రోబోటిక్ జాయింట్ రిప్లేస్మెంట్.. సామాన్యులకు అందుబాటులో!

By Jagadish· 1d ago

రంగారెడ్డి జిల్లా రాజేంద్రనగర్‌లో ఆధునిక వైద్య సేవలు ప్రారంభమయ్యాయి. ఫెర్నాండెజ్ హాస్పిటల్‌లో రోబోటిక్ జాయింట్ రిప్లేస్‌మెంట్, అడ్వాన్స్‌డ్ సర్జికల్ కేర్ సేవలను మంత్రి దుద్దిళ్ళ శ్రీధర్ బాబు ప్రారంభించారు. రాజేంద్రనగర్ ఎమ్మెల్యే ప్రకాష్ గౌడ్ కూడా హాజరయ్యారు. రోబోటిక్ టెక్నాలజీతో శస్త్రచికిత్సల్లో మరింత ఖచ్చితత్వం సాధిస్తారు. 3D సర్జికల్ ప్లానింగ్‌తో ఖర్చులు తగ్గుతాయని మంత్రి తెలిపారు. జర్మన్ టెక్నాలజీ ఆధారంగా ఈ సేవలు అందుబాటులోకి వచ్చాయి. ఆధునిక వైద్యం గ్రామీణులకూ అందాలని మంత్రి సూచించారు.

More in Politics

Politics· 3h ago

కడుపునొప్పితో దంపతుల మృతి.. కలకలం

పెద్దపల్లి జిల్లా రామగిరి మండలం సెంటినరీ కాలనీలో విషాదం చోటుచేసుకుంది. మధ్యప్రదేశ్‌కు చెందిన అజయ్‌ (28), అతడి భార్య దినేశ్వరి (25) గంటల వ్యవధిలో మృతి చెందారు. వకీల్‌పల్లిలో కూలీ పనులు చేసుకుంటున్న ఈ దంపతులు సోమవారం తీవ్రమైన కడుపునొప్పితో బాధపడ్డారు. ఆసుపత్రికి తరలిస్తుండగా మార్గమధ్యలో అజయ్‌ మృతి చెందగా, చికిత్స పొందుతూ దినేశ్వరి మృతి చెందారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.

Politics· 5h ago

బేగంపేటలో భారీ ట్రాఫిక్ జామ్

హైదరాబాద్‌ బేగంపేటలో భారీగా ట్రాఫిక్‌ జామ్‌ ఏర్పడింది. మూడు రోజుల సెలవుల తర్వాత ఉద్యోగులు ఒక్కసారిగా కార్యాలయాలకు బయలుదేరడంతో రోడ్లపై వాహనాల రద్దీ పెరిగింది. దీంతో బేగంపేట ప్రధాన రహదారిపై కిలోమీటర్ల మేర వాహనాలు నిలిచిపోయాయి. ట్రాఫిక్‌లో చిక్కుకున్న వాహనదారులు తీవ్ర ఇబ్బందులు పడుతున్నారు. దీంతో సమాచారం అందుకున్న ట్రాఫిక్‌ పోలీసులు సిబ్బందులు రంగంలోకి దిగి వాహనాలను క్లియర్ చేసేందుకు యత్నిస్తున్నారు.

Politics· 7h ago

పూజలు చేస్తూ పూజారి మృతి.. అసలేం జరిగింది?

నల్గొండ జిల్లా తిరుమలగిరిసాగర్‌ మండలం ఘోర ఘటన చోటుచేసుకుంది. తలపాలెంలో గణేశ్‌ మండపంలో పూజలు చేస్తూ పూజారి ఉప్పల దత్తు ప్రసాద్‌ మృతి చెందారు. పూజల విషయంలో గుండాల రవి, పున్నయ్యతో వివాదం జరిగిన అనంతరం దత్తు ప్రసాద్‌ వారి మండపానికి వెళ్లి పూజలు చేస్తుండగా స్పృహతప్పి పడిపోయారు. ఆస్పత్రికి తరలించగా అప్పటికే మృతి చెందినట్లు వైద్యులు తెలిపారు. కుమారుడి ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.

Politics· 8h ago

మధురవాడలో వివాహిత ఆత్మహత్య!

విశాఖ జిల్లా మధురవాడ ఆర్టీసీ కాలనీలో కోమలి (30) అనే వివాహిత సోమవారం తెల్లవారుజామున ఇంట్లో ఎవరులేని సమయంలో ఆత్మహత్యకు పాల్పడింది. కొంతకాలంగా వాంబే కాలనీలో ఉంటున్న ఆమె ఇటీవల ఆర్టీసీ కాలనీలో ఇల్లు అద్దెకు తీసుకుని ఒంటరిగా నివసిస్తోంది. గతంలో మున్నా అనే వ్యక్తిని వివాహం చేసుకుని, వ్యక్తిగత కారణాలతో విడిపోయినట్లు సమాచారం. ఘటనపై పీఎంపాలెం పోలీసులు కేసు నమోదు చేసి దర్యాప్తు చేస్తున్నారు. ఈ ఘటనపై పూర్తి సమాచారం తెలియల్సి ఉంది.