మస్క్‌కు కమల్ కౌంటర్.. కంగనా ప్రశంసలు!

By Anusha· 22h ago· X

భారత్‌లో Starlink ఇంటర్నెట్ సర్వీసెస్‌కు పర్మిషన్స్ ఆలస్యమవుతున్నాయంటూ ఎలాన్ మస్క్ చేసిన వ్యాఖ్యలపై కమల్ హాసన్ స్పందించారు. ఏ బిలియనీర్ కూడా దేశ విధానాలను శాసించలేరని స్పష్టం చేశారు. మారుమూల ప్రాంతాలకూ తక్కువ ధరకు ఇంటర్నెట్ అందాలని, దేశ భద్రత విషయంలో రాజీ పడకూడదని అన్నారు. భారత్ తన నిర్ణయాలు తానే తీసుకుంటుందని తెలిపారు. కమల్ పోస్ట్‌ను షేర్ చేసిన ఎంపీ కంగనా రనౌత్.. మస్క్‌కు ఆయన గట్టిగా, స్పష్టంగా బదులిచ్చారంటూ ప్రశంసించారు.

More in National

▶

National· 6m ago

CJP లీడర్స్ రిలీజ్.. వీడియో

ఢిల్లీ ఎగ్జిక్యూటివ్ మేజిస్ట్రేట్ కోర్టు ఆదేశాలతో CJP లీడర్స్ అభిజీత్ దీప్కే, అశుతోష్ రంకా, సౌరవ్ దాస్‌ను పోలీసులు రిలీజ్ చేశారు. ఐతే.. వాళ్లను దాదాపు 24 గంటలపాటూ డిటైన్ చెయ్యడంపై తీవ్ర విమర్శలు వస్తున్నాయి నిన్న ఢిల్లీ, జంతర్ మంతర్ ప్రొటెస్టులో పాల్గొనేందుకు వస్తున్న సమయంలో.. ఈ ముగ్గురినీ విమానంలోనే డిటైన్ చేశారు పోలీసులు. ఇలా చెయ్యడంపై దేశవ్యాప్తంగా వ్యతిరేకత వ్యక్తమవుతోంది. పోలీసులు ఇంత దారుణంగా వ్యవహరిస్తారా అనే ప్రశ్నలొస్తున్నాయి.

National· 20m ago

మమ్మల్ని నేరస్థుల్లా చూశారు.. మమతా ఆగ్రహం

ఢిల్లీలో ప్రొటెస్ట్ వేళ రాజకీయ ఉద్రిక్తత నెలకొంది. నిరసనలో పాల్గొనేందుకు వచ్చిన మాజీ CMలు మమతా బెనర్జీ, పినరయి విజయన్, అరవింద్ కేజ్రీవాల్, మాణిక్ సర్కార్‌ను పోలీసులు అదుపులోకి తీసుకున్నారు. పలువురు CPI(M) నేతలను కూడా అడ్డుకున్నారు. తమను నేరస్థుల్లా చూశారని మమతా మండిపడ్డారు. ప్రశాంతంగా కూర్చున్నా, పోలీస్ వ్యాన్‌లో ఎక్కించి రెండు గంటల పాటు ఢిల్లీ అంతా తిప్పారని ఆవేదన వ్యక్తం చేశారు. ప్రజల స్వేచ్ఛను హరిస్తున్నారని CPI(M) నేతలు విమర్శించారు.

▶

National· 40m ago

ఢిల్లీలో హైటెన్షన్ కంటిన్యూ.. మెట్రోలో!

ఢిల్లీలో పరిస్థితులు ఏమాత్రం మారలేదు. నిన్నటిలాగానే పోలీసులు, ర్యాపిడ్ యాక్షన్ ఫోర్స్ ఎక్కడికక్కడ మోహరించారు. ఐతే.. మెట్రో రైళ్ల సర్వీసులు మాత్రం నార్మల్‌గా నడుస్తున్నాయి. అయినప్పటికీ.. ప్రతీ మెట్రో స్టేషన్ దగ్గరా భారీగా పోలీసులు మోహరించారు. ఇవాళ కూడా ప్రొటెస్టుకి CJP పిలుపివ్వడంతో.. ప్రొటెస్టుకి వెళ్లేవారిని డిటైన్ చేసేలా ఢిల్లీ పోలీసుల ప్లాన్ ఉన్నట్లు కనిపిస్తోంది. మరోవైపు ట్రాఫిక్ డైవర్షన్లు కంటిన్యూ అవుతున్నాయి.

ప్రజాస్వామ్యానికి ఇది చీకటి రోజు: Rana Ayyub

▶

National· 46m ago

ప్రజాస్వామ్యానికి ఇది చీకటి రోజు: Rana Ayyub

ఢిల్లీలో ప్రొటెస్ట్‌లపై పోలీసుల తీరును జర్నలిస్ట్ రాణా అయూబ్ తీవ్రంగా విమర్శించారు. ప్రొటెస్ట్‌కు వచ్చిన 15-16 ఏళ్ల పిల్లలను పోలీసులు తన కళ్ల ముందే ఈడ్చుకెళ్లారని ఆరోపించారు. రెచ్చగొట్టే నినాదాలు చేస్తున్న హిందూ జాతీయవాదులకు పోలీసులు రక్షణ కల్పిస్తున్నారని ఆమె అన్నారు. "నా 20 ఏళ్ల జర్నలిజం కెరీర్‌లో ఇలాంటి పరిస్థితి చూడలేదు, నిరసనను అణచివేయడం ప్రజాస్వామ్యానికి చీకటి రోజు" అని ఆమె విమర్శించారు. ఒక భారతీయురాలిగా నేను సిగ్గుపడుతున్నానని అన్నారు.