డిగ్రీ సీట్ల కోసం మరో అవకాశం.. తేదీ ఇదే!

By B V Appalanaidu· 2h ago· Alluri Sitharama Raju

అల్లూరి సీతారామరాజు జిల్లా అరకులోయలో ఇంటర్‌ ఉత్తీర్ణులైన విద్యార్థులకు డిగ్రీ ప్రవేశాల కోసం మరో అవకాశం వచ్చింది. OAMDC–2026 మూడో, చివరి విడత ప్రక్రియ అక్టోబర్ 24 నుంచి ప్రారంభం కానుందని ప్రభుత్వ మహిళా డిగ్రీ కళాశాల ప్రిన్సిపాల్ B.R కుసుమ కుమారి తెలిపారు. BA, బీకాం, బీఎస్సీ కోర్సుల్లో చేరాలనుకునేవారు https://cap.apcfss.in వెబ్‌సైట్‌లో నమోదు చేసుకోవాలని సూచించారు.

More in Local

Local· 2m ago

గంభీరావుపేట ఎస్సై శ్రీకాంత్ సస్పెన్షన్

రాజన్న సిరిసిల్ల జిల్లా గంభీరావుపేట ఎస్సై చొక్కాల శ్రీకాంత్ సస్పెన్షన్‌కు గురయ్యారు. నిబంధనల ఉల్లంఘన, విధుల్లో నిర్లక్ష్యం, అదుపులో ఉన్న నిందితులపై దాడికి పాల్పడ్డారనే ఆరోపణలతో మల్టీజోన్-1 ఐజీ, జోన్-3 డీఐజీ ఇన్‌చార్జ్ ఎస్. చంద్రశేఖర్ రెడ్డి ఈ మేరకు ఉత్తర్వులు జారీ చేశారు. శ్రీకాంత్‌ను డీఏఆర్ హెడ్‌క్వార్టర్స్‌కు అటాచ్ చేశారు. సస్పెన్షన్ సమయంలో అనుమతి లేకుండా కేంద్రాన్ని విడిచి వెళ్లరాదని ఆదేశించారు.

Local· 4m ago

సాయిపూర్‌లో ఘనంగా బతుకమ్మ సంబరాలు

వికారాబాద్ జిల్లా తాండూరు పట్టణంలోని సాయిపూర్‌లో మున్సిపల్ చైర్‌పర్సన్ పట్లోళ్ల నీరజ బాల్ రెడ్డి ఆధ్వర్యంలో బతుకమ్మ వేడుకలు సందడిగా జరిగాయి. ఎమ్మెల్యే బుయ్యని మనోహర్ రెడ్డి (BMR) మహిళలతో కలిసి వేడుకల్లో పాల్గొన్నారు. మహిళలు వివిధ రకాల పూలతో బతుకమ్మలను అలంకరించి, సంప్రదాయ పాటలతో ఉత్సాహంగా ఆడిపాడారు. తెలంగాణ సంస్కృతి, సంప్రదాయాల వైభవాన్ని చాటేలా వేడుకలు ఘనంగా నిర్వహించారు.

Local· 16m ago

పశువుల లింగయ్యకు నివాళులు అర్పించిన నాయకులు

భద్రాద్రికొత్తగూడెం జిల్లా ఇల్లందులో న్యూ డెమోక్రసీ సీనియర్ నాయకుడు కామ్రేడ్ పశువుల లింగయ్యకు నాయకులు ఘనంగా నివాళులర్పించారు. అనారోగ్యంతో మృతిచెందిన లింగయ్య భౌతికకాయంపై CPI(ML) న్యూ డెమోక్రసీ నాయకులు పూలమాలలు వేసి సంతాపం తెలిపారు. BBR మిల్లులో పనిచేస్తూ IFTUలో చేరిన ఆయన కార్మిక హక్కుల కోసం అనేక పోరాటాలు చేశారు. ఇంద్రానగర్ ప్రాంతంలోని పేదల సమస్యలపై పోరాడటంతో పాటు మలిదశ తెలంగాణ ఉద్యమంలో చురుగ్గా పాల్గొని జైలు జీవితం గడిపారని నాయకులు గుర్తుచేశారు.

Local· 20m ago

యువతా.. మత్తు పదార్థాలకు దూరంగా ఉండండి!

యువత మాదకద్రవ్యాలకు దూరంగా ఉంటూ ఆరోగ్యకరమైన జీవనశైలిని అలవర్చుకోవాలని ఖమ్మం జిల్లా యువజన అధికారి ఎం. వెంకట్ రాంబాబు సూచించారు. జక్కేపల్లిలో నిర్వహించిన నైబర్‌హుడ్ యూత్ పార్లమెంట్‌లో ఆయన మాట్లాడుతూ.. మత్తు పదార్థాల వల్ల కలిగే అనర్థాలను వివరించారు. వాటికి బానిసైనవారు పునరావాస కేంద్రాల్లో చికిత్స పొందవచ్చన్నారు. 15–29 ఏళ్ల యువత మై భారత్ పోర్టల్‌లో నమోదు చేసుకుని, దేశ అభివృద్ధిలో భాగస్వాములు కావాలని పిలుపునిచ్చారు.