గుత్తి మున్సిపల్ చైర్మన్ పీఠం TDP కైవసం

By Bala· 2h ago

అనంతపురం జిల్లా గుత్తి మున్సిపల్ ఛైర్మన్ గోవిందరాజుల తమిళ్ సెల్వి ఏకగ్రీవంగా ఎన్నికయ్యారు. ఛైర్మన్ పదవికి దాఖలైన 8 నామినేషన్లలో వైసీపీ, బీఎస్పీ అభ్యర్థులవి సహా 6 నామినేషన్లను అధికారులు తిరస్కరించారు. 32 వార్డులకు 73 నామినేషన్లు దాఖలు కాగా 71 ఆమోదం పొందాయి. యువనేత ఈశ్వర్ వ్యూహాలతో ఈ విజయం సాధించినట్లు టీడీపీ శ్రేణులు తెలిపారు.

More in Local

Local· 3m ago

మినీ ట్యాంక్‌బండ్‌లో బోటింగ్ ప్రారంభం

నాగర్‌కర్నూల్ జిల్లా కేంద్రంలోని మినీ ట్యాంక్‌బండ్‌లో బోటింగ్ సౌకర్యాన్ని స్థానిక ఎమ్మెల్యే డాక్టర్ కూచుకుల్ల రాజేష్ రెడ్డి ప్రారంభించారు. కుటుంబ సభ్యులు, చిన్నారులతో కలిసి ఆహ్లాదకరంగా గడిపేందుకు ఈ సౌకర్యం ఉపయోగపడుతుందని ఆయన అన్నారు. ఈరోజు నుంచి ప్రతి శనివారం ప్రజలు బోటింగ్ సౌకర్యాన్ని ఉపయోగించుకోవచ్చు. ఈ కార్యక్రమంలో మున్సిపల్ చైర్మన్ తీగల సురేంద్ర, తిరుమల యాదవ్, గోవింద శేఖర్ తదితరులు పాల్గొన్నారు.

Local· 6m ago

ఎన్నికల వేళ పోలీసుల కార్డన్ సెర్చ్

అల్లూరి సీతారామరాజు జిల్లా సీలేరు పోలీసుల ఆధ్వర్యంలో ఇవాళ ఉదయం కన్నాబాయి క్యాంపు, పోలింగ్ కేంద్ర పరిసరాల్లో కార్డన్ అండ్ సెర్చ్ నిర్వహించారు. ఎస్సై ఎండీ యాసిన్ నేతృత్వంలో చేపట్టిన తనిఖీల్లో అనుమానాస్పద వస్తువులు, నగదు లభించలేదు. ఎన్నికల నేపథ్యంలో ప్రజలు ఎలాంటి భయాందోళనలకు గురికాకుండా స్వేచ్ఛగా, ప్రశాంతంగా ఓటు హక్కును వినియోగించుకోవాలని ఎస్సై సూచించారు.

Local· 13m ago

గుర్తుతెలియని వ్యక్తి మృతి

ప్రకాశం జిల్లా ఒంగోలు మండలం కమ్మ పాలెం దసరాజు పల్లి గ్రామాల మధ్య గుర్తు తెలియని వ్యక్తి మృతి చెందిన సంఘటన సోమవారం రాత్రి జరిగింది. మృతుడి జోబులో హతియా టు బెంగళూరు మధ్య రైలులో ప్రయాణించేందుకు టిక్కెట్టు ఉన్నట్లుగా పోలీసులు గుర్తించారు. శరీరంపై అక్కడక్కడ గాయాలు ఉన్నట్లుగా పోలీసులు గుర్తించారు. ఘటనపై అధికారులు దర్యాప్తు చేస్తున్నారు.

Local· 36m ago

కొండారెడ్డిపల్లికి సీఎం రాక.. దసరా పూజలు

నాగర్‌కర్నూల్ జిల్లా వంగూరు మండలం కొండారెడ్డిపల్లి గ్రామానికి ముఖ్యమంత్రి దసరా పండుగ సందర్భంగా రానున్నారు. మధ్యాహ్నం 12 గంటలకు హెలికాప్టర్‌లో చేరుకుంటారు. గ్రామంలోని ఆంజనేయ స్వామి దేవాలయంలో దర్శించుకుంటారు. అనంతరం స్వగృహంలో భోజనం, విరామం తీసుకుంటారు. తర్వాత అధికారులు, గ్రామ ప్రజలతో సమావేశమవుతారు. సాయంత్రం మైసమ్మ గుడి దగ్గర జమ్మి చెట్టుకు ప్రత్యేక పూజలు చేస్తారు.