సబ్ కలెక్టర్ కు ఆదివాసీ ప్రెస్ క్లబ్ శుభాకాంక్షలు!

By Prasad Sode· 1h ago· Kalleru, Chinturu, Polavaram

పోలవరం జిల్లా చింతూరు నూతన సబ్ కలెక్టర్, ఐటీడీఏ ప్రాజెక్టు అధికారిగా బాధ్యతలు స్వీకరించిన చిట్టిపులి నరేంద్ర పడాల్ (IAS)కు ఆదివాసి ప్రెస్ క్లబ్ బృందం శుభాకాంక్షలు తెలిపింది. ఏజెన్సీ ప్రాంత ఆదివాసీల సంక్షేమం, విద్య, వైద్యం, గిరిజన హక్కుల పరిరక్షణపై ప్రత్యేక దృష్టి సారించాలని కోరారు. కార్యక్రమంలో ప్రెస్ క్లబ్ అధ్యక్షులు కె.సీతరామయ్య, కార్యదర్శి ఎం. రమణమ్మ, సభ్యులు జల్లి నరేష్, ముచ్చిక నాగార్జున, తుర్రం చంటి, సోడి ప్రసాద్ తదితరులు పాల్గొన్నారు.

More in Local

Local· 21m ago

సబ్‌స్టేషన్‌ వద్ద BJP కిసాన్ మోర్చా ధర్నా

విద్యుత్ కోతలతో పంటలు ఎండిపోతున్నాయని ఆరోపిస్తూ BJP కిసాన్ మోర్చా నాయకులు ఇవాళ ఖమ్మం హైవేపై తిమ్మాపురం సబ్‌స్టేషన్‌ వద్ద ధర్నా నిర్వహించారు. రైతులకు నిరంతరాయ విద్యుత్ సరఫరా చేయాలని, ఫసల్ బీమా యోజన అమలు చేయాలని డిమాండ్ చేశారు. ఈ సందర్భంగా పోలీసులకు, BJP నాయకులకు మధ్య వాగ్వాదం జరగడంతో ఉద్రిక్తత నెలకొంది. డిమాండ్లు నెరవేర్చకపోతే రాష్ట్రవ్యాప్తంగా ఆందోళనలు ఉధృతం చేస్తామని నాయకులు హెచ్చరించారు.

Local· 25m ago

ఫ్యాక్టరీ వ్యర్థాలపై గ్రామస్తుల ఆందోళన

నెల్లూరు జిల్లా గూడూరు మండలం వెడిచర్ల సమీపంలోని రఘురామ ఫ్యాక్టరీ నుంచి వెలువడుతున్న దుర్వాసనతో పరిసర గ్రామాల ప్రజలు తీవ్ర ఇబ్బందులు ఎదుర్కొంటున్నారు. దీనివల్ల శ్వాస సంబంధిత సమస్యలు వస్తున్నాయని ఆవేదన వ్యక్తం చేశారు. సమస్యపై 45 రోజుల క్రితమే RDOకు ఫిర్యాదు చేసినా స్పందన లేదని ఆరోపించారు. ఫ్యాక్టరీ వ్యర్థాల విడుదలను నియంత్రించకపోతే మండల, జిల్లా, రాష్ట్ర స్థాయిలో ఆందోళనలు చేపడతామని హెచ్చరించారు.

Local· 35m ago

'మొక్కలు నాటండి.. పర్యావరణాన్ని కాపాడండి'

కూకట్‌పల్లి నియోజకవర్గం ఓల్డ్ బోయిన్‌పల్లిలో పచ్చదనం పెంపొందించేందుకు మాజీ కార్పొరేటర్ ముద్దం నర్సింహ యాదవ్ ఆధ్వర్యంలో 1,000 మొక్కలు పంపిణీ చేశారు. ఈ సందర్భంగా ఆయన మాట్లాడుతూ.. ప్రతి ఒక్కరూ మొక్కలు నాటి, వాటిని సంరక్షించాలని కోరారు. భావితరాలకు స్వచ్ఛమైన గాలి, ఆరోగ్యకరమైన వాతావరణం అందించేందుకు మొక్కల పెంపకాన్ని సామాజిక బాధ్యతగా తీసుకోవాలని సూచించారు. కార్యక్రమంలో స్థానిక నాయకులు, కార్యకర్తలు, ప్రజలు పాల్గొన్నారు.

▶

Local· 45m ago

పూల బతుకమ్మలతో విద్యార్థినుల సందడి

నర్సంపేట ప్రభుత్వ ఉన్నత పాఠశాలలో ముందస్తు బతుకమ్మ వేడుకలను ఘనంగా నిర్వహించారు. విద్యార్థినులు రంగురంగుల పూలతో బతుకమ్మలను పేర్చి, పాటలకు అనుగుణంగా నృత్యాలు చేస్తూ సందడి చేశారు. టిచర్ ఐ. రామకృష్ణ విద్యార్థులు, టిచర్ లకు దసరా, బతుకమ్మ శుభాకాంక్షలు తెలిపారు. సెలవులను సురక్షితంగా జరుపుకోవాలని సూచించారు. ఈ నెల 10 నుంచి 22 వరకు దసరా సెలవులు ఉంటాయని, 23న పాఠశాల తిరిగి ప్రారంభమవుతుందని వెల్లడించారు.