డోర్ డెలివరీ ‘మీ-సేవ’

By A.Ajay· 1d ago

TG: తెలంగాణలో ‘మీ-సేవ డోర్ డెలివరీ’ సేవలను మంత్రి శ్రీధర్‌బాబు ప్రారంభించారు. తొలిదశలో ఎంపిక చేసిన ‘క్యూర్‌’ ప్రాంతాల్లో పైలట్‌ ప్రాజెక్టుగా ఈ విధానాన్ని అందుబాటులోకి తెచ్చారు. 1100 టోల్‌ఫ్రీ నంబర్‌కు కాల్ చేసి లేదా మీ-సేవ పోర్టల్‌లో స్లాట్‌ బుక్‌ చేసుకుంటే జనన, మరణ, ఆదాయ, కుల, నివాస సర్టిఫికెట్లు, ఈసీ కాపీలు, కొన్ని పోలీస్‌ శాఖ సేవలను ఇంటి వద్దే పొందొచ్చు. ప్రజల స్పందనను బట్టి తర్వాత రాష్ట్రవ్యాప్తంగా విస్తరించనున్నారు.

More in TG

TG· 45m ago

బడ్జెట్‌లో 18 శాతం నిధులు కేటాయించాలి: ఆకునూరి మురళి

TG: తెలంగాణ రాష్ట్ర బడ్జెట్‌లో విద్య రంగానికి కనీసం 18 శాతం నిధులు కేటాయించాలని విద్యా కమిషన్ మాజీ చైర్మన్, TPF నాయకుడు ఆకునూరి మురళి డిమాండ్ చేశారు. రాత్రి సిద్దిపేట జిల్లా జగదేవపూర్ మండలం తిమ్మాపూర్‌లో నిర్వహించిన బడి నిద్ర కార్యక్రమంలో ఆయన పాల్గొన్నారు. రాష్ట్రంలోని అన్ని ప్రభుత్వ పాఠశాలలను ఆరుట్లలోని తెలంగాణ పబ్లిక్ స్కూల్ తరహాలో అభివృద్ధి చేయాల్సిన అవసరం ఉందని అన్నారు. విద్యా వ్యవస్థ బలపడితే సమాజంలో మార్పు తీసుకురావచ్చని అన్నారు.

TG· 48m ago

హైదరాబాద్‌లో ఫ్రెండ్స్ కావాలా? ఈ కమ్యూనిటీ మీకోసమే!

హైదరాబాద్‌లో మహిళలు లేదా సిటీకి కొత్తగా వచ్చే లేడీస్.. ఇతర మహిళలతో ఫ్రెండ్షిప్ చేసేందుకు City Girls Walk Hyderabad అనే కమ్యూనిటీ ఉంది. తమిళనాడుకు చెందిన SM సంభవి దీన్ని ప్రారంభించారు. దీని ద్వారా KBR పార్క్, బొటానికల్ గార్డెన్, దుర్గం చెరువు, గండిపేట వంటి చోట్ల మహిళలు కలిసి వాకింగ్ చేస్తూ కెరీర్, షాపింగ్, సిటీ లైఫ్, ఫుడ్ గురించి మాట్లాడుకుంటున్నారు. కొత్త పరిచయాలు, మంచి ఫ్రెండ్షిప్‌ పెంచుకోవడమే ఈ గ్రూప్‌ ఉద్దేశం.

TG· 51m ago

చార్మినార్ వద్ద హైఅలర్ట్.!

హైదరాబాద్‌ చార్మినార్‌ పరిసరాల్లో పోలీసులు భారీ భద్రత ఏర్పాటు చేశారు. శుక్రవారం వినాయక నిమజ్జనాలు, ముస్లింల నమాజ్‌ నేపథ్యంలో ఎలాంటి అవాంఛనీయ ఘటనలు చోటుచేసుకోకుండా ప్రత్యేక బందోబస్తు చేపట్టారు. చార్మినార్‌ చుట్టుపక్కల ప్రాంతాల్లో అదనపు పోలీసు బలగాలను భారీ భద్రత ఏర్పాటు చేశారు. నిమజ్జన శోభాయాత్ర ప్రశాంతంగా, సజావుగా జరిగేలా అధికారులు భద్రతా ఏర్పాట్లను పర్యవేక్షిస్తున్నారు. ప్రజలకు ఎలాంటి ఇబ్బందులు కలగకుండా చర్యలు తీసుకుంటున్నారు.

TG· 1h ago

రెస్టారెంట్లలో అపరిశుభ్రత.. 8 సంస్థల లైసెన్సులు సస్పెండ్

హైదరాబాద్‌లో 15 రెస్టారెంట్లలో TG SAFE బృందాలు తనిఖీలు నిర్వహించాయి. బొద్దింకలు, ఎలుకలు, కుళ్లిన కూరగాయలు, గడువు ముగిసిన ఆహారం గుర్తించి 16 నమూనాలు సేకరించారు. నిబంధనలు ఉల్లంఘించిన 8 సంస్థల FSSAI లైసెన్సులు సస్పెండ్ చేశారు. లైసెన్స్ లేకుండా అపరిశుభ్రంగా ఉన్న బాచుపల్లి లక్కీ రెస్టారెంట్ను మూసివేసి, మరో 5 సంస్థలకు ఇంప్రూవ్మెంట్ నోటీసులు జారీ చేశారు.