P.G. మెడికల్‌ ‘కన్వీనర్‌’ సీట్లకు నేటి నుంచే అప్లికేషన్లు

By A.Ajay· 2h ago

తెలంగాణలో 2026-27 విద్యా సంవత్సరానికి P.G. మెడికల్‌ డిగ్రీ కోర్సుల్లో కన్వీనర్‌ కోటా సీట్ల భర్తీకి కాళోజీ హెల్త్ యూనివర్సిటీ నోటిఫికేషన్‌ విడుదల చేసింది. అర్హులైన నాన్‌-సర్వీస్‌, ఇన్‌-సర్వీస్‌ అభ్యర్థులు ఈరోజు సాయంత్రం 4 గంటల నుంచి 23వ తేదీ సాయంత్రం 4 గంటల వరకు <a href="https://tspgmed.tsche.in/">వెబ్‌సైట్‌లో</a> అప్లై చేసుకోవాలి. సర్టిఫికెట్లను కూడా ఆన్‌లైన్‌లో అప్‌లోడ్‌ చేయాలి. నీట్‌ P.G-2026లో అర్హత సాధించి, తెలంగాణ స్థానికత ఉన్నవారే ఈ సీట్లకు అర్హులు.

More in TG

TG· 15m ago

తెలుగు రాష్ట్రాలకు బ్లాస్ట్ మెటీరియల్.. ఏడుగురు అరెస్ట్!

TG: UP నుంచి తెలుగు రాష్ట్రాలకు బ్లాస్ట్ మెటీరియల్ తీసుకొస్తున్న గ్యాంగ్‌ను ఆదిలాబాద్ పోలీసులు పట్టుకున్నారు. జైనథ్ మండలం పిప్పర్‌వాడ టోల్‌ప్లాజా దగ్గర రైడ్స్‌లో 20 వేల ఎలక్ట్రానిక్ డిటోనేటర్లు, 90 బూస్టర్లు స్వాధీనం చేసుకున్నారు. వీటి విలువ ₹20 లక్షలకు పైగా ఉంటుందని అంచనా. రెండు వెహికల్స్, 6 సెల్‌ఫోన్లను సీజ్ చేశారు. ఈ కేసులో ఏడుగురిని అరెస్ట్ చేయగా, మరో ఇద్దరి కోసం సెర్చ్ చేస్తున్నారు. దీని వెనుక ఎవరున్నారనే కోణంలో ఇన్వెస్టిగేషన్ జరుగుతుంది.

▶

TG· 30m ago

కరెంట్‌ కోసం రోడ్డెక్కిన రైతులు

నల్గొండ జిల్లా గండ్లపల్లి మండలం సింగరాజుపల్లి సబ్‌స్టేషన్‌ వద్ద సమీప గ్రామాల రైతులు ఆందోళనకు దిగారు. విద్యుత్‌ సరఫరా సరిగా లేక పంటలు ఎండిపోతున్నా అధికారులు పట్టించుకోవడం లేదని ఆగ్రహం వ్యక్తం చేశారు. నల్గొండ–దేవరకొండ రహదారిపై బైఠాయించి నిరసన తెలిపారు. పంటలను కాపాడేందుకు కరెంట్‌ సరఫరా సక్రమంగా ఉండేలా అధికారులు చర్యలు తీసుకోవాలని రైతులు కోరారు.

TG· 32m ago

రోజుకు 7 వేలకుపైగా ట్యాంకర్ బుకింగ్స్‌

TG: హైదరాబాద్‌లో నీటి ట్యాంకర్లకు డిమాండ్‌ పెరుగుతోంది. వర్షాలు తక్కువగా పడటం, భూగర్భ జలాలు తగ్గిపోవడంతో నగరంలోని పలు ప్రాంతాల ప్రజలు ట్యాంకర్ల ద్వారా నీటిని తెప్పించుకుంటున్నారు. సాధారణంగా వేసవిలో ఎక్కువగా ఉండే బుకింగ్స్‌ ఈసారి అక్టోబర్‌లోనూ పెరుగుతున్నాయి. దీంతో నీటి సరఫరాపై వాటర్‌ బోర్డుపై ఒత్తిడి పెరుగుతోంది. నీటి కొరతతో ఇబ్బందులు పడుతున్న ప్రాంతాల ప్రజలు ట్యాంకర్ల కోసం ఎదురుచూస్తున్నారు.

TG· 41m ago

తెలంగాణ ప్రభుత్వంలో అవినీతి రాజ్యమేలుతోంది: KTR

TG: తెలంగాణలో కాంగ్రెస్ ప్రభుత్వంపై BRS వర్కింగ్ ప్రెసిడెంట్ KTR తీవ్రస్థాయిలో మండిపడ్డారు. నేరుగా సీఎం స్థాయిలోనే అవినీతి జరుగుతోందని ఆయన ఆరోపించారు. X అకౌంట్‌లో సీఎం రేవంత్ రెడ్డిపై, కాంగ్రెస్ హైకమాండ్‌పై విమర్శలు చేశారు. సీఎం కార్యాలయం 15 శాతం కమీషన్ డిమాండ్ చేసిందని ఒక ప్రముఖ నిర్మాణ సంస్థ ఎండీ ఆరోపించిన విషయాన్ని కేటీఆర్ తన పోస్ట్‌లో ప్రస్తావించారు. ప్రాజెక్ట్‌లను అర్హులైనవారికి కాకుండా, నచ్చినవారికి కట్టబెడుతున్నారని మండిపడ్డారు.