PM సూర్య ఘర్ పథకంపై అవగాహన

By GOLLAPALLI SUDHAKAR RAO· 1h ago· Narrawada, Duttalur, Sri Potti Sriramulu Nellore

నెల్లూరు జిల్లా రాపూరు విద్యుత్ శాఖ కార్యాలయంలో PM సూర్య ఘర్ సోలార్ పథకంపై విద్యుత్ వినియోగదారులకు అవగాహన కల్పించేందుకు సేవా సేతు అభియాన్ నిర్వహించారు. గూడూరు ఎగ్జిక్యూటివ్ ఇంజినీర్ నరేందర్ రెడ్డి ఆధ్వర్యంలో జరిగిన ఈ కార్యక్రమంలో సోలార్ ప్యానెళ్ల ఏర్పాటు, ప్రభుత్వ సబ్సిడీలు, నెట్ మీటరింగ్, విద్యుత్ ఆదాపై వివరించారు. అర్హులైన లబ్ధిదారులు ₹.78 వేల వరకు సబ్సిడీ పొందవచ్చని తెలిపారు. ప్రత్యేక స్టాల్ ఏర్పాటు చేసి సోలార్ ప్యానెళ్ల నమూనాలను ప్రదర్శించడంతో పాటు అక్కడికక్కడే రిజిస్ట్రేషన్లు నిర్వహించారు.

More in Local

Local· 3m ago

సబ్ కలెక్టర్ కు ఆదివాసీ ప్రెస్ క్లబ్ శుభాకాంక్షలు!

పోలవరం జిల్లా చింతూరు నూతన సబ్ కలెక్టర్, ఐటీడీఏ ప్రాజెక్టు అధికారిగా బాధ్యతలు స్వీకరించిన చిట్టిపులి నరేంద్ర పడాల్ (IAS)కు ఆదివాసి ప్రెస్ క్లబ్ బృందం శుభాకాంక్షలు తెలిపింది. ఏజెన్సీ ప్రాంత ఆదివాసీల సంక్షేమం, విద్య, వైద్యం, గిరిజన హక్కుల పరిరక్షణపై ప్రత్యేక దృష్టి సారించాలని కోరారు. కార్యక్రమంలో ప్రెస్ క్లబ్ అధ్యక్షులు కె.సీతరామయ్య, కార్యదర్శి ఎం. రమణమ్మ, సభ్యులు జల్లి నరేష్, ముచ్చిక నాగార్జున, తుర్రం చంటి, సోడి ప్రసాద్ తదితరులు పాల్గొన్నారు.

Local· 4m ago

అంబేద్కర్ కాలనీ పాఠశాలలో బతుకమ్మ వేడుకలు

నిజామాబాద్ జిల్లా రుద్రూర్ మండల కేంద్రంలోని అంబేద్కర్ కాలనీ MPPS పాఠశాలలో బతుకమ్మ సంబరాలు ఘనంగా నిర్వహించారు. మహిళలు రంగురంగుల పూలతో బతుకమ్మలను పేర్చి, సంప్రదాయ దుస్తుల్లో వేడుకల్లో పాల్గొన్నారు. బతుకమ్మల చుట్టూ చేరి పాటలు పాడుతూ సందడి చేశారు. TG సంస్కృతి, సంప్రదాయాలకు ప్రతీకగా నిలిచే ఈ పండుగతో కాలనీలో సందడి నెలకొంది. మహిళల ఐక్యతను చాటే బతుకమ్మను అందరూ ఆనందంగా జరుపుకోవాలని పలువురు పేర్కొన్నారు.

Local· 8m ago

బీజేపీ కార్యకర్తల సమావేశం.. ఎన్నికలే లక్ష్యం!

శ్రీ పొట్టి శ్రీరాములు నెల్లూరు జిల్లా దుత్తలూరు మండలం నందిపాడులో శుక్రవారం బీజేపీ కార్యకర్తల సమావేశం జరిగింది. ఎన్నికలే లక్ష్యంగా ఈ సమావేశాన్ని మండల ప్రధాన కార్యదర్శి పెసల కృష్ణ అధ్యక్షతన, యువమోర్చా అధ్యక్షుడు వేణు ఆధ్వర్యంలో నిర్వహించారు. కిసాన్ మోర్చా జిల్లా ఉపాధ్యక్షుడు మేకపాటి మాల్యాద్రి నాయుడు మాట్లాడుతూ.. మోదీ ప్రభుత్వం అభివృద్ధి, సంక్షేమ పథకాలపై కృషి చేస్తోందని తెలిపారు. జిల్లా కార్యవర్గ సభ్యుడు చుండి హరిగోపాల్ రెడ్డి కూడా పాల్గొన్నారు.

Local· 11m ago

విద్యుత్ షాక్‌తో రాజస్థాన్ యువకుడి మృతి

ఖమ్మం జిల్లా నేలకొండపల్లి మండలం కొత్త కొత్తూరులో విషాదం చోటుచేసుకుంది. స్థానిక SFS ఇంగ్లీష్ మీడియం పాఠశాలలో స్టీల్ రైలింగ్ పనులు చేస్తుండగా విద్యుత్ ఘాతంతో రాజస్థాన్‌కు చెందిన సునీల్ బిష్ణయ్ (20) మృతి చెందాడు. రైలింగ్ రాడ్ విద్యుత్ వైర్లకు తగలడంతో షాక్‌కు గురై కుప్పకూలాడు. వెంటనే ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. పోలీసులు కేసు ఎంక్వేరీ చేస్తున్నారు.