పెట్రోల్, డీజిల్ ధరలను పెంచబోం.కేంద్రం

By DS· 23 Apr 2026· visakhapatnam

దేశ వ్యాప్తంగా పెట్రోల్ , డీజిల్ ధరలు పెరగనున్నాయంటూ గత కొద్ది రోజులుగా సోషల్ మీడియా లో వస్తున్న వార్తలపై కేంద్ర పెట్రోలియం, సహజ వాయువు మంత్రిత్వ శాఖ స్పష్టత ఇచ్చింది.ఈ వార్తలను పూర్తిగా ఖండిస్తూ, సామాన్యులపై ఇంధన భారాన్ని మోపే ప్రతిపాదన ఏదీ ప్రభుత్వం వద్ద లేదని స్పష్టం చేసింది. ఇంధన ధరల పెంపుపై వస్తున్న వార్తలు కేవలం పుకార్లు మాత్రమేనని మంత్రిత్వ శాఖ పేర్కొంది. 'పెట్రోల్, డీజిల్ ధరలను పెంచే ఆలోచన గానీ, ప్రతిపాదన గానీ ప్రస్తుతానికి ప్రభుత్వం దగ్గర లేదు. ప్రజలు ఇలాంటి తప్పుడు ప్రచారాలను నమ్మవద్దు' అని అధికారికంగా వెల్లడించింది.

More in Local

▶

Local· 1m ago

తాత మధు ఎమ్మెల్సీ పదవిని రద్దు చేయాలి

TG: అసెంబ్లీ స్పీకర్‌ గడ్డం ప్రసాద్‌కుమార్‌పై BRS ఎమ్మెల్సీ తాతా మధుసూదన్‌ చేసిన వ్యాఖ్యలు అహంకారానికి నిదర్శనమని వరంగల్ జిల్లా నర్సంపేట దళిత కాంగ్రెస్‌ నేత బాణాల శ్రీనివాస్‌ అన్నారు. నర్సంపేటలో నిర్వహించిన విలేకరుల సమావేశంలో ఆయన మాట్లాడారు. స్పీకర్‌పై అనుచిత వ్యాఖ్యలు చేసిన తాతా మధు శాసనమండలి సభ్యత్వాన్ని రద్దు చేయాలని, SC, ST అట్రాసిటీ చట్టం కింద కేసు నమోదు చేయాలని డిమాండ్‌ చేశారు. BRS నేతలు దళిత సమాజానికి క్షమాపణ చెప్పాలని కోరారు. సమావేశంలో పలువురు కాంగ్రెస్‌ నాయకులు పాల్గొన్నారు.

Local· 10m ago

సీఎం సహాయనిధి చెక్కుల పంపిణీ

TG: వరంగల్ జిల్లా ఖానాపురంలో అనారోగ్యానికి గురై చికిత్స పొందిన ఆరుగురు బాధితులకు సీఎం సహాయనిధి చెక్కులను మంగళవారం పంపిణీ చేశారు. ఎమ్మెల్యే దొంతి మాధవరెడ్డి సహకారంతో నర్సంపేట ఏఎంసీ వైస్‌చైర్మన్, ఖానాపురం మండల కాంగ్రెస్‌ అధ్యక్షుడు శాఖమూరి హరిబాబు లబ్ధిదారులకు చెక్కులు అందజేశారు. కొరటాల వెంకటేశ్వర్లుకు రూ.26,500, చూడి ప్రతాపరెడ్డికి రూ.60 వేలు, సుమాలికి రూ.54 వేలు, కలఅమ్మకు రూ.95 వేలు, గొల్లపల్లి కుమారస్వామికి రూ.5,500, వి.వెంకటేశ్వర్లుకు రూ.24 వేలు మంజూరయ్యాయి.

సిబ్బంది లేకున్నా ఫ్యాన్లు.. విద్యుత్ వృథా

▶

Local· 36m ago

సిబ్బంది లేకున్నా ఫ్యాన్లు.. విద్యుత్ వృథా

TG: జగిత్యాల జిల్లాలో పౌరసరఫరాల శాఖ కార్యాలయంలో సిబ్బంది లేకున్నా ఫ్యాన్లు నిరంతరం తిరుగుతూ విద్యుత్ వృథా అవుతున్నాయి. మధ్యాహ్న సమయంలో కార్యాలయంలో సిబ్బంది అందుబాటులో లేకపోయినా విద్యుత్ పరికరాలను ఆపకుండా వదిలేయడం అధికారుల నిర్లక్ష్యానికి నిదర్శనంగా నిలుస్తోందని స్థానికులు విమర్శించారు. ప్రజాధనంతో విద్యుత్ బిల్లులు చెల్లిస్తున్న నేపథ్యంలో ఇలాంటి వృథాను వెంటనే అరికట్టాలని కోరుతున్నారు. సంబంధిత అధికారులు స్పందించి కార్యాలయాల్లో విద్యుత్ వినియోగంపై పర్యవేక్షణ పెంచాలని స్థానికులు కోరారు.

Local· 43m ago

జాతీయ ఆరోగ్య లక్ష్యాలు సాధించాలి: డాక్టర్ పవిత్ర

TG: పెద్దపల్లి జిల్లాలో జాతీయ ఆరోగ్య కార్యక్రమాల లక్ష్యాలను సిబ్బంది సమన్వయంతో పనిచేసి సాధించాలని జిల్లా వైద్య ఆరోగ్యశాఖ అధికారి డాక్టర్ వై. పవిత్ర సూచించారు. విధి నిర్వహణలో నిర్లక్ష్యం, సమయపాలన లోపిస్తే చర్యలు తప్పవని హెచ్చరించారు. వర్షాకాలంలో మలేరియా, డెంగ్యూ, ఫైలేరియా తదితర వ్యాధులపై ఇంటింటి సర్వే నిర్వహించి రక్త నమూనాలు సేకరించాలని ఆదేశించారు. గర్భిణీలు, పిల్లలకు సకాలంలో వైద్య సేవలు, టీకాలు అందించాలని, అర్హులైన బాలికలకు HPV వ్యాక్సిన్ అందేలా చూడాలని సూచించారు.