నడవడానికి కూడా వీల్లేని దారి!

By Korra Arun Kumar· 2h ago· Alluri Sitharama Raju

అల్లూరి సీతారామరాజు జిల్లా చింతపల్లి మండలం బలపం పంచాయతీ పరిధిలోని గిల్లలబంద గ్రామానికి వెళ్లే మట్టి రోడ్డు భారీ వర్షాలకు దెబ్బతింది. కొండచరియలు విరిగిపడటంతో పాటు వరద ఉధృతికి రోడ్డు కొట్టుకుపోయి, గోతులు ఏర్పడ్డాయి. దీంతో కాలినడకన వెళ్లడం కూడా ప్రమాదకరంగా మారగా, బైక్‌ల రాకపోకలు నిలిచిపోయాయి. అంబులెన్స్ వెళ్లే దారి లేక రోగులు, గర్భిణులను డోలీల్లో మోసుకెళ్లాల్సి వస్తోందని గ్రామస్తులు ఆవేదన వ్యక్తం చేస్తున్నారు. అధికారులు స్పందించకపోవడంతో గ్రామస్తులే పారలు, గునపాలతో రోడ్డు బాగు చేసుకుంటున్నారు.

More in Local

Local· 22m ago

విద్యుత్ ఉపకేంద్రానికి శంకుస్థాపన

వరంగల్ జిల్లా నెక్కొండ మండలం వెంకటాపురం గ్రామంలో నూతన 33/11 కేవీ విద్యుత్ ఉపకేంద్రానికి MLA దొంతి మాధవరెడ్డి శంకుస్థాపన చేశారు. రైతులకు నాణ్యమైన విద్యుత్ అందించడమే లక్ష్యమని పేర్కొన్నారు. ఈ ఉపకేంద్రం అందుబాటులోకి వస్తే పరిసర గ్రామాలకు మెరుగైన విద్యుత్ సరఫరా అందుతుందని తెలిపారు. పనులను నాణ్యతతో నిర్ణీత గడువులో పనులు పూర్తి చేయాలని కాంట్రాక్టర్లకు ఆదేశించారు.

Local· 27m ago

నేటి నుంచి మార్కెట్ బంద్..!

వరంగల్ ఎనుమాముల వ్యవసాయ మార్కెటు నేటి నుంచి 21 వరకు ఐదు రోజుల పాటు సెలవులు ప్రకటించినట్లు మార్కెట్ కమిటీ ఛైర్మన్ ప్రియాంక తెలిపారు. నేడు యార్డు బంద్, ఆదివారం వారాంతపు సెలవు, 19న మహర్నవమి, 20న విజయదశమి, 21న మరుసటి రోజు సెలవు ఉంటాయని పేర్కొన్నారు. అక్టోబర్ 22న గురువారం మార్కెట్ తిరిగి ప్రారంభమవుతుందని ఛైర్మన్ ప్రియాంక తెలిపారు.

Local· 32m ago

జిల్లాలో 5 సమస్యాత్మక ప్రాంతాలు: SP

తూర్పు గోదావరి జిల్లా జిల్లాలో స్థానిక ఎన్నికలకు 1,700 మంది పోలీస్ సిబ్బంది, అధికారులను ఏర్పాటు చేసినట్లు ఎస్పీ నరసింహ కిశోర్ ప్రకటించారు. కొవ్వూరులో 2, నిడదవోలులో 3 సమస్యాత్మకమైన ప్రాంతాలను గుర్తించామన్నారు. 21 ఫ్లయింగ్ స్క్వాడ్, 21 సర్వేలైన్స్ స్ట్రైకింగ్ ఫోర్స్, రూట్ మొబైల్స్, స్ట్రైకింగ్ ఫోర్స్, స్పెషల్ స్ట్రైకింగ్ ఫోర్స్, 10 చెక్ పోస్టులలు ఏర్పాటు చేసినట్లు తెలిపారు.

54 లక్షల అలంకరణతో మెరిసిపోతున్న అమ్మవారు!

▶

Local· 48m ago

54 లక్షల అలంకరణతో మెరిసిపోతున్న అమ్మవారు!

హైదరాబాద్‌ రాజేంద్రనగర్ పరిధిలోని హైదర్గూడ హైందవనగర్‌లో దుర్గామాత నవరాత్రి ఉత్సవాలు వైభవంగా జరుగుతున్నాయి. ఈ సందర్భంగా అమ్మవారిని లక్ష్మీదేవి అవతారంలో ప్రత్యేకంగా అలంకరించారు. ఈ అలంకరణకు ఏకంగా ₹54 లక్షలు ఖర్చు చేశారు. అందంగా ముస్తాబైన అమ్మవారిని దర్శించుకునేందుకు భక్తులు పెద్ద సంఖ్యలో తరలివస్తున్నారు. ప్రత్యేక పూజలతో ఆధ్యాత్మిక సందడి నెలకొంది.