ఫేక్ స్మశానం

By BK· 1d ago· స్పెయిన్‌

స్పెయిన్‌లో 1966 'ది గుడ్, ది బ్యాడ్ అండ్ ది అగ్లీ' అనే హాలీవుడ్ సినిమా షూటింగ్ కోసం 5,000 నకిలీ సమాధులతో ఒక ఆర్టిఫిషియల్ స్మశాన వాటికను కట్టారు. అదే ప్రపంచంలోనే అతిపెద్ద కృత్రిమ స్మశానంగా పేరు పొందింది. షూటింగ్ ముగిసినా దాన్ని తీసేయకుండా అలాగే ఉంచడంతో, మొక్కలు పెరిగి పాడైపోగా, 2015లో కొంతమంది సినిమా అభిమానులు దీన్ని మళ్లీ బాగు చేశారు. ఆ సమయంలో ఫండ్స్ కోసం 15 యూరోలు డొనేషన్ ఇచ్చిన ప్రతిఒక్కరి పేరును అక్కడి ఒక శిలువపై రాశారు. ప్రస్తుతం ఈ ఫేక్ స్మశానం ఒక పాపులర్ టూరిస్ట్ స్పాట్‌గా మారిపోయింది.

More in International

International· 4m ago

లాహోర్‌లో యువతిపై గ్యాంగ్‌రేప్

పాకిస్తాన్‌లోని లాహోర్‌లో 20 ఏళ్ల యువతికి ముగ్గురు వ్యక్తులు మత్తుమందు ఇచ్చి గ్యాంగ్‌రేప్ చేశారు. ఈ యువతి వ్యాపారం కోసం బాకు నుంచి పాకిస్తాన్‌కు వచ్చింది. రెండు వారాల నుంచి రాయ్‌విండ్ ప్రాంతంలో ఉంటోంది. సెప్టెంబర్ 25 రాత్రి ముగ్గురు పురుషులు ఆమెను ఒక ఫ్లాట్‌కు తీసుకెళ్లారు. అక్కడ ఆమెకు మత్తు పదార్థం ఇచ్చి లైంగికదాడికి పాల్పడ్డట్టు బాధితురాలు తెలిపింది.

International· 13m ago

అవంతి వెస్ట్ కోస్ట్ రైళ్లు ఇక ప్రభుత్వ ఆధీనంలోకి!

బ్రిటన్‌లో Avanti West Coast రైలు సేవలు వచ్చే ఏడాది మార్చి నుంచి ప్రభుత్వ ఆధీనంలోకి వెళ్లనున్నాయి. సంస్థ కాంట్రాక్ట్ మార్చి 7న ముగుస్తుంది. తరచూ రైళ్లు ఆలస్యం కావడం, క్యాన్సిల్ అవడం, రద్దీపై ప్రయాణికుల ఫిర్యాదుల నేపథ్యంలో ప్రభుత్వం ఈ నిర్ణయం తీసుకుంది. ప్రస్తుతం Avantiలో FirstGroupకు 70 శాతం, Trenitaliaకు 30 శాతం వాటా ఉంది. రైలు సేవలు, ప్రయాణికుల అనుభవాన్ని మెరుగుపరచడమే లక్ష్యంగా ఈ మార్పు చేస్తున్నారు.

International· 59m ago

ఆ దేశంలో ఇక రేబిస్ భయం లేదు..

రేబీస్‌ను పూర్తిగా నిర్మూలించిన దేశంగా భూటాన్‌ను WHO ప్రకటించింది. ఆగ్నేయాసియాలో ఈ గుర్తింపు పొందిన తొలి దేశంగా భూటాన్ నిలిచింది. 2009 నుండి భూటాన్ గవర్నమెంట్ తెచ్చిన ప్లాన్‌తో లక్షల కుక్కలకు వ్యాక్సినేషన్ వేసి, బర్త్ కంట్రోల్ సర్జరీలు సక్సెస్‌ఫుల్‌గా చేశారు. 2023 జూన్ తర్వాత ఒక్క రేబీస్ మరణం కూడా నమోదు కాకపోవడంతో సెప్టెంబర్ 28 'వరల్డ్ రేబీస్ డే' సందర్భంగా WHO ఈ గుర్తింపునిచ్చింది.

International· 5h ago

డేటా సెంటర్.. వాకింగ్ మ్యాటర్

అమెరికాలోని వర్జీనియాలో 10 లక్షల చదరపు అడుగుల డేటా సెంటర్‌లో జేమ్స్ వాడీ లీడ్ ఇంజినీర్‌గా పనిచేస్తున్నారు. రోజూ 30 వేల స్టెప్పులు వేస్తూ పరికరాలు వేడెక్కుతున్నాయా? పైపులు పగిలాయా? లైట్లు, పవర్ ట్రాన్స్‌ఫార్మర్లు సరిగ్గా పనిచేస్తున్నాయా? అని ఆయన చెక్ చేస్తారు. హాల్స్ ఎంత పొడవుగా ఉంటాయంటే కొందరు టెక్నీషియన్లు అక్కడ స్కూటర్లపైనే తిరుగుతారు! AI విస్తరణతో ఇలాంటి డేటా సెంటర్ ఉద్యోగాలకు డిమాండ్ పెరుగుతోంది.