ఈ కానిస్టేబుల్... సూపర్ హీరో

By Jagadish· 4h ago

కాకినాడ జిల్లా తుని రైల్వే స్టేషన్‌లో ప్రమాదం జరిగింది. అన్నవరం వెళ్లి తిరుగు ప్రయాణంలో ఉన్న ప్రేమ్‌కుమార్ గణేష్, తుని స్టేషన్‌లో రైలు ఆగిన తర్వాత దిగి మళ్లీ ఎక్కే క్రమంలో రైలు, ప్లాట్‌ఫాం మధ్య పడిపోయాడు. అదే రైలులో ప్రయాణిస్తున్న యలమంచిలి గ్రామీణ పోలీస్ స్టేషన్ హెడ్ కానిస్టేబుల్ చంద్రారావు వెంటనే స్పందించారు. రైలు నిలిపేసి, కిందకు దూరి వ్యక్తిని ప్లాట్‌ఫాంపైకి తీశారు. 108లో తుని ఆసుపత్రికి, అక్కడి నుంచి కాకినాడకు తరలించారు. ప్రాణాపాయం తప్పిందని SI సత్తిబాబు తెలిపారు. ఇలాంటే హీరోలే కావాలి కదా!

More in Local

Local· 36m ago

రామగుండంలో కార్పొరేటర్ల ధర్నా!

పెద్దపల్లి జిల్లా రామగుండం మున్సిపల్ కార్పొరేషన్‌లో మంగళవారం సాయంత్రం ఉద్రిక్తత నెలకొంది. 45వ డివిజన్ కార్పొరేటర్ కౌటం సతీష్.. తన డివిజన్ పెండింగ్ సమస్యలపై కమిషనర్, జిల్లా స్థానిక సంస్థల అదనపు కలెక్టర్ జె. అరుణశ్రీని కలిసేందుకు వెళ్లారు. కానీ అటెండర్ ద్వారా బయటకు పంపించారనే ఆరోపణలు వెల్లువెత్తాయి. ఈ ఘటనపై ఆగ్రహం వ్యక్తం చేసిన తోటి కార్పొరేటర్లు కమిషనర్ చాంబర్ ఎదుట రాత్రి 8pmకి ధర్నాకు దిగారు. అధికార పార్టీ కార్పొరేటర్లతో పాటు ప్రతిపక్ష కార్పొరేటర్లు సైతం ధర్నాలో పాల్గొనడం చర్చనీయాంశంగా మారింది.

Local· 39m ago

జగిత్యాలలో దారుణం.. మహిళపై కారం, జీడిరసం!

జగిత్యాల జిల్లా కోరుట్ల మండలం అయిలాపూర్‌లో ఘటన వెలుగులోకి వచ్చింది. వివాహేతర సంబంధం ఆరోపణలతో ఓ మహిళపై దాడి జరిగింది. ఊరి పొలిమేరల్లో పంచాయితీ పెట్టి ఆమెను అవమానించారు. శరీరంపై కారం, జీడిరసం పూశారు. ఘటనపై సుమోటోగా కేసు నమోదు చేయాలని స్థానికులు డిమాండ్ చేస్తున్నారు. బాధితురాలి గుర్తింపు వివరాలు వెల్లడించలేదు. ఇలాంటి దాడులు ఆగాలంటే చట్ట వ్యవస్థలు గట్టిగా కృషి చేయాలి.

Local· 42m ago

సీతక్కా.. మాకు గుర్తింపు కావాలి!

మంత్రి సీతక్క మంగళవారం నిజామాబాద్ జిల్లా మోర్తాడ్‌కు వచ్చారు. ఎన్‌టీజేఏసీ విజ్ఞప్తి పత్రం అందజేసింది. ముంబై, భివండి, నవీ ముంబై, సూరత్‌లోని తెలంగాణ ఉద్యమకారులకు కెకె కమిటీ గుర్తింపు ఇవ్వాలని కోరారు. తెలంగాణ ఉద్యమంలో తాము క్రియాశీల పాత్ర పోషించినట్లు పేర్కొన్నారు. ప్రభుత్వ గుర్తింపు, సంక్షేమ పథకాల్లో అవకాశాలు కల్పించాలని డిమాండ్ చేశారు. సమన్వయకర్తలు బట్టు శ్రీధర్ గంగపుత్ర, సామ్రాట్ అశోక్, ఎం. మాలజీ ఉన్నారు.

Local· 45m ago

Sept 17న TRP చైతన్యయాత్ర

హైదరాబాద్ జిల్లాలో తెలంగాణ రాజ్యాధికార పార్టీ ప్రజా చైతన్య యాత్ర సెప్టెంబర్ 17న గోల్కొండ కోట నుంచి మొదలవుతుంది. పార్టీ అధినేత, ఎమ్మెల్సీ తీన్మార్ మల్లన్న నేతృత్వంలో ఈ పాదయాత్ర జరుగుతుంది. బహుజనుల రాజ్యాధికారం సాధించడమే లక్ష్యమని పార్టీ చెబుతోంది. షాద్‌నగర్ నియోజకవర్గం నుంచి ఎస్సీ, ఎస్టీ, మైనారిటీ, బడుగు వర్గాల ప్రజలు పెద్ద ఎత్తున పాల్గొనాలని కోరింది. జిల్లా ప్రతినిధి భూస జంగన్న మాట్లాడుతూ.. ప్రజలు చైతన్యం వైపు పయనించాలని, పోరాటంలో అందరం తోడుగా నిలుద్దాం అని ఆయన అన్నారు.