిలోమీటర్ల దూరంలో వదిలేశారని చెప్పారు. యుద్ధ సమయాల్లో కూడా రిపోర్టింగ్‌కు అనుమతిస్తారు. కానీ, ప్రొటెస్ట్‌ను కవర్ చేయడానికి పోలీసులు అనుమతించకపోవడంపై ప్రశ్నలు వస్తున్నాయి.

National· 1h ago

మందులపై 30% మార్జిన్ లిమిట్

క్యాన్సర్ మందులు అమ్మే వ్యాపారులు 30 శాతానికి మించి మార్జిన్ తీసుకోకుండా కేంద్రం కొత్త రూల్ తీసుకురానుంది. ఏ మందులకు ఈ రూల్ ఉంటుందో లిస్ట్ ప్రకటిస్తామని సుప్రీంకోర్టుకు తెలిపింది. మార్కెట్ పరిస్థితులు, ప్రజల అవసరాలను బట్టి లిస్ట్‌లో మార్పులు చేస్తామని చెప్పింది. అయితే, తక్కువ ధరలో దొరికే మందులకు ఈ రూల్ ఉండదు. క్యాన్సర్ మందులే కాకుండా అన్ని మందులు, మెడికల్ డివైజెస్ ధరలను కూడా చెక్ చేయాలని సుప్రీంకోర్టు సూచించింది. ఈ అంశంపై అక్టోబర్ 27న విచారణ జరగనుంది.