ఇళయరాజాపై పోస్టల్‌ స్టాంప్

By A.Ajay· 1d ago

సినీ సంగీతంలో 50 ఏళ్ల ప్రయాణాన్ని పూర్తి చేసుకున్న సంగీత దర్శకుడు ఇళయరాజాకు ఆస్ట్రేలియాలో అరుదైన గౌరవం దక్కింది. 50 ఏళ్ల సంగీత ప్రస్థానాన్ని గుర్తిస్తూ ఆస్ట్రేలియా పార్లమెంట్‌లో ప్రత్యేక స్మారక పోస్టల్‌ స్టాంప్‌ను విడుదల చేశారు. ఈ గౌరవంపై ఇళయరాజా ఆస్ట్రేలియా ప్రభుత్వానికి, పార్లమెంట్‌ సభ్యులకు ధన్యవాదాలు తెలిపారు. తమిళనాడులోని చిన్న గ్రామం నుంచి వచ్చి ఆస్ట్రేలియా పార్లమెంట్‌లో గౌరవం పొందడం తనను ఎంతో కదిలించిందని చెప్పారు.

More in International

International· 39m ago

మెక్‌డొనాల్డ్స్ కీలక నిర్ణయం 🍔🥗

ఫాస్ట్‌ఫుడ్ అంటే ఇష్టపడే వారి కోసం మెక్‌డొనాల్డ్స్ ఒక గుడ్ న్యూస్ చెప్పింది. ఈ మధ్య చాలామంది ఆహారంలో ప్రొటీన్ ఎక్కువగా, కార్బోహైడ్రేట్లు, షుగర్ తక్కువగా ఉండాలని కోరుకుంటున్నారు. ప్రజల్లో ఆరోగ్యంపై పెరిగిన శ్రద్ధను దృష్టిలో ఉంచుకుని, ఈ కొత్త అభిరుచులకు తగ్గట్టుగా తన మెనూలో హెల్దీ ఆప్షన్లను చేర్చేందుకు మెక్‌డొనాల్డ్స్ సిద్ధమవుతోంది. త్వరలోనే తక్కువ కార్బ్స్, ఎక్కువ ప్రొటీన్ ఉండే కొత్త ఐటమ్స్ అందుబాటులోకి రానున్నాయి.

International· 48m ago

AIని మనుషులే నియంత్రించాలి: జిన్‌పింగ్

చైనా అధ్యక్షుడు జీ జిన్‌పింగ్.. అమెరికా పర్యటనలో AIపై కీలక వ్యాఖ్యలు చేశారు. AIని మనుషులకు ఉపయోగపడేలా అభివృద్ధి చేయాలని అన్నారు. AIపై మనుషుల కంట్రోల్ తప్పనిసరిగా ఉండాలని అభిప్రాయపడ్డారు. అమెరికా, చైనా మధ్య AI విషయంలో పోటీ ఉండొచ్చనీ, కానీ అది గొడవలా మారకూడదని జిన్‌పింగ్ అన్నారు. ఆర్టిఫిషియల్ ఇంటెలిజెన్స్ అభివృద్ధిలో రెండు దేశాలూ బాధ్యతగా వ్యవహరించాలని సూచించారు.

International· 19h ago

గాజా యుద్ధంపై ‘NAZA’.. అసలేంటిది?

గాజాలో ఇజ్రాయెల్‌ సైన్యం AI సాయంతో టార్గెట్లను ఎంచుకుంటోందన్న విషయంపై ‘NAZA’ అనే డాక్యుమెంటరీ వచ్చింది. ఇజ్రాయెల్‌కు చెందిన యూవల్‌ అబ్రహామ్‌, రేచల్‌ సోర్‌ ఈ డాక్యుమెంటరీని రూపొందించారు. ఇందులో ఇజ్రాయెల్‌ సైన్యం, నిఘా విభాగంలో పనిచేసిన 24 మంది తమ అనుభవాలను పేర్లు చెప్పకుండా పంచుకున్నారు. వెనిస్‌ ఫిల్మ్‌ ఫెస్టివల్‌లో ఈ సినిమాకు స్పెషల్‌ జ్యూరీ అవార్డు వచ్చింది. సెప్టెంబర్‌ 28 నుంచి 56 దేశాల్లో రిలీజ్‌ కానుంది.

International· 20h ago

మక్కా, జెడ్డాలో ప్రమాద హెచ్చరికలు

సౌదీ అరేబియాలోని మక్కా, జెడ్డా సహా పలు ప్రాంతాల్లో 'నేషనల్ ఎర్లీ వార్నింగ్ ప్లాట్‌ఫామ్' ద్వారా ప్రమాద హెచ్చరికలు జారీ అయ్యాయి. ప్రజలు అప్రమత్తంగా ఉండాలని, అధికారుల భద్రతా సూచనలు పాటించాలని కోరారు. హౌతి దాడుల ముప్పు వల్లే ఈ ప్రకటనలు చేసినట్టు తెలుస్తోంది. కొద్దిసేపటి తర్వాత ప్రమాదం దాటిపోయిందని సివిల్ డిఫెన్స్ ప్రకటించింది. అయినప్పటికీ ప్రజలు అప్రమత్తంగా ఉండి, అత్యవసర సూచనలు పాటించాలని కోరింది.