పెద్ద టక్లిలో ప్రత్యేక ఓటరు నమోదు కార్యక్రమం

TG: అర్హులైన ప్రతిఒక్కరూ ఓటరుగా నమోదు చేసుకోవాలని అధికారులు సూచించారు. కామారెడ్డి జిల్లా డొంగ్లీ మండలం పెద్ద టక్లి గ్రామంలోని పోలింగ్ స్టేషన్ నం.10లో ప్రత్యేక ఓటరు నమోదు కార్యక్రమం నిర్వహించారు. ఈ సందర్భంగా కొత్త ఓటర్ల నమోదు, ఓటరు జాబితాలో సవరణలు, మార్పులు, చేర్పులకు సంబంధించిన దరఖాస్తులను స్వీకరించారు. ఓటరు జాబితా ప్రక్రియపై ప్రజలకు అవగాహన కల్పించారు. కార్యక్రమంలో గ్రామ సర్పంచ్ విలాస్ గాయక్వాడ్, బీఎల్ఓ సూపర్వైజర్, బీఎల్ఓ, తదితరులు హాజరయ్యారు.