హైదరాబాద్‌లో ఫుడ్ సేఫ్టీ రైడ్స్.. 3.6 టన్నుల ఖోవా సీజ్!

By Mahesh· 1h ago· హైదరాబాద్

TG: హైదరాబాద్‌లో ఫుడ్ సేఫ్టీ అధికారులు భారీగా ఖోవాను సీజ్ చేశారు. ఈరోజు ఉదయం 5 గంటల నుంచి CURE పరిధిలోని 6 డెయిరీ యూనిట్లు, ఓ ట్రాన్స్‌పోర్ట్ సెంటర్‌లో రైడ్స్ చేశారు. అన్‌హైజీనిక్‌గా తయారీ, FSSAI లైసెన్స్ లేకుండా రన్ చేయడం, ప్రాపర్ టెంపరేచర్‌లో స్టోర్ చేయకపోవడం వంటి రూల్స్ బ్రేక్ చేయడం గుర్తించారు. బస్సులు, DCMలో ప్లాస్టిక్ కవర్లతో తీసుకెళ్తున్న 3.6 టన్నుల ఖోవాను సీజ్ చేశారు. కొన్ని యూనిట్లను మూసివేయనుండగా, మరికొన్నింటికి నోటీసులు ఇవ్వనున్నారు.

More in TG

TG· 25m ago

P.G. మెడికల్‌ ‘కన్వీనర్‌’ సీట్లకు నేటి నుంచే అప్లికేషన్లు

తెలంగాణలో 2026-27 విద్యా సంవత్సరానికి P.G. మెడికల్‌ డిగ్రీ కోర్సుల్లో కన్వీనర్‌ కోటా సీట్ల భర్తీకి కాళోజీ హెల్త్ యూనివర్సిటీ నోటిఫికేషన్‌ విడుదల చేసింది. అర్హులైన నాన్‌-సర్వీస్‌, ఇన్‌-సర్వీస్‌ అభ్యర్థులు ఈరోజు సాయంత్రం 4 గంటల నుంచి 23వ తేదీ సాయంత్రం 4 గంటల వరకు <a href="https://tspgmed.tsche.in/">వెబ్‌సైట్‌లో</a> అప్లై చేసుకోవాలి. సర్టిఫికెట్లను కూడా ఆన్‌లైన్‌లో అప్‌లోడ్‌ చేయాలి. నీట్‌ P.G-2026లో అర్హత సాధించి, తెలంగాణ స్థానికత ఉన్నవారే ఈ సీట్లకు అర్హులు.

▶

TG· 1h ago

డివైడర్‌ను ఢీకొట్టి.. డ్రైవర్ పరార్

TG : హైదరాబాద్ కంచన్‌బాగ్‌లో మహీంద్రా కారు ఓవర్ స్పీడ్‌తో వచ్చి బాబానగర్ ఫంక్షన్ హాల్ దగ్గర డివైడర్‌ను బలంగా ఢీకొట్టింది. డివైడర్ పగిలి కారు అవతలి రోడ్డులోకి దూసుకెళ్లింది. ఈ ఘటన సమయంలో కారులో ఇద్దరు ఉండగా, డ్రైవర్ మాత్రం అక్కడి నుంచి పరారయ్యాడు. తాగి నడపడం వల్లే ఈ యాక్సిడెంట్ జరిగి ఉంటుందని అనుమానిస్తున్నారు. పోలీసులు కేసు ఫైల్ చేసి ఎంక్వైరీ చేస్తున్నారు.

TG· 1h ago

బరువు తగ్గుతారంటూ నాసిరకం మందులు!

TG: బరువు తగ్గేందుకు ఆన్‌లైన్‌లో దొరికే అనుమతి లేని మందులు వాడొద్దని తెలంగాణ డ్రగ్‌ కంట్రోల్‌ అధికారులు హెచ్చరించారు. రెటాట్రూటైడ్‌, టెసామోరెలిన్‌ వంటి మందులు, సోషల్‌ మీడియా ద్వారా కొనుగోలు చేసి వాడుతున్నట్లు గుర్తించారు. వీటితో తీవ్రమైన ఇన్ఫెక్షన్లు, ఇతర ఆరోగ్య సమస్యలు వచ్చే ప్రమాదం ఉందని తెలిపారు. డాక్టర్ సలహా లేకుండా ఇలాంటి మందులు వాడొద్దని అధికారులు సూచించారు. అనుమతి లేని మందులను అమ్మితే చట్టపరమైన చర్యలు తీసుకుంటామని హెచ్చరించారు.

TG· 2h ago

ఎల్‌నినో కంటే కాంగ్రెస్ పాలనే డేంజర్: హరీష్ రావు

TG: రాష్ట్రంలో విద్యుత్ సంక్షోభానికి కాంగ్రెస్ ప్రభుత్వ వైఫల్యమే కారణమని BRS నేత హరీష్ రావు విమర్శించారు. ఎల్‌నినోపై శాస్త్రవేత్తలు 9 నెలలుగా హెచ్చరిస్తున్నా ప్రభుత్వం పట్టించుకోలేదని ఆరోపించారు. విద్యుత్ రంగంపై సమీక్షలు చేయకుండా కరెంట్ కోతలకు కారణమయ్యారని మండిపడ్డారు. తప్పును అధికారులపై నెట్టి, వారిని సస్పెండ్ చేస్తామని బెదిరిస్తున్నారని విమర్శించారు. అధికారుల ఉద్యోగాల కంటే, ప్రజల నుంచి వచ్చే ప్రశ్నలపై దృష్టి పెట్టాలని రేవంత్‌కు హితవు పలికారు.