ప్రజాసమస్యలపై పార్లమెంట్‌లో గళమెత్తండి

By DK· 17 Jul 2026

AP: రాష్ట్ర ప్రజాసమస్యల పరిష్కారమే లక్ష్యంగా పార్లమెంట్‌లో మన గళం వినిపించాలని పార్టీ MPలకు YSR CP అధ్యక్షుడు YS జగన్ సూచించారు. ఈ నెల 20 నుంచి ప్రారంభం కానున్న పార్లమెంట్ వర్షాకాల సమావేశాల్లో అనుసరించాల్సిన వ్యూహాలపై తాడేపల్లిలోని పార్టీ కేంద్ర కార్యాలయంలో జగన్ MPలతో చర్చించారు. మహిళా రిజర్వేషన్ బిల్లుకు YSR CP ఇదివరకే మద్దతు ఇచ్చిందని గుర్తు చేశారు. కూటమి ప్రభుత్వం అడ్డగోలుగా అప్పులు చేస్తోందని, రెండేళ్లలో రూ.3.6 లక్షల కోట్ల అప్పులు చేశారన్నారు. ఈ ప్రభుత్వ అవినీతిని ఎండగట్టాలని, ప్రజాసమస్యలపై పోరాడాలన్నారు.

More in Politics

Politics· 10h ago

సాయికృష్ణ కేసుపై సుప్రీంకోర్టు ఫైర్

విజయవాడ సాయికృష్ణ డెత్ కేసులో సుప్రీంకోర్టు కీలక నిర్ణయం తీసుకుంది. AP ప్రభుత్వం, పోలీసుల ఇన్వెస్టిగేషన్ తీరుపై ఫైర్ అయ్యింది. హైకోర్టు విచారణపై స్టే విధించింది. కేసును సుప్రీంకోర్టుకు బదిలీ చేసి, సెప్టెంబర్ 30 లోగా పూర్తి వివరాలను సీల్డ్ కవర్‌లో రిపోర్ట్ ఇవ్వాలని చెప్పింది. హైకోర్టు పిటిషన్లు, రికార్డులనూ బదిలీ చేయాలని స్పష్టం చేసింది. తల్లి ఫిర్యాదు చేసినా, FIR ఎందుకు నమోదు చేయలేదు? CC ఫుటేజ్ మాయమైతే ఏం చర్యలు తీసుకున్నారు? అని పోలీసులను<a href="https://www.theclearcutnews.com/n/YAJ3jX6"> సుప్రీంకోర్టు</a> క్వశ్చన్ చేసింది.

Politics· 16h ago

సాహిల్‌ మృతి కేసులో చర్యలు కోరుతూ తండ్రి దీక్ష

<a href="https://app.theclearcutnews.com/n/Ej2wxs2">IIT బాంబే విద్యార్థి సాహిల్‌</a> వాకోడే మృతిపై అతని తండ్రి రవీంద్ర కీలక నిర్ణయం తీసుకున్నారు. కేసులో పేరున్న వారిని అరెస్ట్‌ చేయకపోతే.. సెప్టెంబర్ 23 నుంచి నిరాహార దీక్ష చేస్తానని ఆయన తెలిపారు. ఈ కేసు దర్యాప్తును ముంబై క్రైమ్‌ బ్రాంచ్‌ చేపట్టింది. మరోవైపు IIT బాంబే.. 10 మంది సభ్యులతో కమిటీని ఏర్పాటు చేసి, ప్రొఫెసర్‌ సూర్యనారాయణ దూల్లాను సెలవుపై వెళ్లాలని కోరింది. కమిటీ వారం రోజుల్లో రిపోర్ట్‌ ఇవ్వనుంది.

Politics· 1d ago

ఆ భూములపై శ్వేతపత్రం విడుదల చేయాలి: ఆగయ్య

రాజన్న సిరిసిల్ల జిల్లాలో 8వేల ఎకరాల ప్రభుత్వ భూములు ప్రైవేటు వ్యక్తులకు బదిలీ అయ్యాయన్న సీఎం రేవంత్‌రెడ్డి వ్యాఖ్యలపై బీఆర్‌ఎస్‌ జిల్లా అధ్యక్షుడు తోట ఆగయ్య స్పందించారు. ఈ భూములకు సంబంధించిన పూర్తి వివరాలను ప్రభుత్వం శ్వేతపత్రం ద్వారా వెల్లడించాలని ఆయన డిమాండ్ చేశారు. 8 వేల ఎకరాలకు సంబంధించిన గ్రామాలు, సర్వే నంబర్లు, ఎవరికి భూములు బదిలీ అయ్యాయో, ఈ అంశంపై RTI ద్వారా సమాచారం సేకరిస్తున్నామని, అవసరమైతే న్యాయపోరాటం చేస్తామని తెలిపారు.

Politics· 2d ago

బెంగళూరు మెట్రో జర్నీకి 70 వేల జీతం కావాల్సిందేనా?

బెంగళూరులో ‘నమ్మ మెట్రో’లో రోజూ జర్నీ చేయాలంటే నెలకు సుమారు 70,400 రూపాయల జీతం ఉండాలని ‘ది హిందూ’ ఎనాలిసిస్ తెలిపింది. 15 కిలోమీటర్ల వన్‌వే జర్నీ, రెండు వైపులా 2 కిలోమీటర్ల లాస్ట్‌మైల్ ట్రావెల్ కలిపి నెలకు 3,520 రూపాయలు ఖర్చవుతుందని లెక్కించింది. ఈ ఖర్చు జీతంలో 5 శాతానికి మించకూడదనే లెక్కతో 70,400 జీతాన్ని అంచనా వేసింది. ఢిల్లీ, చెన్నై, ముంబై, కోల్‌కతాతో పోలిస్తే బెంగళూరులో మెట్రో జర్నీ ఖర్చు ఎక్కువగా ఉందని తెలిపింది.