పెండింగ్ దరఖాస్తులపై కలెక్టర్ కీలక ఆదేశాలు

By DK· 2h ago

పెన్షన్ దరఖాస్తుల ప్రక్రియను వేగవంతం చేసి త్వరగా పూర్తి చేయాలని మార్కాపురం జిల్లా కలెక్టర్ ఎం. విజయ సునీత అధికారులను ఆదేశించారు. ఇవాళ్టితో (ఈనెల 16తో) దరఖాస్తుల గడువు ముగియనున్న నేపథ్యంలో పొదిలి ఎంపీడీవో కార్యాలయం, సచివాలయం-5, తలమల్ల సచివాలయాల్లో నూతన పెన్షన్ దరఖాస్తుల స్వీకరణ, ఆన్‌లైన్ ప్రక్రియను ఆమె ఆకస్మికంగా తనిఖీ చేశారు. ఇప్పటివరకు ఆన్‌లైన్ చేసినవి, పెండింగ్‌లో ఉన్న దరఖాస్తుల వివరాలను అధికారులను అడిగి తెలుసుకున్నారు. పంచాయతీ కార్యదర్శుల నుంచి పురోగతిపై వివరాలు అడిగి తెలుసుకున్నారు.

More in Local

Local· 56m ago

పెద్దపల్లిలో రైతు సదస్సు.. 18న!

పెద్దపల్లి జిల్లాలో 18న రైతు సదస్సు జరగబోతోంది.. రైతు సమస్యల సాధన సమితి అధ్యక్షుడు ముడిమడుగుల మల్లన్న, వర్కింగ్ ప్రెసిడెంట్ డాక్టర్ మార్షల్ దుర్గం నగేష్ నిర్వహిస్తున్నారు. కేంద్ర, రాష్ట్ర ప్రభుత్వాలు రైతులను నిర్లక్ష్యం చేస్తున్నాయని విమర్శించారు. గిట్టుబాటు ధరలు, సబ్సిడీ విత్తనాలు, ఎరువులు, రుణమాఫీ, గిడ్డంగులు, కళ్లాల సౌకర్యాలు కల్పించాలని డిమాండ్ చేశారు. రైతు ఆత్మహత్యలకు శాశ్వత పరిష్కారం చూపాలన్నారు. పార్టీలకతీతంగా రైతులు, కార్మికులు, యువకులు, మహిళలు హాజరుకావాలని పిలుపునిచ్చారు.

Local· 1h ago

DE గారూ.. కరెంటు కోతలాపండి

సూర్యాపేట జిల్లా చివ్వేంల మండలంలో కరెంటు కోతలతో రైతులు తీవ్ర ఇబ్బందులు పడుతున్నారు. వర్షాలు లేకపోవడంతో పాటు నాణ్యమైన విద్యుత్ లేక మోటార్లు కాలిపోతున్నాయి. గ్రామీణ పేదల సంఘం జిల్లా కన్వీనర్ కొనకంచి వీరభద్ర ఆధ్వర్యంలో రైతులు సూర్యాపేటలో DEకి వినతిపత్రం సమర్పించారు. తక్షణమే నాణ్యమైన విద్యుత్ సరఫరా చేయాలని డిమాండ్ చేశారు. ఈ కార్యక్రమంలో ఉప్పల మల్లయ్య, కోడిబండయ్య, అనంతుల ఎల్లయ్య పాల్గొన్నారు. మీ ఊరిలో ఇలాంటి సమస్య ఉందా? మీ వార్త పంపండి!

Local· 1h ago

OCT 2న చలో చిట్యాల - దళిత సంఘాల పిలుపు

నారాయణపేట జిల్లా, మక్తల్ మండలం, చిట్యాలలో దళిత సంఘాల ఐక్యవేదిక విలేకరుల సమావేశం పెట్టింది. చిట్యాల మాజీ సర్పంచ్, BRS నేత మారుతి గౌడ్ కుమారుడు సత్యం గౌడ్‌పై ఆరోపణలు వచ్చాయి. దళిత యువతిని మోసం చేసి, పెళ్లి తర్వాత వారంలోనే వదిలేశాడని సంఘాలు ఆరోపించాయి. కులం కారణంగానే ఇలా చేశాడని ఆగ్రహం వ్యక్తం చేశాయి. అమ్మాయినే దోషిగా చూపితే సహించేది లేదని హెచ్చరించారు. అక్టోబర్ 2న చిట్యాలలో నిరసనకు పిలుపునిచ్చారు. అలాగే దళిత అమ్మాయి అని అమ్మాయినే దోషిగా చూపించే ప్రయత్నాలు జరుగుతున్నాయని, వీటిని సహించబోమన్నారు.

Local· 1h ago

గణపతి నవరాత్రుల్లో కాంగ్రెస్ నేతలు..!

మంచిర్యాల జిల్లా దండేపల్లి మండలం మ్యాదరిపేటలోని హనుమాన్ టెంపుల్ సమీపంలో గణపతి నవరాత్రి ఉత్సవాలు జరుగుతున్నాయి. ఈ ఉత్సవాల్లో కాంగ్రెస్ జిల్లా సీనియర్ నేతలు చీటి సత్యం రావు–జ్యోతి పాల్గొన్నారు. వారు గణనాధుడికి ప్రత్యేక పూజలు చేశారు. అనంతరం అన్నదాన కార్యక్రమం ఏర్పాటు చేశారు. ఈ కార్యక్రమంలో మాజీ ఎంపీపీ గడ్డం శ్రీనివాస్, ప్రజా ప్రతినిధులు, కాంగ్రెస్ నాయకులు, కార్యకర్తలు, భక్తులు, స్థానిక ప్రజలు పాల్గొన్నారు.