నా హక్కులు కాలరాస్తే తిరగబడతా

By DK· 12 Jul 2026

TG: తుంగతుర్తి కాంగ్రెస్‌లో గ్రూప్‌వార్ నడుస్తోంది. తుంగతుర్తి MLA మందుల సామేల్, భువనగిరి MP చామల కిరణ్ కుమార్ రెడ్డిపై సంచలన వ్యాఖ్యలు చేశారు. MLAగా తన హక్కులు కాలరాస్తే తిరగబడతానని హెచ్చరించారు. BRS నుంచి వచ్చిన వాళ్లకు పదవులు ఇవ్వలేదని అన్నారు. కాంగ్రెస్‌లో ఉన్నవాళ్లకు, ఎమ్మెల్యే ఎన్నికల్లో, ఎంపీ ఎన్నికల్లో కష్టపడ్డవాళ్లకే టికెట్లు ఇచ్చామని చెప్పారు. తుంగతుర్తి గ్రూప్‌వార్ సమస్యను పరిష్కరించాలని కాంగ్రెస్ పార్టీ TPCC వర్కింగ్ ప్రెసిడెంట్ జగ్గారెడ్డికి సూచించింది. ఈ నేపథ్యంలో నేడు గాంధీభవన్‌లో సామేల్ జగ్గారెడ్డితో భేటీ కానున్నారు.

More in Politics

Politics· 44m ago

జంతర్ మంతర్ 2.0: CJP

చీఫ్ ఎలక్షన్ కమిషనర్ జ్ఞానేష్ కుమార్ 48 గంటల్లో రిజైన్ చెయ్యాలని కోరిన కాక్రోచ్ జనతా పార్టీ సంచలన నిర్ణయం తీసుకుంది. రాజీనామా చెయ్యకపోతే దేశవ్యాప్తంగా ఆందోళనలు చెయ్యడమే కాదు.. ఢిల్లీలో ‘జంతర్ మంతర్ 2.0’ ప్రొటెస్ట్ చేస్తామని హెచ్చరించింది. 'SIR' పేరుతో రాష్ట్రాల్లో లక్షల ఓట్లను అన్యాయంగా తీసేస్తున్నారన్న CJP.. జ్ఞానేష్ కుమార్‌పై కేసులు నమోదు చేయాలనీ, రాబోయే ఎన్నికలను తాత్కాలికంగా ఆపి.. 2025 జనవరి నాటి ఓటర్ల జాబితాను మళ్లీ అమల్లోకి తేవాలని డిమాండ్ చేసింది.

Politics· 1h ago

CEC ‘అప్రూవర్‌’గా మారాలి: రాహుల్ గాంధీ

కేంద్ర ప్రధాన ఎన్నికల కమిషనర్ (CEC) జ్ఞానేష్ కుమార్ వెంటనే తన పదవికి రాజీనామా చేయాలని కాంగ్రెస్ అగ్రనేత రాహుల్ గాంధీ డిమాండ్ చేశారు. రాజీనామా మాత్రమే కాకుండా, ఎలక్షన్ కమిషన్ డెసిషన్స్ వెనుక అసలు నిజాలను బయటపెట్టే ‘అప్రూవర్’గా మారాలని అన్నారు. దేశంలో సామాన్యుల ఓటు హక్కును కాలరాసే కుట్రలు జరుగుతున్నాయని ఆరోపించారు. ఎన్నికల్లో జరుగుతున్న ‘ఓట్ చోరీ’పై భవిష్యత్తులో తప్పకుండా పూర్తిస్థాయి విచారణ జరుగుతుందని అన్నారు.

Politics· 3h ago

జ్ఞానేష్ కుమార్‌ని బర్తరఫ్ చేయండి: అభిజీత్ దీప్కే

చీఫ్ ఎలక్షన్ కమిషనర్ జ్ఞానేష్ కుమార్‌ను వెంటనే పదవి నుంచి తొలగించి, క్రిమినల్ కేసు పెట్టి విచారణ జరపాలని అభిజీత్ దీప్కే డిమాండ్ చేశారు. ప్రస్తుతం జరుగుతున్న ఓటర్ల జాబితా ప్రత్యేక సవరణ (SIR)ను ఆపేసి, జనవరి 2025 ఓటర్ల జాబితాను మళ్లీ తీసుకురావాలని కోరారు. ఈ రికార్డులు సుప్రీంకోర్టు ఆధీనంలో ఉండాలన్నారు. ఎన్నికల కమిషనర్ల ఎంపిక కోసం కేంద్రం 2023లో తీసుకొచ్చిన చట్టాన్ని రద్దు చేసి, కొత్త రూల్స్ అమలు చేయాలని తెలిపారు.

Politics· 10h ago

ఇలాంటి జడ్డీల వల్ల లాభమేంటి?: సౌరవ్ దాస్

ఎన్నికల కమిషనర్ల నియామక చట్టాన్ని సవాలు చేస్తూ వేసిన పిటిషన్లను విస్తృత ధర్మాసనానికి పంపాలా, వద్దా అనే అంశంపై జస్టిస్ దీపాంకర్ దత్తా, జస్టిస్ సతీష్ చంద్రశర్మల బెంచ్ వేరేవేరే అభిప్రాయాలు వ్యక్తం చేసింది. ఫైనల్ డెసిషన్ కోసం దీన్ని CJI సమక్షంలో ఉంచాలని న్యాయమూర్తులు ఆర్డర్స్ జారీ చేశారు. దీనిపై CJP స్పోక్స్ పర్సన్ సౌరవ్ దాస్ ఎక్స్ అకౌంట్‌లో పోస్ట్ పెట్టారు. జడ్జీలకు ధైర్యం ఉందో లేదో కూడా తెలియడం లేదని అన్నారు. ఇలాంటి కీలకమైన పిటిషన్లను లేట్ చేసే జడ్జీలు ఉండటం వల్ల ఎలాంటి ఉపయోగం లేదని అన్నారు.