APలో కొత్త పోలీస్ కమిషనరేట్లు

By Bala· 1d ago

AP: అమరావతిలో AP కేబినెట్ భేటీ ముగిసింది. 60కి పైగా అంశాలపై చర్చించిన మంత్రివర్గం కీలక డెసిషన్‌లు తీసుకుంది. రాజమహేంద్రవరం, గుంటూరు, తిరుపతి, కర్నూలు కేంద్రాలుగా నాలుగు కొత్త పోలీస్ కమిషనరేట్ల ఏర్పాటుకు గ్రీన్ సిగ్నల్ ఇచ్చింది. అమరావతి గ్రామాల్లో 1,548 కోట్ల పనులకు, ఇన్‌ఫ్రా కోసం అదనంగా 644 కోట్లకు ఓకే చెప్పింది. మరోవైపు ప్రభుత్వ ఆసుపత్రుల్లో పుట్టే బేబీస్ లకు 1,410 రూపాయాలు విలువైన 14 వస్తువులతో ‘NTR బేబీ కిట్’ అందించే పథకాన్ని తిరిగి తీసుకొచ్చింది.

More in AP

పేపర్ అడ్డుపెట్టి.. 60 గ్రాముల గోల్డ్ కొట్టేశాడు!

▶

AP· 2h ago

పేపర్ అడ్డుపెట్టి.. 60 గ్రాముల గోల్డ్ కొట్టేశాడు!

AP: తిరుపతి రూరల్ అవిలాల ఆంధ్ర గ్రామీణ బ్యాంకులో ఓ కస్టమర్ చేతివాటం ప్రదర్శించాడు. బ్యాంకు సిబ్బందికి కనిపించకుండా పేపర్ను అడ్డుగా పెట్టి, టేబుల్ పై ఉన్న 60 గ్రాముల బంగారాన్ని అపహరించాడు. సీసీటీవీ పుటేజీ ఆధారంగా గమనించిన సిబ్బంది పోలీసులకు ఫిర్యా దు చేశారు. ఘటనపై కేసు నమోదు చేసిన పోలీసులు దర్యాప్తు చేపట్టారు.

AP· 3h ago

వందేభారత్ ఎక్స్ప్రెస్‌కు అగ్నిప్రమాదం

AP: విజయవాడ రైల్వేస్టేషన్‌లో అగ్నిప్రమాదం చోటుచేసుకుంది. ఈ స్టేషన్‌కు వందేభారత్ రైలు రాగానే ఒక్కసారిగా మంటలు చెలరేగాయి. దీంతో భయాందోళనకు గురైన ప్రయాణికులు రైలు నుంచి బయటకు పరుగులు తీశారు. వెంటనే రంగంలోకి దిగిన రైల్వే సిబ్బంది మంటలను అదుపు చేశారు. దీంతో గంట సేపు రైలు స్టేషన్‌లోనే ఉండాల్సి వచ్చింది. మంటలు ఎలా అంటుకున్నాయనే దానిపై అధికారులు విచారణ చేపట్టారు.

▶

AP· 4h ago

విశాఖలో 99 పైసలకే భూములు ఇచ్చారు: జగన్

AP: కూటమి ప్రభుత్వ పాలనపై మాజీ సీఎం వైఎస్ జగన్ తీవ్ర విమర్శలు చేశారు. రూపాయికి చాక్లెట్ కూడా రాదు.. కానీ చంద్రబాబు కొంతమందికి 99 పైసలకే విలువైన భూములు ఇచ్చారని ఆరోపించారు. గంజాయి, మద్యం విషయంలోనూ ప్రభుత్వం తీరును ప్రశ్నించారు. గీతం యూనివర్సిటీ పేరుతో రూ.5 వేల కోట్ల భూములు కబ్జా చేస్తున్నారని కూడా ఆరోపించారు. ప్రభుత్వ వైఫల్యాలను ప్రజల్లోకి తీసుకెళ్లాలని పార్టీ శ్రేణులకు సూచించారు.

AP· 7h ago

కొండపైకి పరిగెత్తిన జనాలు.. ఎందుకంటే ?

AP: కర్నూలు జిల్లా గోరుకల్లు గ్రామంలో గుర్తుతెలియని వ్యక్తి తెల్లవారుజామున రిజర్వాయర్‌లో గేటు ఎత్తాడు. దీంతో 3 వేల క్యూసెక్కులకు పైగా నీరు బయటకు వచ్చి ఎస్సార్బీసీ కాలువలోకి చేరింది. కాలువ కట్ట దెబ్బతినడంతో సమీప రోడ్లు, పొలాల్లోకి నీరు, బండరాళ్లు వచ్చాయి. ప్రమాదం భయంతో సుమారు వెయ్యి మంది గ్రామస్థులు కొండపైకి పరుగులు తీశారు. అధికారులు సూచించడంతో ఎలక్ట్రిషియన్ కోటయ్య గేటును మాన్యువల్‌గా క్లోస్ చేయడంతో ముప్పు తప్పింది. ఘటనపై పోలీసులు కేసు నమోదు చేసి దర్యాప్తు చేస్తున్నారు.