CJPకి షాక్.. రోడ్ బ్లాక్!

By Krishna· 22h ago· X

ఢిల్లీ పోలీసులు.. కన్నాట్ ప్లేస్‌ లోని సెంట్రల్ పార్కుకు వెళ్లే రోడ్డును పూర్తిగా బ్లాక్ చేశారు. అక్కడ ఎటు చూసినా పోలీస్ వాహనాలే ఉన్నాయి. ఇవాళ సాయంత్రం 5 గంటలకు సెంట్రల్ పార్కులో జెండా ఎగరేస్తానని CJP ఫౌండర్ అభిజీత్ దీప్కే పిలుపు ఇచ్చారు. అందుకు అనుమతి ఇవ్వని పోలీసులు.. అసలు సెంట్రల్ పార్కుకి వచ్చే ఛాన్సే లేకుండా చేశారు. అందువల్ల CJP "తిరంగా మార్చ్" జరుగుతుందా? అనే సందేహం ఉంది. ఒకవేళ అభిజీత్ దీప్కే అటుగా వస్తే, ముందుగానే డిటైన్ చేసే ఛాన్స్ కనిపిస్తోంది.

More in National

National· 13m ago

SIRపై తమిళనాడు M.K..స్టాలిన్ స్టాండ్

తమిళనాడు M.K..స్టాలిన్ నేతృత్వంలో జరిగిన DMK MPల మీటింగ్‌లో కీలక తీర్మానాలు చేశారు. ప్రజల ఓటు హక్కును హరించే S.I.R విధానాన్ని పూర్తిగా రద్దు చేయాలని, EVMలకు బదులుగా మళ్లీ పాత బ్యాలెట్ పేపర్ పద్ధతినే తీసుకురావాలని డిమాండ్ చేశారు. అలాగే CEC జ్ఞానేష్ కుమార్‌ను వెంటనే పదవి నుండి తొలగించి విచారణ జరపాలని, ప్రజాస్వామ్యం కోసం పోరాడుతున్న స్టూడెంట్స్ యూనియన్లకు DMK ఫుల్ సపోర్ట్ ఇస్తుందని స్టాలిన్ 'X' వేదికగా స్పష్టం చేశారు.

National· 27m ago

నలుగురు స్టూడెంట్స్‌పై టీచర్ లైంగిక వేధింపులు

స్టూడెంట్స్‌కు రక్షణగా నిలవాల్సిన టీచరే వాళ్ల మీద దారుణానికి పాల్పడ్డాడు. గుజరాత్‌ రాష్ట్రం అమ్రేలి జిల్లాలో ప్రభుత్వ పాఠశాలలో పనిచేస్తున్న టీచర్ 8వ తరగతి చదువుతున్న నలుగురు బాలికలపై లైంగిక వేధింపులకు పాల్పడ్డాడు. అందులో ఒక బాలికపై అత్యాచారానికి ఒడిగట్టినట్లు ఆరోపణలు వచ్చాయి. దీంతో పోలీసులు అతణ్ని అరెస్ట్ చేశారు. నిందితుడిపై పోక్సో చట్టంతోపాటు BNSలోని వివిధ సెక్షన్ల కింద కేసు నమోదు చేశారు.

National· 35m ago

తిరంగాతో గాంధీ మునిమనవడి పాదయాత్ర

మహాత్మా గాంధీ ముని మనవడు తుషార్ గాంధీ ముంబైలో వ్యక్తిగత సత్యాగ్రహానికి సిద్ధమయ్యారు. నవంబర్ 1న సాయంత్రం 4 గంటలకు తిరంగా, రాజ్యాంగంతో పాదయాత్ర చేపట్టనున్నారు. మున్సిపల్ కార్యాలయం ఎదుట ఫిరోజ్‌షా మెహతా విగ్రహం నుంచి ప్రారంభమయ్యే ఈ యాత్ర.. హుతాత్మా చౌక్, అంబేద్కర్, నెహ్రూ విగ్రహాల నుండి మంత్రాలయం పక్కన ఉన్న బాపు విగ్రహం వరకు సాగనుంది. ప్రజాస్వామ్య పరిరక్షణ, ఎన్నికల కమిషనర్‌పై నిరసనల ఉండటంతో ఈ కార్యక్రమానికి ప్రాధాన్యం సంతరించుకుంది.

▶

National· 38m ago

ప్రాణం తీసిన.. మైనర్ డ్రైవింగ్‌

క్రికెట్ ఆడేందుకు వెళ్తున్నానని తల్లికి చెప్పి ఇంటి నుంచి వెళ్లిన 15 ఏళ్ల సుజన్ రోడ్డు ప్రమాదంలో ప్రాణాలు కోల్పోయాడు. కర్ణాటకలోని దావణగెరె సమీపంలో నేషనల్ హైవే 48పై ఈ ప్రమాదం జరిగింది. స్నేహితులతో కలిసి హ్యుందాయ్ క్రెటా కారులో వెళ్తుండగా, అది CNG గ్యాస్‌ తరలిస్తున్న లారీ వెనుక భాగాన్ని ఢీకొట్టింది. సుజన్ అక్కడికక్కడే మృతి చెందగా, మరో బాలుడు తీవ్రంగా గాయపడ్డాడు. మూడో బాలుడికి స్వల్ప గాయాలయ్యాయి.