పాఠశాలలో స్వయం పరిపాలన దినోత్సవం

By Mutyala Ravindar· 1h ago· Kapra, Secunderabad, Hyderabad

TG: హైదరాబాద్ నల్లకుంట ప్రభుత్వ పాఠశాలలో విద్యార్థులు స్వయం పరిపాలనా దినోత్సవాన్ని ఉత్సాహంగా నిర్వహించారు. విద్యార్థులు ఉపాధ్యాయులుగా మారి పాఠశాల ప్రారంభం నుంచి అసెంబ్లీ నిర్వహణతో పాటు పాఠాలు బోధించడం, వివిధ బాధ్యతలు చేపట్టారు. అనంతరం ఉపాధ్యాయులు పి.విమల, టి.యాదయ్య, జి.అరుణ, కే.సంధ్య, హిమబిందులను పాఠశాల తరఫున ప్రధానోపాధ్యాయులు ముత్యాల రవీందర్ సన్మానించారు. ఉపాధ్యాయుల పాత్ర సమాజంలో కీలకమని ఆయన పేర్కొన్నారు. కార్యక్రమంలో టి.కవిత, ఎస్.సుజిత, ప్రశాంతి, అనిల్ కుమార్, సురేందర్ రెడ్డి పాల్గొన్నారు.

More in Local

Local· 1h ago

గణేష్ ఉత్సవాలపై పోలీసుల కీలక సూచనలు

TG: ఖమ్మం జిల్లా వేంసూరు మండల పోలీస్‌స్టేషన్‌లో గణేష్ ఉత్సవ కమిటీ నిర్వాహకులతో ఎస్‌ఐ పల్లెల ప్రదీప్ సమావేశం నిర్వహించి భద్రతా సూచనలు చేశారు. గణేష్ విగ్రహాల ఏర్పాటు ప్రాంతాలు, నిర్వాహకుల వివరాలు, నిమజ్జన తేదీలను ముందుగానే పోలీసులకు తెలియజేయాలని సూచించారు. గతేడాది వెంకటాపురంలో నిమజ్జనం సందర్భంగా వ్యక్తి మృతి చెందిన ఘటనను గుర్తుచేస్తూ ఈసారి నిర్వాహకులు అప్రమత్తంగా ఉండాలని, భద్రతా నిబంధనలు తప్పనిసరిగా పాటించాలని కోరారు. నిమజ్జన కార్యక్రమాల్లో డీజేలకు అనుమతి లేదని ఎస్‌ఐ స్పష్టం చేశారు.

Local· 1h ago

డిగ్రీ కాలేజీలో ఓటర్ నమోదుపై అవగాహన

AP: అల్లూరి సీతారామరాజు జిల్లా అరకులోయ ప్రభుత్వ డిగ్రీ కళాశాలలో ఓటర్ నమోదుపై అవగాహన కార్యక్రమం నిర్వహించారు. ప్రిన్సిపల్ డా. సిహెచ్ కేశవరావు అధ్యక్షతన జరిగిన కార్యక్రమంలో తహశీల్దార్ జి. రాజశ్రీధర్, డిప్యూటీ తహశీల్దార్ కె. మత్స్యరాజు, ఆర్.ఐ శంకర్రావు పాల్గొన్నారు. ప్రజాస్వామ్యంలో ఓటు ప్రాధాన్యతను ప్రిన్సిపల్ వివరించారు. 18 ఏళ్లు నిండిన ప్రతి ఒక్కరూ ఓటరుగా నమోదు చేసుకోవాలని అధికారులు సూచించారు. అనంతరం విద్యార్థులతో అవగాహన ర్యాలీ నిర్వహించారు.

Local· 1h ago

ప్రేమ పేరుతో వేధింపులు.. నిందితుడికి జైలు శిక్ష

AP: కడప జిల్లా ప్రొద్దుటూరులో మహిళను ప్రేమ పేరుతో వేధిస్తూ, చంపేస్తానంటూ బెదిరించిన కేసులో నిందితుడు పళ్లపోతుల అనిల్ కుమార్ రెడ్డికి కోర్టు శిక్ష విధించింది. ఉద్యోగం ఇప్పిస్తానని నమ్మబలికి మహిళను వేధించిన కేసులో ప్రొద్దుటూరు కోర్టు నిందితుడికి మూడు ఏళ్ల జైలు శిక్షతో పాటు రూ.5,500 జరిమానా విధించింది. ప్రొద్దుటూరు రూరల్ పోలీసులు 83 రోజుల్లో దర్యాప్తు పూర్తి చేసి, పకడ్బందీ సాక్ష్యాలను కోర్టులో సమర్పించారు. సాక్ష్యాల ఆధారంగా నేరం రుజువు కావడంతో కోర్టు శిక్ష ఖరారు చేసింది.

Local· 1h ago

అరకులోయ డిగ్రీ కాలేజీలో ప్రవేశాలు ప్రారంభం

AP: అల్లూరిసీతారామరాజు జిల్లా అరకులోయ ప్రభుత్వ డిగ్రీ కళాశాలలో ప్రథమ సంవత్సరం సింగిల్ మేజర్ కోర్సుల్లో ప్రవేశాలు ప్రారంభమయ్యాయి. అలాట్మెంట్ పొందిన విద్యార్థులు సెప్టెంబర్ 10లోగా కళాశాలలో చేరాలని ప్రిన్సిపల్ సీహెచ్ కేశవరావు సూచించారు. తొలి దశలో బీఏ పొలిటికల్ సైన్స్, బీకాం జనరల్, బీకాం సీఏ, బీఎస్సీ కంప్యూటర్ సైన్స్, మ్యాథమెటిక్స్, బోటనీ, కెమిస్ట్రీ కోర్సుల్లో మొత్తం 319 సీట్లు కేటాయించినట్లు తెలిపారు. అలాట్మెంట్ పొందిన విద్యార్థులు నిర్ణీత గడువులోగా ప్రవేశాలు పూర్తి చేసుకోవాలని ప్రిన్సిపల్ కోరారు.