ఎన్నికల వేళ పోలీసుల నిఘా.. చెక్‌పోస్టు ఏర్పాటు

By GOLLAPALLI SUDHAKAR RAO· 1h ago· Duttalur, Duttalur, Sri Potti Sriramulu Nellore

పొట్టి శ్రీరాములు నెల్లూరు జిల్లా ఉదయగిరి సర్కిల్ పరిధిలో స్థానిక ఎన్నికల నేపథ్యంలో పోలీసులు తనిఖీలు ముమ్మరం చేశారు. శాంతిభద్రతల పరిరక్షణతో పాటు అక్రమ నగదు, మద్యం రవాణాను అరికట్టే లక్ష్యంతో సీతారామపురం సెంటర్ కూడలిలో పోలీస్ చెక్‌పోస్టు ఏర్పాటు చేశారు. ఉదయగిరి సర్కిల్ ఇన్‌స్పెక్టర్ అంకమరావు సూచనలతో SI వెంకట రాజేశ్ ఆధ్వర్యంలో తనిఖీలు నిర్వహిస్తున్నారు. ఆ మార్గంలో వెళ్లే వాహనాలను తనిఖీ చేస్తూ అనుమానాస్పద కదలికలపై నిఘా ఉంచుతున్నారు.

More in Local

రెవెన్యూ సిబ్బంది పనితీరు మార్చుకోవాలి: కన్నా

▶

Local· 1m ago

రెవెన్యూ సిబ్బంది పనితీరు మార్చుకోవాలి: కన్నా

పల్నాడు జిల్లా సత్తెనపల్లి మండలం పాకలపాడు గ్రామంలో డిజిటల్ పట్టాదారు పాస్ పుస్తకాల పంపిణీ కార్యక్రమంలో MLA కన్నా లక్ష్మీనారాయణ పాల్గొన్నారు. ఈ సందర్భంగా గ్రామంలో భూ సమస్యలు, పాస్ పుస్తకాల్లో తప్పులపై డిప్యూటీ తహసీల్దార్ రవికుమార్‌ను ప్రశ్నించారు. భూమి రీసర్వేలో తప్పులు ఎలా జరుగుతున్నాయని నిలదీశారు. రెవెన్యూ సిబ్బంది చేసే తప్పుల వల్ల రైతులు ఇబ్బందులు పడుతున్నారని ఫైరయ్యారు. పాస్ పుస్తకాల్లో మరోసారి తప్పులు వస్తే చర్యలు తీసుకుంటామని హెచ్చరించారు.

హాట్ టాపిక్‌గా మారిన షాపుల తొలగింపు.. అధికారుల రాక

▶

Local· 7m ago

హాట్ టాపిక్‌గా మారిన షాపుల తొలగింపు.. అధికారుల రాక

గుంటూరు జిల్లా రాజధాని ప్రాంతంలోని దొండపాడు సెంటర్‌లో ఆర్‌అండ్‌బీ రహదారి పక్కన ఉన్న దుకాణాలను తొలగించేందుకు సీఆర్‌డీఏ, పంచాయతీ అధికారులు, పోలీసు సిబ్బంది అక్కడికి చేరుకున్నారు. త్వరలో దుకాణాల తొలగింపునకు చర్యలు చేపడతామన్న అధికారులు, దొండపాడు సెంటర్‌లో వివిధ శాఖల అధికారులు ఒకేసారి రావడంతో స్థానికులు భయాందోళనకు గురయ్యారు. దుకాణాల తొలగింపు ఎప్పుడు చేపడతారు, తదుపరి చర్యలేంటి అనేదానిపై స్పష్టత రావాల్సి ఉంది.

పెనుమూలిలో సీసీ రోడ్ల నిర్మాణ పనులకు శంకుస్థాపన

▶

Local· 14m ago

పెనుమూలిలో సీసీ రోడ్ల నిర్మాణ పనులకు శంకుస్థాపన

గుంటూరు జిల్లా దుగ్గిరాల మండలం పెనుమూలి గ్రామంలో పల్లె పండుగ 3.0 కార్యక్రమంలో భాగంగా కొత్త సీసీ రోడ్ల నిర్మాణానికి శుక్రవారం శంకుస్థాపన చేశారు. గ్రామంలోని పేరంటాలమ్మ ఆలయం సమీపంలో చేపట్టనున్న రోడ్ల పనులకు అర్చకులు వేదమంత్రాలు చదువుతుండగా, కూటమి నాయకులు కొబ్బరికాయలు కొట్టి భూమిపూజ నిర్వహించారు. గ్రామీణ ప్రాంతాల్లో మౌలిక సదుపాయాలను మెరుగుపరిచేందుకు ఈ పనులు చేపడుతున్నట్లు నాయకులు తెలిపారు.

Local· 16m ago

ఉత్తరాలు తగ్గినా.. ప్రజలకు చేరువగా పోస్ట్‌మాన్

నిర్మల్ జిల్లా నర్సాపూర్ జి పోస్టాఫీసులో పోస్ట్‌మాన్‌గా పనిచేస్తున్న లాయఖ్ అలీ కాలానికి అనుగుణంగా తన సేవలను విస్తరిస్తున్నారు. డిజిటల్ యుగంలో వ్యక్తిగత ఉత్తరాల సంఖ్య తగ్గినా ప్రభుత్వ నోటీసులను ప్రజలకు చేరవేస్తున్నారు. వృద్ధులకు ఇంటివద్దే పింఛన్లు అందిస్తూ, పోస్టల్ ఇన్సూరెన్స్, పొదుపు పథకాలపై అవగాహన కల్పిస్తున్నారు. మైక్రో ఏటీఎం మిషిన్ల ద్వారా కూడా సేవలు అందిస్తున్నారు.