SGSW ఉద్యోగుల మహా గర్జన!

By Mahesh Kuruva· 1d ago· AP

AP: స్వర్ణ గ్రామ, వార్డు సచివాలయ (SGSW) ఉద్యోగులు తమ డిమాండ్ల కోసం రేపు విజయవాడ ధర్నా చౌక్‌లో భారీ నిరసనకు సిద్ధమయ్యారు. SGSW ఉద్యోగుల ఐక్యవేదిక ఆధ్వర్యంలో ‘చలో విజయవాడ’ కార్యక్రమం జరగనుంది. ప్రమోషన్లు కల్పించడం, డిప్యూటేషన్లు క్యాన్సిల్ చేయడం, ప్రొబేషన్ పీరియడ్‌కు 2 నోషనల్ ఇంక్రిమెంట్లు ఇవ్వడం, నేటివ్ మండలాల్లో పోస్టింగ్స్ ఇవ్వడం వంటి డిమాండ్లను వారు ప్రభుత్వం ముందు పెట్టనున్నారు. వర్క్ ప్రెషర్‌తో చనిపోయిన ఉద్యోగుల ఫ్యామిలీలకు న్యాయం చేయాలని కూడా కోరుతున్నారు.

More in AP

AP· 41m ago

సమ్మెకు బ్రేక్.. అక్టోబర్ 1 నుంచి పెన్షన్

AP: బ్యాంక్స్ 3 రోజుల సమ్మెను విరమించుకోవడంతో APలో పెన్షన్ పంపిణీ యథావిధిగా జరగనుంది. అక్టోబర్ 1 నుంచి పెన్షన్‌దారులకు క్యాష్ పంపిణీ ప్రారంభం కానుంది. గ్రామ, వార్డు సచివాలయ సిబ్బంది సెప్టెంబర్ 30న మనీ డ్రా చేసి, అక్టోబర్ 1న పెన్షన్‌దారులకు మనీ ఇవ్వనున్నారు. రెగ్యులర్ తేదీలోనే పెన్షన్లు పంపిణీ చేసేందుకు అధికారులు ఏర్పాట్లు చేస్తున్నారు.

AP· 2h ago

పోలవరం నుంచి భారీగా నీటి విడుదల

AP: గోదావరి వరద ప్రభావం పోలవరం ప్రాజెక్టుపైనా కనిపిస్తోంది. నిన్న పోలవరం స్పిల్‌వే నుంచి 8,75,512 క్యూసెక్కుల నీటిని దిగువకు విడుదల చేశారు. ఈ నీటిని ధవళేశ్వరం బ్యారేజీ మీదుగా సముద్రంలోకి పంపిస్తున్నారు. పోలవరం వద్ద నీటిమట్టం పెరగడంతో పట్టిసీమ శివక్షేత్రం చుట్టూ వరద నీరు చేరింది. దీంతో ఆలయానికి రాకపోకలను నిలిపివేశారు. మరోవైపు కృష్ణా, పశ్చిమ డెల్టాల సాగునీటి అవసరాల కోసం పట్టిసీమ నుంచి పోలవరం కుడి కాలువకు 7,788 క్యూసెక్కుల నీటిని విడుదల చేశారు.

AP· 2h ago

కొడుక్కి విషమిచ్చి తండ్రి కూడా సూసైడ్

AP : చిత్తూరు జిల్లా వెంకటాపురంలో దారుణం జరిగింది. 35 ఏళ్ల బాబు అనే వ్యక్తి తన 10 ఏళ్ల కొడుకుకి విషమిచ్చి, తాను కూడా ఉరేసుకుని ఆత్మహత్య చేసుకున్నాడు. ఇవాళ ఇంటి నుంచి బయటకు రాకపోవడంతో అనుమానం వచ్చిన తల్లి లోపలికి వెళ్లి చూడగా ఈ ఘోరం వెలుగుచూసింది. కుటుంబ కలహాలే కారణమా అన్న కోణంలో పోలీసులు కేస్ ఫైల్ చేసి ఎంక్వైరీ చేస్తున్నారు.

AP· 3h ago

AI డేటా సెంటర్‌, రైతుల ఆందోళన!

విశాఖపట్నం.. తార్లువాడలో గూగుల్‌-అదానీ కలిసి నిర్మిస్తున్న భారీ AI డేటా సెంటర్‌ కోసం సుమారు 520 కుటుంబాల నుంచి భూములు తీసుకున్నారని రైతులు అంటున్నారు. తమకు పరిహారం అందినా, కొందరికి హామీ ఇచ్చినట్లు కొత్త భూమి, ఉద్యోగాలు ఇంకా రాలేదని అంటున్నారు. 100 ఎకరాలకు పైగా చెట్లను తొలగించడం, 2.51GW డేటా సెంటర్ కోసం అధిక కరెంటు వాడకం, వేడి, నీటి సమస్యలపైనా ఆందోళనలు ఉన్నాయి. దీనిపై యాక్టివిస్టులు కోర్టుకు వెళ్లారు. ప్రభుత్వం మాత్రం అంతా బాగానే ఉందని అంటోంది.