అషురెడ్డి సెటిల్‌మెంట్ ఆడియో లీక్!

By sahani· 28 Apr 2026· Andhrajyothy· hyderabad

బిగ్ బాస్ ఫేమ్ అషురెడ్డి చుట్టూ వివాదం ముదురుతోంది. ఒక NRI ని పెళ్లి పేరుతో రూ. 9.83 కోట్లు మోసం చేసిందనే ఆరోపణల మధ్య ఆమె పంపిన Voice Record బయటపడింది. అందులో ప్రస్తుతానికి ఒక కోటిన్నర ఇస్తా. సెటిల్ చేసుకుందాం అని, లేదంటే రివర్స్ కేసు పెడతా అని బెదిరించినట్లు తెలుస్తోంది. ఈ Audio ఇప్పుడు సోషల్ మీడియాలో తెగ వైరల్ అవుతోంది. పోలీసులు దీన్ని సీరియస్‌గా తీసుకుని ఇన్వెస్టిగేషన్ చేస్తున్నారు.

More in Local

Local· just now

దుర్గమ్మ ఆలయ ట్రస్ట్ బోర్డులో చిరంజీవి కుమార్తె సుస్మిత

AP: ఎన్టీఆర్ జిల్లా విజయవాడలో ఇంద్రకీలాద్రిపై శ్రీ కనకదుర్గమ్మ దేవస్థానం ట్రస్ట్ బోర్డుకు ప్రత్యేక ఆహ్వానితురాలిగా సినీ నటుడు చిరంజీవి కుమార్తె సుస్మిత కొణిదెల నియమితులయ్యారు. ఆమెను ప్రత్యేక ఆహ్వానితురాలిగా నియమిస్తూ దేవాదాయ శాఖ కార్యదర్శి కన్నబాబు ఉత్తర్వులు జారీ చేశారు. ఆలయ అభివృద్ధి, భక్తులకు మెరుగైన సౌకర్యాల కల్పన, ప్రత్యేక ఉత్సవాల నిర్వహణకు సంబంధించి సుస్మిత ట్రస్ట్ బోర్డుకు సూచనలు, సలహాలు అందించనున్నారు.

Local· 4m ago

గణేష్ మండపాలకు అనుమతులు తప్పనిసరి

TG: హనుమకొండ జిల్లా భీమదేవరపల్లి మండలం ముల్కనూర్‌లో వినాయక చవితి సందర్భంగా గణేష్ మండపాలు ఏర్పాటు చేసే నిర్వాహకులు తప్పనిసరిగా అనుమతులు తీసుకోవాలని ఎస్సై రాజు సూచించారు. మండపాల ఏర్పాటులో విద్యుత్ అధికారుల సూచనలు పాటించాలని, మండపం ఆవరణలో భద్రతా కెమెరాలు ఏర్పాటు చేయాలని తెలిపారు. పర్యావరణానికి హాని కలగకుండా, మద్యపాన రహితంగా వేడుకలు నిర్వహించాలని సూచించారు. మండపాల ఏర్పాటుకు సంబంధించిన వివరాలను ఆన్లైన్ ద్వారా నమోదు చేసుకోవాలని ఎస్సై రాజు తెలిపారు.

Local· 8m ago

అసెంబ్లీ ముట్టడికి యత్నం.. పలువురు జనసేన నేతల అరెస్ట్

TG: ప్రజా సమస్యల పరిష్కారం కోరుతూ హైదరాబాద్‌లో అసెంబ్లీ ముట్టడికి యత్నించిన జనసేన తెలంగాణ రాష్ట్ర ఇంచార్జ్ నేమూరి శంకర్ గౌడ్‌తో పాటు పలువురు జనసేన నాయకులను పోలీసులు అదుపులోకి తీసుకున్నారు. అసెంబ్లీ పరిసరాల్లో ఉద్రిక్త పరిస్థితులు తలెత్తకుండా ముందస్తు చర్యల్లో భాగంగా వారిని అదుపులోకి తీసుకున్నట్లు పోలీసులు తెలిపారు. అనంతరం నేమూరి శంకర్ గౌడ్‌తో పాటు నాయకులను సమీప పోలీస్ స్టేషన్‌కు తరలించారు. ప్రజా సమస్యలను ప్రభుత్వం పరిష్కరించాలని జనసేన నాయకులు డిమాండ్ చేశారు.

Local· 42m ago

సిద్దిపేట వద్ద కొప్పుల ఈశ్వర్‌ను అడ్డుకున్న పోలీసులు

TG: కరీంనగర్‌లోని తన నివాసం నుంచి ఎర్రవెల్లిలో మాజీ ముఖ్యమంత్రి కేసీఆర్‌ను కలిసేందుకు బయల్దేరిన మాజీ మంత్రి కొప్పుల ఈశ్వర్‌ను సిద్దిపేట వద్ద పోలీసులు అదుపులోకి తీసుకున్నారు. అనంతరం ఆయనను మార్కుక్ పోలీస్ స్టేషన్‌కు తరలించారు. కొప్పుల ఈశ్వర్‌ను పోలీసులు అదుపులోకి తీసుకోవడంతో BRS శ్రేణుల్లో ఆగ్రహం వ్యక్తం చేశారు. కాంగ్రెస్ ప్రభుత్వం ఇచ్చిన ఆరు గ్యారంటీలను అమలు చేయాలని డిమాండ్ చేశారు.