డీఎస్సీపై తగ్గేది లేదు: సజ్జల

By Krishna· 2h ago

AP: డీఎస్సీలో అడ్డదారిలో ఉద్యోగాలు ఎలా వచ్చాయో బయటపడుతోంది అని వైసీపీ నేత సజ్జల రామకృష్ణా రెడ్డి ఆరోపించారు. అక్రమాలు ఒక్కొక్కటిగా బయటపడుతున్నాయన్న ఆయన.. ఈ అంశంపై వైసీపీ పోరాటం కొనసాగుతుంది అని అన్నారు. ప్రభుత్వాన్ని డిఫెండ్ చేసేందుకు ఇద్దరు మహిళా అధికారులను ఎంపిక చేశారన్న సజ్జల.. మెగా డీఎస్సీ పేరుతో టీచర్ పోస్టులను అడ్డదారిలో అమ్ముకున్నారని మండిపడ్డారు. ఈ స్కాంకి మూల సూత్రధారి విద్యా శాఖ మంత్రి నారా లోకేష్ అని ఆయన ఆరోపించారు.

More in AP

AP· 1h ago

తెలుగువారి కోసం దిల్లీలో కొత్త రైస్ స్టోర్‌ ఓపెన్

AP: దిల్లీలో పర్యటించిన ఏపీ మంత్రి నాదెండ్ల మనోహర్ కీలక, సమావేశాల్లో పాల్గొన్నారు. NCCF ఎండీని కలిసి నిత్యావసరాల సప్లై, ధరల కంట్రోల్‌పై చర్చించారు. తర్వాత కేంద్ర కన్జ్యూమర్ అఫైర్స్ సెక్రటరీ నిధి ఖరేను కలిశారు. దిల్లీ AP భవన్‌లో కొత్త రైస్ స్టోర్‌ను లాంచ్ చేశారు. తెలుగువారికి మంచి క్వాలిటీ బియ్యం అందించడమే లక్ష్యమన్నారు. రేపు కేంద్ర మంత్రి ప్రహ్లాద్ జోషితో పామ్ ఆయిల్, ఉల్లిపాయలు, పప్పుల ధరలపై చర్చిస్తామని చెప్పారు. సివిల్ సప్లై శాఖలో అవినీతికి చెక్ పెట్టేందుకు చర్యలు తీసుకుంటున్నామని తెలిపారు.

AP· 4h ago

మంగళగిరిలో పునుగుపిల్లి!

గుంటూరు జిల్లా.. మంగళగిరి పానకాల స్వామి కొండపై పునుగుపిల్లి కనిపించినట్లు తెలిసింది. శేషాచలం, నల్లమల అడవుల్లో అరుదుగా ఇవి కనిపిస్తాయి. అలాంటి ఈ పునుగుపిల్లి.. కొండ ఎక్కుతున్న భక్తులకు కనిపించింది. దీని శరీరం నుంచి వచ్చే ఆయిల్.. సెంట్ వాసన వస్తుంది. తిరుమల శ్రీవారికి అభిషేకం తర్వాత.. మూల విరాట్టుకి ఈ ఆయిల్ పూస్తారని ప్రసిద్ధి. తద్వారా స్వామివారి విగ్రహానికి పగుళ్లు రాకుండా నిత్యం ప్రకాశిస్తూ ఉంటుందని నమ్ముతారు. ఇంతకీ భక్తులు చూసింది.. పునుగుపిల్లేనా అనేది అటవీ శాఖ కన్ఫామ్ చెయ్యాల్సి ఉంది.

AP· 4h ago

యూట్యూబర్‌ నందన అరెస్ట్!

ప్రముఖ యూట్యూబర్‌ నందూస్‌ వరల్డ్‌ నందన (అన్నే రామ నందన)ను శంషాబాద్‌ ఎయిర్‌పోర్టులో పోలీసులు అరెస్ట్‌ చేశారు. ఆమె లండన్‌లో ఉద్యోగాలు, వీసా ఇప్పిస్తామని చెప్పి సుమారు 100 మంది దగ్గర 15 నుంచి 20 లక్షల రూపాయల చొప్పున డబ్బులు వసూలు చేసినట్లు ఆరోపణలు ఉన్నాయి. కృష్ణా జిల్లా ఇబ్రహీంపట్నం పోలీసులకు బాధితులు కంప్లైంట్ చెయ్యడంతో ఆమె, భర్త మధుకర్‌, అత్తమామలపై కేసు నమోదైంది. లుక్‌ అవుట్‌ నోటీసులు జారీ అయ్యాయి. సోమవారం.. భారత్‌ వచ్చిన నందనను అదుపులోకి తీసుకున్నారు. ఆమె చిరంజీవి ‘మన శంకర్‌’ సినిమాలో నటించారు.

AP· 5h ago

చేతులు, మెడకు తాళ్లు కట్టి..!

ఏపీ.. విజయనగరం జిల్లాలోని భోగాపురంలో దారుణం జరిగింది. మహేష్ అనే మెకానిక్.. ఓ యువకుడి చేతులు, మెడకు తాళ్లు కట్టి నడిరోడ్డుపై నడిపించి, తర్వాత బైక్‌తో లాక్కెళ్లడం తీవ్ర కలకలం రేపింది. బైక్‌ రిపేర్‌ డబ్బులు ఇవ్వలేదనే కారణంతో మెకానిక్ ఈ ఘాతుకానికి పాల్పడినట్లు తెలుస్తోంది. దీనిపై స్పందించిన పోలీసులు.. మెకానిక్‌ మహేశ్‌తో పాటు అతనికి సహకరించిన మరో నలుగురిని అరెస్ట్‌ చేశారు.