ఫేక్ హెల్త్ సెంటర్ల గుట్టు రట్టు.. సీజ్

By DeeK· 4 Jul 2026· అనంతపురం జిల్లా

AP: అనంతపురం నగరంలో ఎలాంటి అనుమతులు లేకుండా నిర్వహిస్తున్న నాలుగు హెల్త్ కేర్ సెంటర్‌లను DMHO ఈబీ దేవి సీజ్ చేశారు. అసిస్టెంట్ కలెక్టర్ సుయాస్ కుమార్, DMHO ఈబీ దేవి ఆధ్వర్యంలో నగరంలో విస్తృత తనిఖీలు చేపట్టారు. ఎలాంటి మందులు వాడకుండా, కేవలం థెరపీల ద్వారా దీర్ఘకాలిక రోగాలు, మోకాళ్ల నొప్పులను పూర్తిగా నయం చేస్తామంటూ సోషల్ మీడియాలో మోసపూరిత ప్రచారాలు చేస్తున్న సెంటర్‌లపై అధికారులు చర్యలు తీసుకున్నారు. కైరో ప్రాక్టీస్ సెంటర్, ప్యూర్ కైరో సెంటర్, ట్రస్ట్ ఫిజియోథెరపీ సెంటర్, పెయిన్ ఫ్రీ లైఫ్ విత్ మై హెల్త్ కేర్ సెంటర్‌లను సీజ్ చేశారు.

More in Health

Health· 8h ago

ఉప్పుని పూర్తిగా బంద్ చేస్తున్నారా?

ఆరోగ్యం కోసం చాలామంది ఉప్పును పూర్తిగా దూరం పెడుతుంటారు. కానీ మన బాడీకి సోడియం చాలా అవసరమని డాక్టర్లు అంటున్నారు. ఇది బాడీలో వాటర్ లెవెల్స్ తగ్గకుండా, మజిల్స్ సరిగ్గా పనిచేసేలా చూస్తుంది. ఎక్కువ ఎండలో తిరిగినా, వర్కౌట్స్ చేసి చెమటలు పట్టినా కేవలం నీళ్లు తాగితే సరిపోదు, బాడీకి ఎలక్ట్రోలైట్స్, సోడియం అవసరం. అందుకే ఉప్పును మరీ పూర్తిగా పక్కన పెట్టేయొద్దని డాక్టర్లు చెప్తున్నారు.

Health· 10h ago

రోజూ న్యూడుల్స్ తింటున్నారా?

తరచూ ఇంట్లోనే న్యూడుల్స్ తయారు చేసుకొని తినడం పిల్లలతోపాటు పెద్దలకూ అలవాటు. ఇది ఆరోగ్యానికి అంత మంచిది కాదని పోషకాహార నిపుణులు అంటున్నారు. 75 గ్రాముల న్యూడుల్స్‌లో 750 మిల్లీగ్రామ్స్ సోడియం, 6.2 గ్రాముల స్యాచురేటెడ్ ఫ్యాట్ ఉన్నాయి. వీటిని తరచూ తింటే స్యాచురేటెడ్ ఫ్యాట్ పెరుగుతుంది. ఇది గుండె ఆరోగ్యానికి చాలా ప్రమాదకరం. న్యూడుల్స్‌ని విడిగా తీసుకోకుండా, కూరగాయలు, గుడ్డు వంటి పోషకమైన పదార్థాలతో కలిపి తీసుకోవడం బెటర్ అని అంటున్నారు.

Health· 13h ago

ఓటీటీ బింజ్-వాచింగ్ (Binge-watching) ముప్పు

ఓటీటీల్లో వరుసగా వెబ్ సిరీస్‌లను గంటల తరబడి చూసే బింజ్-వాచింగ్ (Binge-watching) మానసిక అనారోగ్యానికి దారి తీస్తోంది. ఎక్కువగా Binge-watching చేసేవారిలో నిద్ర సమస్యలు, ఆందోళన, ఒత్తిడి, డిప్రెషన్, ఒంటరితనం కనిపిస్తున్నట్లు స్టడీలు చెబుతున్నాయి. స్క్రీన్ టైమింగ్‌లో ఎక్కువగా గడిపే యూత్ వాళ్ల రోజువారీ జీవితం, సోషల్ రిలేషన్స్‌పై ప్రభావం చూపే అవకాశం ఉంది. ఓటీటీ చూడటానికి లిమిటేషన్స్, నిద్రకు ముందు ఎక్కువసేపు స్క్రీన్ చూడకపోవడం మంచిదని నిపుణులు సజెస్ట్ చేస్తున్నారు.

Health· 15h ago

కృత్రిమ పనీర్‌పై దేశవ్యాప్తంగా బ్యాన్?

దేశవ్యాప్తంగా కృత్రిమ పనీర్‌ను నిషేధించేందుకు FSSAI నిబంధనలు తీసుకొస్తోంది. ఇప్పటికే పంజాబ్, మహారాష్ట్ర, గుజరాత్ సహా 8 రాష్ట్రాల్లో దీని తయారీ, అమ్మకాలపై బ్యాన్ ఉంది. పాల స్థానంలో కూరగాయల నూనెలు ఉపయోగించే ఈ పనీర్‌ను పాన్-ఇండియా స్థాయిలో బ్యాన్ చేసేందుకు FSSAI CEO ప్లాన్ చేస్తున్నారు. మరోవైపు ఈ-కామర్స్ యాప్‌లలో ఎక్స్‌పైరీ డేట్లు స్పష్టంగా ఉండాలని, స్కూళ్లకు 50 మీటర్ల లోపు జంక్ ఫుడ్ అమ్మకాలపై ఆంక్షలు విధించారు. రూల్స్ మీరిన 5 స్టార్ హోటళ్లకు నోటీసులు ఇచ్చారు.