శభాష్ గాయత్రి.. ముఖ్యమంత్రి చంద్రబాబు ప్రశంస

By Vishi· 2h ago· X

AP: ఏలూరు జిల్లా ద్వారకా తిరుమల వెంకటేశ్వరస్వామి దేవస్థానంలోని నిత్యాన్నదాన కేంద్రంలో చేతులు లేని దివ్యాంగ భక్తుడికి అన్నప్రసాదం తినిపించి ఆకలి తీర్చారు మహిళా సిబ్బంది గాయత్రి. ఆమె సేవను సీఎం చంద్రబాబు ప్రశంసించారు. “శభాష్ గాయత్రీ! ద్వారకా తిరుమల నిత్యాన్నదాన కేంద్రంలో చేతులు లేని దివ్యాంగ భక్తుడికి అన్నం తినిపించి ఆకలి తీర్చిన మీ సహృదయానికి వందనాలు. ‘మానవ సేవే మాధవ సేవ’ అని చాటి చెప్పిన మీ స్ఫూర్తి అభినందనీయం” అని ఎక్స్ అకౌంట్‌లో పోస్ట్ చేశారు.

More in AP

AP· 34m ago

BCలకు 34% రిజర్వేషన్లపై కేంద్రమంత్రి క్లారిటీ!

AP: స్థానిక సంస్థల ఎన్నికల్లో BCలకు 34 శాతం రిజర్వేషన్లు కల్పించే అంశంపై కేంద్ర మంత్రి రామ్మోహన్ నాయుడు కీలక కామెంట్స్ చేశారు. రిజర్వేషన్లకు సుప్రీంకోర్టులో అవకాశం ఉందనే ఉద్దేశంతోనే కోర్టుకు వచ్చామని తెలిపారు. BC రిజర్వేషన్లను షెడ్యూల్ 9లో చేర్చే అంశంపై లీగల్ ఎక్స్‌పర్ట్స్‌తో డిస్కస్ చేసినట్లు చెప్పారు. రిజర్వేషన్లు అమలైతే BCలకు 16,800 పోస్టులు దక్కుతాయని తెలిపారు. ఇది రాజకీయ అంశం కాదని, సోషల్ జస్టిస్‌కు సంబంధించినదని క్లారిటీ ఇచ్చారు.

AP· 1h ago

అనుమానంతో భార్యను హతమార్చిన భర్త

నెల్లూరు జిల్లా కావలి రూరల్ మండలం రుద్రకోట గిరిజన కాలనీలో విషాద ఘటన చోటుచేసుకుంది. భార్యపై అనుమానంతో కొండలరావు ఆమెను కత్తితో గొంతు కోసి హత్య చేసినట్లు సమాచారం. మృతురాలిని సుబ్బమ్మ అలియాస్ చిట్టమ్మగా గుర్తించారు. ఇటుక బట్టీల వద్ద పరిచయమైన వీరిద్దరూ ఏడాది క్రితం వివాహం చేసుకున్నారు. ఘటనపై పోలీసులు కేసు నమోదు చేసి ఏక్వైరీ చేస్తున్నారు.

AP· 3h ago

APలో 4 కొత్త పోలీస్ కమిషనరేట్లు.. ఇవే ఆ నగరాలు

AP: రాష్ట్రంలో పోలీస్ సిస్టమ్‌ను మరింత స్ట్రాంగ్ చేసేందుకు ప్రభుత్వం కీలక నిర్ణయం తీసుకుంది. గుంటూరు, రాజమహేంద్రవరం, కర్నూలు, తిరుపతి కేంద్రాలుగా నాలుగు కొత్త పోలీస్ కమిషనరేట్ల ఏర్పాటుకు ఆదేశాలు జారీ చేసింది. వీటికి IG లేదా DIG స్థాయి అధికారులు కమిషనర్లుగా ఉంటారు. కొత్త కమిషనరేట్ల పరిధిలోకి వచ్చే పోలీస్ స్టేషన్లు, ప్రాంతాలను ప్రభుత్వం ఫైనల్ చేసింది. దీంతో లా అండ్ ఆర్డర్, క్రైమ్ కంట్రోల్, ట్రాఫిక్ మేనేజ్‌మెంట్ మరింత వేగంగా జరిగే అవకాశం ఉంది.

AP· 10h ago

"విరూపాక్షిని రిలీజ్ చెయ్యాలి"

AP: ఆలూరు YCP MLA విరూపాక్షిపై ఉన్న కేసుల్ని ఎత్తివేసి, వెంటనే రిలీజ్ చెయ్యాలని డిమాండ్ చేశారు CPI నేషనల్ సెక్రెటరీ రామకృష్ణ. దీనిపై CM చంద్రబాబుకి ఆయన లేఖ రాశారు. విరూపాక్షితోపాటూ మరో 44 మందిని 65 రోజులపాటు జైల్లో ఉంచడం తగదన్న ఆయన.. "స్థానిక సమస్యలపై ప్రెస్‌మీట్ పెట్టిన విరూపాక్షిని DSP బెదిరించటం దుర్మార్గం" అన్నారు. కర్నూలు జిల్లా.. చిప్పగిరి మండలం.. నెమకల్లు గ్రామంలో జరిగిన ఘర్షణలపై ఆగస్ట్ 2న విరూపాక్షి, ఆయన కొడుకు చంద్రశేఖర్‌ని పోలీసులు అరెస్ట్ చేశారు.