విద్యార్థినుల ఆరోగ్యంపై హెచ్‌ఎం ప్రత్యేక శ్రద్ధ

By A VIJAY KUMAR· 2h ago· Narsampet (Ct), Narsampet, Warangal

TG: విద్యార్థినుల ఆరోగ్యం, పరిశుభ్రతకు ప్రాధాన్యమిస్తూ నర్సంపేట ప్రభుత్వ ఉన్నత పాఠశాల హెడ్‌మాస్టర్ రామకృష్ణ సొంతఖర్చుతో సానిటరీ ఇన్సినరేటర్ ఏర్పాటు చేశారు. వరంగల్ జిల్లా నర్సంపేటలోని ప్రభుత్వ ఉన్నత పాఠశాలలో వినియోగించిన సానిటరీ ప్యాడ్లను పారవేయడంలో విద్యార్థినులు ఎదుర్కొంటున్న ఇబ్బందులను గుర్తించి ఈ సదుపాయం కల్పించారు. సాధారణ ఎలక్ట్రికల్ ఇన్సినరేటర్‌కు సుమారు రూ.18 వేలు ఖర్చవుతుండగా, విద్యార్థినుల అవసరాలకు అనుగుణంగా కేవలం రూ.3 వేలతో స్వయంగా రూపొందించారు.

More in Local

Local· 4m ago

విద్యార్థులను కలవని VC.. SFI ఆగ్రహం

AP: విజయవాడలోని ఎన్టీఆర్ హెల్త్ యూనివర్సిటీలో పారామెడికల్, అలైడ్ హెల్త్ సైన్సెస్ విద్యార్థుల సమస్యలపై SFI రాష్ట్ర కమిటీ ఆందోళన వ్యక్తం చేసింది. విద్యార్థుల సమస్యలపై వైస్‌ ఛాన్సలర్‌ చంద్రశేఖర్‌ను కలిసేందుకు వెళ్లిన SFI నాయకులను ఆయన కలవకుండా మరో సమావేశానికి వెళ్లడాన్ని నాయకులు ఖండించారు. నాలుగేళ్ల కోర్సులు జాప్యంతో ఆరేళ్లకు చేరుతున్నాయని, ఇంటర్న్‌షిప్‌కు స్టైపెండ్‌ చెల్లించడం లేదన్నారు. ప్రతి విద్యార్థికి నెలకు ₹15,000 స్టైపెండ్‌, సకాలంలో పరీక్షలు, ఫలితాలు, అకడమిక్‌ క్యాలెండర్‌ ప్రకటించాలన్నారు.

Local· 11m ago

గణేష్ నిమజ్జనం ప్రశాంతంగా నిర్వహించాలి

TG: జగిత్యాల జిల్లాలో గణేష్ నవరాత్రి ఉత్సవాలు, నిమజ్జనాన్ని ప్రశాంతంగా నిర్వహించేందుకు పకడ్బందీ ఏర్పాట్లు చేయాలని జిల్లా కలెక్టర్ బి. సత్యప్రసాద్ అధికారులను ఆదేశించారు. జగిత్యాల, కోరుట్ల, మెట్‌పల్లి, ధర్మపురి, రాయికల్ ఐదు మున్సిపాలిటీల్లో చేపడుతున్న ఏర్పాట్లపై మున్సిపల్ కమిషనర్లను, గ్రామీణ ప్రాంతాల ఏర్పాట్లపై జిల్లా పంచాయతీ అధికారిని ప్లాన్ ఆఫ్ యాక్షన్ అడిగి తెలుసుకున్నారు. గణేష్ ఉత్సవాలను ఎలాంటి ఇబ్బందులు లేకుండా వైభవంగా నిర్వహించాలని కలెక్టర్ సూచించారు.

Local· 22m ago

డ్రిప్ సేద్యంపై క్షేత్రస్థాయి పరిశీలన

TG: నిర్మల్ జిల్లా కడెం మండలం బెల్లాల్ గ్రామంలో బిందు సేద్యపు (డ్రిప్) ఏర్పాట్లను ఉద్యానవన శాఖ అధికారులు మంగళవారం క్షేత్రస్థాయిలో పరిశీలించారు. నిర్మల్ డివిజన్ ఉద్యానవన అధికారి మౌనిక, జైన్ సంస్థ ప్రతినిధులు, DCO నాగరాజు తదితరులు రైతు తిరుపతిరెడ్డి పొలంలో ఏర్పాటు చేసిన డ్రిప్ పరికరాలు, వాటి నిర్వహణ తీరును పరిశీలించారు. క్షేత్రస్థాయిలో అందుతున్న సేవలపై రైతులను అడిగి తెలుసుకున్నారు. నాణ్యమైన పరికరాల వినియోగంతో తక్కువ నీటితో మెరుగైన సాగు సాధ్యమని, డ్రిప్ నిర్వహణపై రైతులకు పలు సూచనలు చేశారు.

Local· 23m ago

గణేష్‌గడ్డలో బ్రహ్మోత్సవ సందడి.. పత్రిక ఆవిష్కరణ

TG: సంగారెడ్డి జిల్లా పటాన్‌చెరు పరిధిలోని రుద్రారం గణేష్‌గడ్డ శ్రీ వినాయకస్వామి దేవాలయం వార్షిక బ్రహ్మోత్సవాలకు ముస్తాబైంది. ఈ సందర్భంగా బ్రహ్మోత్సవాల పత్రికను పటాన్‌చెరు ఎమ్మెల్యే గూడెం మహిపాల్‌రెడ్డి (జీఎంఆర్‌) ఆవిష్కరించారు. బ్రహ్మోత్సవాలకు భారీగా భక్తులు తరలివచ్చే అవకాశం ఉన్నందున ఎలాంటి అసౌకర్యం కలగకుండా ఏర్పాట్లు పకడ్బందీగా చేయాలని ఆలయ ఈవో లావణ్యను ఎమ్మెల్యే ఆదేశించారు. తాగునీరు, పారిశుద్ధ్యం, భద్రతకు ప్రత్యేక ప్రాధాన్యం ఇవ్వాలని సూచించారు.