వర్షాభావంతో జలవిద్యుత్ ఉత్పత్తి తగ్గింది

By BOLAGANI SAIDULU· 1h ago· Chiwemla, Suryapet, Suryapet

పులిచింతల జలవిద్యుత్ కేంద్రాన్ని Dy.CM భట్టి విక్రమార్క, మంత్రి ఉత్తమ్‌కుమార్‌రెడ్డి పరిశీలించారు. విద్యుత్ ఉత్పత్తి సామర్థ్యం, ఇప్పటివరకు జరిగిన ఉత్పత్తి వివరాలను అధికారులను అడిగి తెలుసుకున్నారు. రాష్ట్రంలో విద్యుత్ డిమాండ్ 20 వేల మెగావాట్లకు చేరినా గృహ వినియోగదారులకు 24 గంటల సరఫరా కొనసాగిస్తున్నట్లు భట్టి తెలిపారు. వర్షాభావంతో జలవిద్యుత్ ఉత్పత్తి తగ్గినా థర్మల్‌, ఇతర వనరులతో అవసరాలు తీరుస్తున్నామని చెప్పారు.

More in Local

వన్యప్రాణుల సంరక్షణపై విద్యార్థులకు అవగాహన

▶

Local· 25m ago

వన్యప్రాణుల సంరక్షణపై విద్యార్థులకు అవగాహన

అల్లూరి సీతారామరాజు జిల్లా అరకులోయ అటవీ రేంజ్ పరిధిలోని కంఠబౌసుగుడ ప్రభుత్వ ఉన్నత పాఠశాలలో వన్యప్రాణి వారోత్సవాల్లో భాగంగా విద్యార్థులకు చిత్రలేఖనం పోటీలు నిర్వహించారు. వన్యప్రాణుల ప్రాధాన్యం, జీవవైవిధ్య పరిరక్షణ, అడవుల సంరక్షణపై అవగాహన కల్పించారు. ఎఫ్ఆర్వో బి. కోటేశ్వరరావు వివరాలు తెలిపారు. విజేతలకు ప్రోత్సాహకాలు అందజేస్తారు.

Local· 27m ago

పీజీ సెంటర్‌కు బస్సు.. NSUI డిమాండ్

గద్వాల పట్టణంలోని అగ్రహారం పాలమూరు యూనివర్సిటీ పీజీ సెంటర్‌కు ఆర్టీసీ బస్సు సర్వీసులు వెంటనే పునఃప్రారంభించాలని NSUI జిల్లా అధ్యక్షుడు కె. అవినాష్ యాదవ్ కోరారు. గద్వాల ఆర్టీసీ డిపో మేనేజర్‌కు వినతిపత్రం అందజేశారు. గతంలో ఉన్న బస్సు సౌకర్యం రావాలని, పేద విద్యార్థుల రవాణా ఇబ్బందులు తొలగాలని, మహిళా విద్యార్థుల ఉచిత ప్రయాణం ఉపయోగపడుతుందని తెలిపారు.

Local· 28m ago

అనంతవరంలో టీడీపీ సమావేశం

నెల్లూరు జిల్లా దగదర్తి మండలం అనంతవరం గ్రామంలో టీడీపీ సమావేశం జరిగింది. మండల ఇన్‌చార్జి పమిడి రవికుమార్ చౌదరి, మండల పార్టీ అధ్యక్షులు అల్లం హనుమంతరావు, క్లస్టర్ ఇన్‌చార్జి జలదంకి శ్రీహరి నాయుడు, యూనిట్ ఇన్‌చార్జిలు పులి శీనయ్య, మారుబోయిన వేణుగోపాల్, పాపన మల్లికార్జునరెడ్డి, రెడ్డిమాచు రవీంద్ర నాయుడు పాల్గొన్నారు. గ్రామ పార్టీ అధ్యక్షులు పొదమేకల కొండయ్య ఆధ్వర్యంలో సమావేశం నిర్వహించారు. కార్యక్రమంలో మందా శీనయ్య, నరహరి హరిబాబు, తోకల యలమందయ్య నాయుడు, అనీల్ మహేష్, శీనయ్య, తదితరులు పాల్గొన్నారు.

Local· 30m ago

ఫ్యూచర్ సిటీ కమిషనరేట్.. కొత్త షాద్‌నగర్ జోన్!

తెలంగాణ ప్రభుత్వం ఫ్యూచర్ సిటీ పోలీస్ కమిషనరేట్‌ను ఏర్పాటు చేసింది. హోంశాఖ అక్టోబర్ 6న జీఓ ఎంఎస్ నంబర్ 90 జారీ చేసింది. BNSS-2023 సెక్షన్ 7 కింద కొత్త కమిషనరేట్ ఏర్పాటైంది. ఆమనగల్లు, షాద్‌నగర్ జోన్లు కొత్తగా ఏర్పాటయ్యాయి. ఆమనగల్లు డివిజన్‌లో ఆమనగల్లు, మాడ్గుల, తలకొండపల్లి, కడ్తాల్ పోలీస్ స్టేషన్లు ఉంటాయి. షాద్‌నగర్ డివిజన్‌లో కొత్తూరు, నందిగామ, కేశంపేట, షాద్‌నగర్, కొందుర్గ్, చౌదరిగూడ పోలీస్ స్టేషన్లు ఉంటాయి.