బెంగాల్‌లో 37 లక్షల S.I.R అప్పీళ్లు పెండింగ్!

By Anusha· 2h ago

పశ్చిమ బెంగాల్‌లో S.I.Rపై అప్పీళ్ల పరిష్కారం నెమ్మదిగా సాగుతోంది. సెప్టెంబర్ 17 నాటికి 17 ట్రిబ్యునళ్లకు 38 లక్షల 31 వేల అప్పీళ్లు రాగా, కేవలం 1 లక్షల 26 వేల కేసులే పరిష్కారమయ్యాయి. ఇంకా 37 లక్షల 05 వేల అప్పీళ్లు పెండింగ్‌లో ఉన్నాయి. ముర్షిదాబాద్‌లో 7 లక్షల 47 వేల అప్పీళ్లు పెండింగ్‌లో ఉండగా, మాల్దాలో 5 లక్షల 29 వేలు పెండింగ్‌లో ఉన్నాయి. ఇద్దరు న్యాయమూర్తులు రాజీనామా చేయడంతో రెండు ట్రిబ్యునళ్లు ఖాళీగా ఉన్నాయి.

More in National

National· 2m ago

దివ్యశక్తులున్న బాబా.. పాముకు భయపడి హాస్పిటల్‌కి!

మధ్యప్రదేశ్‌ రాష్ట్రం ఛతర్‌పూర్‌లో అజయ్‌పార్ ధామ్‌లో ‘కరణ్ కుశ్వాహ’(అజయ్ పార్ బాబా) ఫేమస్. ఈ బాబాకు చాలామంది భక్తులున్నారు. ఇటీవల ఆయన ధ్యానంలో ఉన్న టైంలో ఓ పాము ఆయన కాళ్లకు చుట్టుకుంది. కుటుంబసభ్యులు వెంటనే ఆసుపత్రికి తరలించారు. డాక్టర్లు ఆయన్ను 12 గంటల పాటు అబ్జర్వేషన్‌లో ఉంచారు. అద్భుత శక్తులు ఉన్నాయని, సమస్త రోగాలను నయం చేస్తామని ప్రచారం చేసుకునే బాబా పాముకు భయపడి ఆసుపత్రి చేరడమేంటంటూ సోషల్ మీడియాలో నెటిజన్లు కామెంట్స్ చేస్తున్నారు.

National· 7m ago

స్టార్‌లింక్‌ కంటే మేమే ముందున్నాం

భారత్‌లో శాటిలైట్‌ ఇంటర్నెట్‌ సేవల ప్రారంభంపై పోటీ పెరుగుతోంది. ఎయిర్‌టెల్‌కు చెందిన వన్‌వెబ్‌ సంస్థ స్టార్‌లింక్‌ కంటే ముందుగా అప్లై చేసుకుందని, అనుమతుల విషయంలో తాము ముందున్నామని ఎయిర్‌టెల్‌ ఛైర్మన్‌ సునీల్‌ మిట్టల్‌ చెప్పారు. తమ నెట్‌వర్క్‌ మూడేళ్లుగా సిద్ధంగా ఉందని, అయినా ప్రభుత్వ అనుమతులు రావాల్సి ఉందని తెలిపారు. మరోవైపు, స్టార్‌లింక్‌, జియో సంస్థలు కూడా సేవలు ప్రారంభించేందుకు ఎదురుచూస్తున్నాయి.

స్టూడెంట్‌‌‌‌‌పై టీచర్ దాడి.. వీడియో వైరల్

▶

National· 8m ago

స్టూడెంట్‌‌‌‌‌పై టీచర్ దాడి.. వీడియో వైరల్

ఉత్తరప్రదేశ్‌లోని భదోహి జిల్లాలో దారుణ ఘటన జరిగింది. ప్రైవేట్ స్కూల్లో 3rd క్లాస్ స్టూడెంట్ అనోఖి టీచర్ మనోజ్‌పై తీవ్ర ఆరోపణలు చేసింది. టీచర్ తనను కొట్టి, తిట్టి, జుట్టు పీకేశాడని, రోజూ పిల్లలతో అభద్రంగా ప్రవర్తిస్తాడని చెప్పింది. స్కూల్ మేనేజ్‌మెంట్ కంప్లైంట్ చేసిన పట్టించుకోవడం లేదని తెలిపింది.ఈ వీడియో సోషల్ మెడియాలో వైరల్ అవ్వడంతో పోలీసులు స్థానిక స్టేషన్‌లో ఫిర్యాదు చేయమని చెప్పి విచారణకు ఆదేశించారు.

National· 46m ago

గవర్నర్‌ పదవితో విచారణకు అడ్డంకా?

అంకితా భండారి హత్య కేసులో ఆరోపణలు ఎదుర్కొంటున్న దుష్యంత్ కుమార్ గౌతమ్‌ను సిక్కిం గవర్నర్‌గా నియమించడాన్ని వ్యతిరేకిస్తూ ఆమె తల్లిదండ్రులు నిరసన చేపట్టారు. రాజ్యాంగంలోని ఆర్టికల్ 361 ప్రకారం గవర్నర్‌గా బాధ్యతలు స్వీకరిస్తే నేర విచారణల నుండి రక్షణ లభిస్తుందని, అందువల్ల CBI విచారణ పూర్తయ్యే వరకు ఈ నియామకాన్ని నిలిపివేయాలని వారు కేంద్ర ప్రభుత్వాన్ని మరియు రాష్ట్రపతిని డిమాండ్ చేస్తున్నారు.