హైదరాబాద్‌లో భారీ వర్షాలు.. అలర్ట్!

By Krishna· 1h ago

TG: హైదరాబాద్‌లో భారీ వర్షాలు పడుతున్నాయి. ఇంచార్జి మంత్రి పొన్నం ప్రభాకర్.. GHMC, హైడ్రా, పోలీసు, రెవెన్యూ వంటి శాఖల అధికారులతో వీడియో కాన్ఫరెన్స్ నిర్వహించారు. “అలెర్ట్‌గా ఉందాం.. అలెర్ట్‌గా ఉంచుదాం” అనే టార్గెట్‌తో.. ప్రజలకు ఇబ్బందులు కలగకుండా ఆఫీసర్లు పనిచేయాలని ఆదేశించారు. రోడ్లపై ఉన్న పూడిక, డెబ్రిస్‌ను వెంటనే తొలగించి, ఎక్కడా నీరు నిలిచిపోకుండా చూడాలన్నారు. రిజర్వాయర్లు నిండితే మూసీ ప్రాంత ప్రజలను ముందుగా అలర్ట్ చెయ్యాలనీ, ఎమర్జెన్సీ టీమ్స్‌ని రెడీగా ఉంచాలని సూచించారు.

More in TG

TG· 4m ago

వైద్యం కోసం వస్తే అవస్థలే

TG: కడుపునొప్పికి వైద్యం కోసం హైదరాబాద్‌లోని ఉస్మానియా ఆస్పత్రికి వచ్చిన లక్ష్మయ్యకు నిరాశ ఎదురైంది. మధ్యాహ్నం 12:45 గంటలకు వచ్చినా రెండు గంటలపాటు ఎవరూ పట్టించుకోలేదని ఆయన ఆవేదన చెందారు. డబ్బులు ఇస్తే త్వరగా టెస్టులు చేస్తామని కొందరు సిబ్బంది అంటున్నారని చెప్పారు. చేవెళ్ల నుంచి మెరుగైన వైద్యం కోసం వచ్చామని, పైకి, కిందికి తిప్పుతున్నారని తెలిపారు. రోగులకు సకాలంలో వైద్యం అందేలా అధికారులు చర్యలు తీ సుకోవాలని కోరారు.

TG· 9m ago

సైబర్ మోసాల బాధితులకు భారీ రిలీఫ్!

ఈ ఏడాదిలో ఇప్పటివరకు తెలంగాణలో 24,189 మంది సైబర్ బాధితులకు 139 కోట్ల 68 లక్షల రూపాయల రీఫండ్ చేయించినట్లు సైబర్ సెక్యూరిటీ బ్యూరో(TGCSB) తెలిపింది. లోక్ అదాలత్, మనీ రీస్టోరేషన్ మాడ్యూల్(MRM) ద్వారా కోర్టు ఆర్డర్లతో సంబంధం లేకుండానే ఈ సొమ్ము రికవరీ చేశారు. ఇందులో సైబరాబాద్‌లోనే అత్యధికంగా 14 కోట్ల 19 లక్షల రూపాయలను బాధితులకు చేరాయి. సైబర్ మోసం జరిగిన వెంటనే గోల్డెన్ అవర్‌లో '1930'కు చేస్తే రికవరీ అవకాశాలు ఎక్కువగా ఉంటాయని పోలీసులు చెప్పారు.

▶

TG· 44m ago

ఖైరతాబాద్ వినాయకుడి తొలి హారతి (వీడియో)

వినాయక చవితి సందర్భంగా మంత్రి పొన్నం ప్రభాకర్, ఎమ్మెల్యే దానం నాగేందర్ ఖైరతాబాద్ మహా గణపతిని దర్శించి ప్రత్యేక పూజలు చేశారు. తొలి హారతి సమర్పించారు. వర్షాలు, పంటల సమృద్ధి, ప్రజల ఆరోగ్యం కోసం ప్రార్థించారు. ఉదయం నుంచి వేల సంఖ్యలో భక్తులు తరలివస్తున్నారు. బడా గణేశ్‌ని దర్శించుకుని, సెల్ఫీలు తీసుకుంటున్నారు. ఈ సంవత్సరం 69 అడుగుల ఎత్తున్న పంచముఖ సంకటహర మహాగణపతి రూపంలో స్వామి దర్శనమిస్తున్నారు.

▶

TG· 1h ago

'కాపాడాల్సిన MLA భూకబ్జా చేశాడు'

TG: ఆలేరు ఎమ్మెల్యే బీర్ల ఐలయ్యపై భూకబ్జా ఆరోపణలు వస్తున్నాయి. "పోలీసులను అడ్డం పెట్టుకొని.. తమ తాతగారి భూమిని ఎమ్మెల్యే.. బినామీ పేర్లతో ఆక్రమించుకుంటున్నారు" అని బాధితులు ఆరోపించారు. దాదాపు 35 ఏళ్ల కిందట రైల్వే ఉద్యోగి కొన్న భూమిని.. ఇప్పుడు డాక్యుమెంట్లు మార్చి, కబ్జా చెయ్యాలని చూస్తున్నారని బాధితులు చెబుతున్నారు. బినామీలు తమ భూమిలోకి ఎందుకు వచ్చారని నిలదీస్తున్నారు. పోలీసులు కేసు దర్యాప్తులో ఉందని చెబుతున్నారు.